Sot në "Bima dhe Shëndeti" ndalemi në një temë shumë të rëndësishme për shëndetin tonë: problemet me veshkat dhe sinjalet që na tregojnë se ky organ jetik nuk po funksionon siç duhet. Specialisti i bimëve mjekësore Ylli Merja, do të ndajë me ne këshilla dhe alternativa natyrale për mbështetjen e shëndetit të veshkave. Veshkat janë filtri kryesor i organizmit tonë. Ato pastrojnë gjakun nga toksinat, rregullojnë nivelin e lëngjeve, balancojnë kripërat minerale dhe ndikojnë drejtpërdrejt në tensionin e gjakut. Por shpeshherë, problemet me veshkat zhvillohen në heshtje, pa simptoma të dukshme në fazat e para. Lodhja e vazhdueshme, ënjtjet në këmbë, ndryshimet në urinim, dhimbjet në pjesën e mesit apo infeksionet e shpeshta urinare janë disa nga shenjat që nuk duhen neglizhuar. Në "Rreze Dielli" do të tregojmë simptomat paralajmëruese, faktorët që ndikojnë në dobësimin e funksionit të veshkave, si dhe për rolin që mund të kenë bimët mjekësore dhe mënyrat natyrale në mbështetjen e këtij organi. Cilat janë bimët që njihen tradicionalisht për efektin e tyre pastrues dhe diuretik? Si mund të përdoren në mënyrë të sigurt, dhe kur është e domosdoshme ndërhyrja mjekësore.