Gjatë transmetimit te pak ditëve më parë në ”Pa Gjurmë” u lexua letra prekëse e Trëndelina Zenunit, një 50-vjeçare nga Berati, jeta e së cilës ka qenë jo pak e lehtë. Një vajzë e re, me ëndrra dhe dëshira plot, por ngjarjet që ndodhën ia zbehën përgjithnjë shkëlqimin në sy, deri ditën kur pabesisht një plumb qorr depërtoi tej përtej trupin të saj. Momenti i datës 23 mars të vitit 1997 është një moment që ka shënjuar jetën e saj pasi aty çdo gjë mori një tjetër kthesë. Pas atij plumbi, Trëndelina u dërgua në spital në gjendje tepër kritike. Fillimisht mjekët i hoqën çdo shpresë për jetën të resë. Për dy javë në koma, në luftë me qënien e saj ajo mundi të hapë sytë, por bota për të ishte përmbysur. Një pjesë e trupit të saj nuk funksiononte dhe nuk mund të ndiente gjymtyrët të lëviznin. Një paralizë i kishte marrë këmbën e saj të majtë dhe në këtë mënyrë ajo përfundon në një karrocë me rrota. Ndryshe nga bashkëmoshataret e saj, të cilët jetonin me dëshirë të plotë për të jetëar duke krijuar edhe familjet e tyre, Trëndelina ndihej gjithmonë e veçuar, si një barrë për familjen e saj ndërsa edhe kushtet ekonomike ishin tejet të vështira. Kështu e gjithë kjo situatë për Trëndelinën u kthye në forcë dhe ajo arriti të pranoi realitetin dhe fatin e saj, të cilin mundohej ta ndryshonte me këmbën zvarrë. 3 vite pas kësaj ngjarje e reja nga Berati vendosi të krijoj edhe ajo familjen e saj si gjithë bashkëmoshatarët e saj dhe u martua në Poliçan. Por dukej se fati i keq do ta përndiqte edhe në këtë moment tepër të rëdësishëm për jetën e saj. Pak muaj pas martese ndërsa në jetë kishte ardhur gëzimi i parë në jetën e saj, vajza çifti vendos të ndahet. I ati nuk u interesua më për të bijën e tij duke mos i dal për zot. Nënë e bijë u bënë mbështetja e njëra-tjetrës. Dëshira e madhe për ta parë vajzën e cila sot është 19-vjeç të lumtur dhe për t’i plotësuar ëndrrat e saj sjell Trëndelina Zenunin pasditen e sotme në studion e emisonit ‘Pa Gjurmë’ për të rrëfyer kalvarin e vuajtjeve të jetës së saj dhe për të bërë një thirrje për ndihmë.