Gjuha e trupit i referohet sinjaleve joverbale që ne përdorim për të komunikuar. Shprehjet e fytyrës, gjestet, qëndrimi dhe toni i zërit janë mjete të fuqishme komunikimi. Nga shprehjet tona të fytyrës deri te lëvizjet e trupit tonë, gjërat që nuk i themi mund të transmetojnë shumë informacione. Gjuha e trupit shpesh mund t'u tregojë të tjerëve shumë më tepër për atë që mendojmë ose ndjejmë sesa fjalët që përdorim. Ne shpesh përdorim mesazhe joverbale në mënyrë instinktive ose të pandërgjegjshme. Mënyra sesi sillemi, gjestet që bëjmë, qëndrimi që mbajmë, toni i zërit, apo kontakti me sy që bëjmë - dërgojnë mesazhe shumë të forta. E ftuar në "Rreze Dielli" ekspertja e komunikimit dhe gjuhës së trupit, Linda Kalemi, tregoi sesi mund të kuptojmë dhe lexojmë tek të tjerët atë që nuk shprehet me fjalë. Gjithashtu Kalemi u ndal dhe në gjuhën e trupit të personazheve më në zë të momentit, trekëndëshit Kiara-Luiz-Tea. Lojë, flirtim apo ndjenjë...