Infeksionet vaginale janë një nga shqetësimet më të zakonshme që prekin gratë dhe vajzat në çdo moshë. Shpesh ato shoqërohen me simptoma si kruarje, djegie, sekrecione të pazakonta apo parehati, duke ndikuar në mirëqenien dhe cilësinë e jetës. Njohja e shenjave, trajtimi në kohën e duhur dhe kujdesi i përditshëm janë thelbësorë për ruajtjen e shëndetit intim. Në ‘Rreze Dielli” flasim për shkaqet më të shpeshta të infeksioneve vaginale, mënyrat e parandalimit, gabimet që duhen shmangur dhe rastet kur është e domosdoshme të kërkohet ndihma e mjekut. Dr. Shkëlqim Balili do të ndajë këshilla praktike dhe informacione të bazuara në përvojën profesionale, për t'i ndihmuar gratë dhe vajzat të kujdesen më mirë për shëndetin e tyre intim.