Qofte me lulelakër të pjekur

Përbërësit:

500 gr lulelakër

4 qepë të njoma

1 tufë majdanoz

2 kokrra vezë

1 filxhan çaji bukë të thekur e grirë

1 lugë kafe kripë, piper të zi

1 lugë kafe piper të kuq, pak pikante

trumzë

150 gr djath të bardhë

pak vaj

Përgatitja:

Ndajmë lulelakrën në boçe të vogla e shpëlajmë mirë dhe e ziejmë atë për 6 minuta e kulojmë dhe e vendosim në një tas të thellë. Shtypim me pirun ose shtypsen e patates lulelakrën dhe e kthejmë pothuajse në pure. Shtojmë në tas qepët të grira shumë imët po ashtu dhe majdanozin, vezët, bukën e grirë, kripë, piper dhe erzat, mund të shtoni dhe pak spec pikant nëse deshironi I përziejmë mirë me dore në fund shtojmë dhe djathin e thërrmuar, pak vaj ulliri.

Formojmë qoftet në madhësinë që dëshironi. Lyejmë një tavë me pak vaj ose mund të vendosim dhe letër pjekje I largojmë qoftet me vaj dhe I vendosim në furrë në temperaturë për 20-25 minuta. I shoqërojmë me kos.