Në studion e “Rreze Dielli” në rubrikën “Bëje vetë” me estetisten Sidorela Gremi përgatisim një përzierje natyrale për heqjen e zbokthit. Lëkura largon vazhdimisht shtresa qelizash dhe në zonën e kokës kjo veprimtari është më e shpeshtë se në zonat e tjera. Zbokthi, që formohet në momentin kur një sasi shumë e madhe e lëkurës së kokës fillon të bjerë, mund të shkaktojë kruarje, irritim të zonës dhe sigurisht që nuk është aspak estetik. Për këtë arsye, përpos shampos kundër zbokthit, mund të aplikoni edhe një maskë të bërë vetë në shtëpi për efekt më të shpejtë.