Historikisht e njohur që nga kohërat e lashta si një ilaç natyral, uthulla e mollës vazhdon të mbetet një përbërës i rëndësishëm në fushën e shëndetit dhe mirëqenies. E pasur me enzima e antioksidantë, minerale e vitamina ky produkt është padiskutim një depo vlerash ushqyese. Uthulla e mollës është një nga produktet më të popullarizuara, njerëzit e kanë përdorur atë për shekuj me radhë në gatim dhe mjekësi, por edhe pastrim gjithashtu. Por cilët janë përbërësit kryesorë të uthullës së mollës që i japin kaq shumë vlera dhe si ndikojnë ato në organizëm? Cilat janë përfitimet kryesore të uthullës së mollës për shëndetin? Si duhet konsumuar dhe a ka efekte anësore, cilat janë dozat e rekomanduara? Si mund të përdoret uthulla e mollës për kujdesin e lëkurës dhe flokëve, dhe a ka ndonjë rrezik nga aplikimi i saj i jashtëm? A ka njerëz që duhet ta shmangin uthullën e mollës, si për shembull ata me probleme me stomakun apo kockat? Si mund të dallojmë një uthull molle cilësore nga një produkt i përpunuar ose jo natyral? Përgjigjet e të gjitha këtyre pyetjeve dhe shumë të tjera, i marrim në studion e “Rreze Dielli” me nutricionistin dhe eskpertin e mjekësisë holistike Altin Joka.