Dy dite para se të mbyllnin sezonin e kaluar, 16-vjeçarja Kristina Bregasi nga Poliçani sapo kishte dalë nga koma, pas një aksidenti të rëndë automobilistik. E shoqeruar nga babai i saj, z. Abaz, e reja e rritur jetime kërkoi ndihmën e “Pa Gjurmë”. Dëmtimet në fundin e shtyllës kurrizore, nuk e lejojnë vajzën të ngrihet në këmbë. E mbytur mes lotëve Kristina rrëfeu momentet e tmerrshme të aksidentit të datës 19 prill 2023 në qytetin e Poliçanit, i cili mori jetën e shokut të saj 15-vjeçar Aldo Zyliftari e ndërsa 3 të mitur të tjerë mbetën të plagosur, mes tyre Kristina, ajo e cila u dërgua në spital në një gjëndje tepër të rëndë. Përplasja e fortë i kishte shkaktuar vajzës dëmtime të rënda në kokë, ndaj duhej një ndërhyrje e menjëhershme për t’i shpëtuar jetën… E mitura qendroi mbi 2 javë në koma, ndërsa babai i saj i kujton ato ditë si më të errëtat e jetës së tij, i frikësuar se mund të humbiste dritën e syve, motivin e vetëm për të cilin jeton sot, pasi fatkeqësitë e kanë ndjekur njëra pas tjetrës… duke humbur nga kjo jetë bashkeshorten dhe të birin. Nga transmetimi i dates 27 korrik, Kristines iu premtuan nga studio seancat e fizioterapise, pasi vetem nëpërmjet tyre vajza mund të ngrihej sërisht në kembë….por si është gjendja e saj sot?