Një histori e dhimbshme po rikthehet pas shumë vitesh heshtjeje. Merushe Lici vjen sot në kërkim të vëllait të saj, një fëmijë që nëna e saj, Burbuqe Lici, e solli në jetë përpara se të martohej.Burbuqja kishte qenë në një lidhje të fshehtë, nga e cila lindi një djalë në vitin 1978. Për shkak të kushteve të vështira dhe paragjykimeve të asaj kohe, ajo nuk mundi ta mbante fëmijën dhe e dorëzoi në jetimore. Po atë vit, Burbuqeja u martua, ku dhe solli në jetë vajzën, Merushen.Nëna, ka ndërruar jetë në vitin 1999, pa mundur të tregojë shumë për këtë pjesë të fshehtë të jetës së saj. Sot, pas më shumë se katër dekadash, vajza e saj Merushe Lici kërkon të gjejë vëllain që nuk e ka njohur kurrë.Ajo nuk ka asnjë fotografi, asnjë dokument dhe asnjë të dhënë për vendndodhjen apo emrin që mund t’i jetë dhënë në institucionin ku u dorëzua. E vetmja gjë që e mban gjallë është shpresa se një ditë do të mund ta takojë.Merushe Lici kërkon ndihmën për të gjetur vëllain e saj një pjesë e gjakut dhe historisë së familjes që mungon prej më shumë se 45 vitesh.