Prej ditës së shtunë, familja Sala po jeton ditët më të vështira të jetës. 74-vjeçari Haki Sala është zhdukur pa gjurmë, pasi është larguar nga ambientet e spitalit “Nënë Tereza”, ku ishte i shtruar për trajtim mjekësor. I moshuari ndodhej në repartin e Urologjisë, pasi kishte kryer një ndërhyrje. Sipas familjarëve, Hakiu është parë për herë të fundit mëngjesin e 1 nëntorit, i veshur me pizhame ngjyrë blu, dhe që prej atij momenti, nuk është më kontaktuar. Familjarët thonë se kanë njoftuar menjëherë policinë dhe spitalin, por pavarësisht kërkimeve dhe verifikimit të kamerave të sigurisë, ende nuk ka asnjë gjurmë. Një 74-vjeçar, që duhej të ishte nën kujdes mjekësor, tashmë është i zhdukur, dhe familja e tij pret me shpresë që Haki Sala të kthehet shëndoshë në shtëpi.