Pse fëmijët sot nuk flasin si më parë? Pse ka ndryshuar periudha kur një fëmijë duhet të thotë fjalën e parë? Por, ka dhe fëmijë që flasin pa u ndalur në shtëpi, por sapo dalin jashtë, i zë heshtja. Nuk artikulojnë asnjë fjalë, nuk komunikojnë me askënd dhe krijojnë barriera që nuk i kupton dot lehtë. A është kjo një fazë kalimtare, apo një sinjal që duhet marrë seriozisht? Mutizmi selektiv, çrregullimet në të folur dhe vonesat në komunikim po bëhen gjithnjë e më të shpeshta te fëmijët e moshave të vogla. Por shpesh, prindërit i justifikojnë këto vonesa me fraza si ‘edhe hallës i ka ardhur goja vonë’... A jemi duke rrezikuar zhvillimin e fëmijëve tanë duke i krahasuar me të tjerët dhe duke pritur që gjithçka të rregullohet vetë? Çfarë duhet të dimë, dhe si duhet të veprojmë? Diskutojmë në studion e “Rreze Dielli” me logopedin e njohur Spiro Saqellari.