Çfarë na pengon të gjejmë paqen e brendshme dhe lumturinë? Si mund të jemi të suksesshëm në jetë, si mund të na ndihmojë spiritualiteti të shërojmë e trajtojmë traumat e së kaluarës, si mund të ndërtojmë marrëdhënie më të forta me të tjerët? Me kaq shumë theks dhe vëmendje te suksesi i jashtëm, si munden njerëzit të përqendrohen më shumë në përmbushjen e brendshme? Në ditët e sotme ku gjithçka ecën me ritme të shpejta, shumë njerëz luftojnë me stresin dhe ankthin, cilat janë hapat e parë për të gjetur paqen dhe qetësinë... Diskutojmë në studion e "Rreze Dielli" me mjeshtrin e meditimit, motivimit dhe hipnozës terapeutike, Sheki Useini, i cili duke qenë se punon me shumë njerëz që kërkojnë qëllim dhe drejtim në jetë, ndan në studion tonë dhe pyetjet më të shpeshta që i drejtojnë, si dhe jep disa këshilla për ata që ndihen të shkëputur apo të humbur shpirtërisht.