Sot feston 65-vjetorin e lindjes një prej figurave më të dashura për publikun shqiptar, Ylli Merja. Një jetë e ndërtuar mes dijes, pasionit dhe dashurisë për natyrën, nga mësues i dalluar te studiues i bimëve medicinale, duke e kthyer këtë pasion në një mision për të promovuar vlerat e natyrës dhe të Shqipërisë. Por përtej profesionit dhe figurës publike, sot do të njohim edhe një anë tjetër të Ylli Merjës: atë të babait, njeriut që për tre fëmijët e tij ka qenë gjithmonë një shembull dhe një pikë referimi. Në këtë ditë të veçantë, ata kanë zgjedhur ta surprizojnë me një letër plot dashuri dhe emocione. Një dhuratë që ndoshta nuk ka nevojë për shumë fjalë, sepse brenda saj ka gjithë mirënjohjen dhe dashurinë e tre fëmijëve për babain e tyre.