Turli me mish të grirë në furrë
Përbërësit:
- 200 gr mish të grirë
- 2 qepë mesatare
- 2 thelpinj hudhër
- 2 patëllxhanë
- 2 kunguj
- 2 patate
- 2 domate
- 1 fç oriz
- Kripë, piper
- Nenexhik, rigon
Përgatitja:
Qepët e grira imët i kaurdisim mirë së bashku me hudhrat, më pas shtojmë patatet, patëllxhanët dhe kungujt të prerë në kubikë të vegjël. I skuqim për disa minuta dhe më pas shtojmë mishin e grirë. Vijojmë me kaurdisjen për 5-6 minuta duke shtuar më pas domatet e grira në rende, orizin dhe erëzat. Hedhim pak ujë të ngrohtë, rregullojmë shijen me kripë dhe piper dhe e kalojmë gatimin në një tavë. E vendosim të piqet në furrë të parangrohur në temperaturën 200 gradë Celsius për 45 minuta.
