Një tjetër histori e pazakontë do të vij e rrëfyer pasditen e sotme… është historia e 55 vjeçarit, Gjovalin Gjetës, një burrë që dha 30 milion lekë borxh tek miku I tij dhe në këmbim mori një denoncim në polici ...55 vjeçari, u kthye në atdhe pas viteve të gjata emigrimi në Itali, por kthimi i tij u kthye në një makth që i kushtoi shumë. Sapo u rikthye në Shqipëri, Gjovalini u ritakua me një mik, i cili i kërkoi ndihmë financiare. Me besim të plotë dhe dëshirë për të ndihmuar, ai i dha 30 milionë lekë borxh përmes një akti notarial. Por asgjë nuk shkoi sipas pritshmërive. Borxhi nuk u kthye kurrë. Mikut që i kishte marrë paratë nisi t’i shmanget, ta gënjejë dhe, në një kthesë të pabesueshme, e denoncoi Gjovalinin për “shqetësim”. Për pasojë, ai kaloi tri ditë pas hekurave, derisa gjykata vendosi pafajësinë e tij. I vendosur të kërkojë drejtësi, ai paditi mikun për kthimin e borxhit. Gjykata vendosi që një nga pronat e borxhliut duhej t’i kalonte atij në llogari të borxhit të papaguar. Por edhe ky vendim nuk i solli paqe. Ndërkohë që procedura për pronën vazhdonte, ish-miku i tij u nda në mënyrë efektive nga bashkëshortja. Tani, si ai, ashtu edhe ish-gruaja, nuk e lënë të qetë Gjovalinin. Ai gjithashtupërballet me pengesa ligjore për të marrë atë që i takon me të drejtë. Sot, Gjovalini nuk gëzon as paratë, as pronën, dhe as qetësinë që shpresonte të gjente pas viteve të punës së ndershme në emigracion.