Ana Dede është një vajzë në vitin e parë të shkollës së mesme, e cila është bërë nismëtare për të nxitur dashurinë për leximin tek fëmijët, diçka aq e rëndësishme, por që shpesh humbet në zhurmën e teknologjisë. Në një kohë kur ekranet, rrjetet sociale dhe lojërat dixhitale na vjedhin gjithnjë e më shumë vëmendjen ajo ka krijuar një hapësirë të veçantë ku libri është në qendër. ‘Klubi i Leximit me Anën’ është më shumë se një takim me faqe letre, është një ftesë për të ndarë emocione, për të kuptuar botë të ndryshme dhe për të ndërtuar imagjinatën.