Receta e ditës - Byrek me domate e speca dhe puding me mollë të karamelizuara / Pjesa e parë

10 Shtator, 12:22

Receta e parë: Byrek me domate dhe speca

Përbërësit:

450 gr peta

250 gr qepë

250 gr speca

500 gr domate të pjekura

Vaj

200 ml qumësht

Kripë

1 lugë sheqer

Piper i zi

3 lgj oriz (sipas dëshirës)

Përgatitja:

Fillimisht përgatisim mbushjen, nëse byrekun e bëjmë me peta të gatshme. Në rast të kundërt do të përgatisim brumin për petë. Vendosim tiganin em 3 lugë gjelle vaj ulliri dhe kaurdisim mirë qepën deri sa ajo të zbutet dhe të tretet. Shtojmë specat dhe I kaurdisim së bashku. Sa të ulim volumin shtojmë domatet, kryesisht tulin e tyre pa farat. Shtojmë 1 lugë çaji sheqer dhe e lëmë të marrë valë. Rregullojmë shijen me kripë e piper. Domaten e lëmë të ziejë për 10 minuta. Nëse dëshironi mund të shtoni edhe 3 lugë gjelle oriz. Largojmë tiganin dhe e lëmë mbushjen të ftohet.

Shtojmë 5 feta poshtë në një tepsi të lyer me vaj dhe spërkatim petët me qumësht dhe vaj. Shtrojmë mbushjen në mes mbulojmë atë me 4 peta sipër duke I spërkatur petët përsëri. Kjo spërkatje bëhet kur petët janë të gatshme. Nëse ne I përgatisim vetë atëherë mund ti spërkatim vetëm me vaj. Vendosim tepsinë në furrën e parangrohur në temperaturën 190º-200ºC për 25-30 minuta.

Programe të tjera

Shiko të gjitha