Një tjetër grua denoncohet e humbur në emisionin nga bashkëshorti i saj. 22-vjeçarja Anisa Oshafi lë djalin e mitur dhe largohet më 11 maj të 2022 nga zona e Kinostudios në Tiranë. Çifti kanë 6 vite martesë sëbashku, ndërsa prej një viti e gjysëm ishin shpërngulur nga Pogradecit në kryeqytet, ku Albi nisi punë si shofer ndërsa Anisa punonte shitëse në një market. Me ardhjen në një tjetër qytet marrëdhënia mes tyre nisi të shfaqte krisjet e para, një marrëdhënia që thuajse kishte ardhur drejt fundit. Dy javë para se Anisa të merrte vendimin për t’u larguar i shoqi kishte vënë re ndryshime në sjelljen e gruas karshi tij dhe djalit të vogël. Ajo i kërkoi Albit të tërhiqte 2 çertifikata atë të martesës dhe një familjare me pretekstin se i nevojiteshin për dokuemntacionin ebankës, ku do t’i hidhej rroga mujore. Pa e menduar gjatë skenarin që kishte planifikuar e shoqja, Albi tërheq dy çertifikatat, të cilat Anisa i kishte marr me vete ditën që u zhduk ndërsa i shoqi ishte në punë. Pas largimit të gruas ai mësoi se atë ditë nuk ishte paraqitur as në punë, ndërkohë që djalin e kishin dërguar tek gjyshërit në Pogradec. Bashkëshorti saj bën denoncimin në polici më 13 maj, nga ku është arristur të zbulohej nga sistemi TIMS se 22-vjeçarja është larguar për në Gjermani nga aeroporti i Rinasit. Në banesë ajo nuk kishte lënë asnjë shënim, ndërsa me vete kishte marr çantën me sendet e saj personale, kartën e identitetit dhe pasaportën. Ikjen e papritur të Anisës, bashkëhsorti e lidh me dyshimet që ka tek një tradhëti e mundshme. Ata janë njohur 6 vite më parë përmes rrjeetit social facebook dhe në marrëdhënien e tyre sikundër ai pretendon nuk është ushtruar dhunë, përvec debateve familjare, për shkak edhe të neglizhencës që kishte shfaqur së fundmi ndaj djalit, nëna që tashmë rezulton e humbur.