Pa Gjurme-‘Vajza e lëndoi, gruaja e sëmuri’/E reja:Vjehrri na iku nga shtëpia, s’dimë ku ta kërkojmë 81-vjeccari Veip Hoxha nga Kamza, ka humbur gjurmët që prej datës 28 dhjetor të vitit 2020. I moshuari ka qenë i vetëm në banesë, ditën kur është larguar papritur. Kur djali dhe nusja u kthyen nga puna, nuk e gjetën Veipin në shtëpi. Nipërit kanë qenë në shkollë, ndërsa i moshuari që vuan nga skleroza nuk dihet se kur ka dalë nga shtëpia. Nuk ishte hera e parë që Veip Hoxha largohej, por ai kishte filluar tw ikte që në momentin kur tek ai u shfaqën probleme me kujtesën. Herë të tjera është gjetur nga fqinjët tek varrezat në Laknas, aty ku prehet bashkëshortja e tij, e cila ndërroi jetë vite më parë. Tentativa e shpeshtë të djalit për të mbyllur cdo shteg, që i moshuari të mos largohej, nuk ka patur efekt, ndërsa shpesh 81-vjecari gjente mundësinë për të ikur. Kanë kaluar 5 vite dhe familjarët nuk kanë lënë vend pa e kërkuar, duke lëvizur cdo gurë, deri në verifikimet e tyre në morgun e Tiranës. Veipi është babai i një djali me të cilin jeton dhe një vajze me tw cilwn kishte humbur kontaktet prej vitesh. Ndarja nga jeta e bashkëshortes, por edhe humbja e cdo kontakti me të bijë që jeton në Francë, rëndoi shumë gjendjen psikologjike të Veipit, të të moshuarit me shumë halle, një ish-i perskekutuar në kohën e regjimit komunist. Ditën që u largua, 81-vjecari trupshkurtër me bastun në dorë, ka patur të veshur një palë tuta ngjyrë gri, shapka ngjyrë blu, një triko gri dhe një bluze të shkurtër të kuqe.