Në emisionin e mëngjesit “Rreze Dielli”, astrologu Jorgo Pulla bëri një parashikim të detajuar për muajin Prill për 12 shenjat e zodiakut. Sipas astrologut Pulla do të jetë një muaj bombastik dhe mjaft vendimtar, efektet e të cilit do të ndjehen deri në Tetor. "Ky muaj është muaji më intensiv që shoqëron ardhjen e pranverës, por që duket se do të nisë disi me hezitim. Mërkuri deri më 6 prill dhe Afërdita deri më 13 prill do të jenë në retrogradë, duke ndezur situatën nga e kaluara dhe duke ndikuar në takime, diskutime dhe marrëdhënie. Pas mesit të muajit 'skena' ndryshon, Mërkuri dhe Marsi kalojnë në shenjat e zjarrit, respektivisht në Dash dhe Luan, ndërsa Marsi kthehet në rrugën e duhur, iniciativa fillon të zërë një vend përsëri në jetën tuaj. Mundohuni të shfrytëzoni çdo mundësi dhe energjinë që fshihni brenda vetes! Afërdita, nga ana tjetër, gjatë gjithë muajit Prill do të qendrojë në shenjën e Peshqëve, duke hasur në mënyrë të njëpasnjëshme planetë të mëdhenj në rrugën e saj, ju sfidon t'i qaseni marrëdhënieve tuaja me seriozitet, por edhe me një frymë çlirimi dhe e gjithë kjo pa pakësuar ndjenjat që ndjeni për të tjerët. Hëna e plotë më 13 prill zmadhon dallimet në shprehjen individuale në lidhje me bashkëjetesën tonë me të tjerët. Ajo ngre pyetjen nëse mund të jeni vetvetja në lidhjen apo martesën tuaj, duke mbështetur gjithashtu nevojat dhe aspiratat e të dashurit apo të dashurës tuaj", theksoi Pulla duke vijuar më tej me parashikimin e detajuar për çdo shenjë të zodiakut.