Një histori e pazakontë familjare në “Pa Gjurmë” .Dy vëllezër ndahen për së gjalli për shkak të një martese të padëshiruar në familje. Gëzim Luri, 76 vjeç, vjen në studio për të rrëfyer se si halla e tij u martua me një burrë kundër dëshirës së familjes dhe kjo solli një përçarje të thellë mes babait të tij dhe vëllait. Ata nuk folën më kurrë me njëri-tjetrin. Sot, pas dekadash, Gëzimi kërkon kushërinjtë – familjen e xhaxhait të ndjerë që sipas tij ndodhen në Shkodër. ? “Dua ta çoj në fund amanetin e babait tim. Dua të gjej gjakun tim!” – shprehet ai me emocion. Në pjesën e dytë të emisionit "Pa Gjurmë", u trajtua historia tronditëse e zhdukjes së 80-vjeçarit Sulejman Bekshiu, nga Kavaja. Prej datës 10 shtator, familjarët nuk kanë më asnjë kontakt me të moshuarin, i cili doli nga shtëpia për të marrë pensionin dhe nuk u kthye më. E bija, Gentjana Hida, rrëfeu në studio momentet e fundit dhe dyshimet për fatin e tij, ndërsa apeloi për ndihmë nga qytetarët. Dëshmi, pamje të reja dhe një telefonatë e rëndësishme që mund të çojë drejt zbardhjes së kësaj zhdukjeje misterioze.