“Vetmia dhe ndjesia e të qenit të padëshiruar janë varfëria më e tmerrshme”, kjo thënie nga Nënë Tereza thjesht ilustron atë që shumë mjekë shkencëtarë e konfirmuan më vonë: Vetmia të mbyt! Raportet e kohëve të fundit ngrenë shqetësimin se vetmia ka një efekt shkatërrimtar ndaj shëndetit. Në Shqipëri, vetmia është kthyer në një mbyllje të ashpër sociale dhe një varfëri të madhe shpirtërore, sidomos për të moshuarit. Në lidhje me këtë tematikë flasim në studion e “Rreze Dielli”, Ankthi dhe Vetmia në moshën e tretë, Profesori i Psikologjisë së Zhvillimit Ilia Larti do të japë disa këshilla tepër të vlefshme.
