Që kur nëna , Zade Bucpepaj, u nda nga jeta në moshën 36 vjecare, më 23 mars 1994 për shkak të një aksidenti me makinë. Majlinda e përjetoi shumë keq pasi ishte më e madhja nga fëmijët, 15 vjec asokohe. Nga aksidenti që i mori jetën nënës, ato për pak sa nuk humbën edhe babain e tyre i cili pati pasoja nga ky aksident. 2 vite pas vdekjes së nënës, Majlinda martohet me një person nga Tropoja. 6 muaj pas martesës ato divorcohen për shkak të një konflikti me bashkeshorten, të cilën e dhunoi. Familja nuk e mbështeti, por e akuzonin dhe vetëm i bërtisnin, e torturonin, e mbyllën në shtëpi. Babai nuk ishte në gjendje të mendonte gjithashtu edhe 2 vllezërit nuk e mbeshtetën, vëllai i madh e dhunonte. Nga i gjithë presioni që po ushtrohej ndaj Majlindës, babai e dërgoi vajzën tek daja , i cili gjithahstu e ka dhunuar dhe i ka drejtuar armën. Vajza iku nga daja pa i thënë askujt dhe familja arriti ta gjej në Shkodër. Ato e kthyen sërish në shtëpinë e dajës por pastaj Majlinda u kthye në shtëpinë e familjes dhe tentoi të largohej sërish. Babai nuk e pranoi më në shtëpi dhe kështu ajo qëndroi tek xhaxhai deri me datën 12 qershor të vitit 1997. Në këtë datë ajo u largua përfundimish duke mos lënë asnjë gjurmë. Motra, Pranvera ishte e vogël në atë kohë dhe i kujtohet se si e takonte fshehurazi Majlindën dhe qëndronin duke biseduar me njëra tjetrën. Para se të largohej për përgjithmonë, Majlinda i tha motrës së saj Pranverës se do largohej pasi nuk mund t'i duronte më dot fjalët e familjes, edhe pse motra i'u lut Majlindës që të mos largohej ose që ta merrte dhe atë me vete Majlinda iu përgjigj "Zemra motrës, ti e di që unë vetëm ty të kam por nuk mundem të të marr me vete pasi nuk e di se si do më shkoj jeta, të premtoj që një ditë do të kthehem për ty dhe do të të marr sapo të rregullohem diku" disa orë më pas Majlinda u largua dhe që nga ajo ditë nuk dihet më asgjë për fatin e saj.