Një histori familjare që nis dekada më parë dhe mbetet ende e pazgjidhur. Në studion e “Pa Gjurmë”, Tafil Çela rrëfen për herë të parë kërkimin e tij për kushërinjtë që jetojnë në Turqi. Sipas tij, tre xhaxhallarët u larguan nga Shqipëria shumë vite më parë dhe ndërtuan jetën e tyre në Turqi, ku njëri prej tyre arriti edhe poste të rëndësishme në arsim. Familja në Shqipëri ruajti për një kohë të gjatë kontaktet me letra me një prej tyre, por më pas lidhjet u ndërprenë dhe gjurmët u humbën. Sot, pas amanetit të babait të ndjerë, 68-vjeçari kërkon të gjejë kushërinjtë që nuk i ka njohur kurrë, për t’u treguar se kanë një familje të madhe që i pret në Shqipëri. A do të arrijë emisioni “Pa Gjurmë” të gjejë gjurmët e familjes së humbur në Turqi?