-
VIDEO
Kush fiton në Tiranë, Durrës, Elbasan, Shkodër, Lezhë dhe Korçë? Nesër në Report Tv ora 21:00 sondazhi i fundit i 'Piepolit' për 14 Majin
Nesër, më 9 maj vjen sondazhi i gjashtë dhe i fundit i Institutit prestigjioz 'Piepoli' në bashkëpunim me Report Tv për zgjedhjet e 14 majit. Instituti italian ‘Piepoli’ që parashikoi saktë 4 zgjedhjet e fundit në Shqipëri rikthehet pak ditë para zgjedhjeve me 6 bashkitë më të rëndësishme të vendit.
-
VIDEO
Koalicioni Meta-Berisha pa numërues votash në gjysmën e tavolinave të KZAZ, Partia e Lirisë në Kolegj Zgjedhor: Të mos e ndajmë anëtarin e 4-të me PDIU
Koalicioni Berisha-Meta ka mbetur pa numërues votash në gjysmën e KZAZ-ve të vendit. Pasi KAS rrëzoi kërkesën e tyre për të mos e ndarë anëtarin e katërt me PDIU-në, Partia e Lirisë i është drejtuar Kolegjit Zgjedhor.
-
VIDEO
Kandidati i koalicionit Meta-Berisha për Lezhën, Pashk Gjoni: Patericat e Pjerin Ndreut do të turpërohen për presionin që po bëjnë
Kandidati i koalicionit Meta-Berisha për Lezhën, Pashk Gjoni: Patericat e Pjerin Ndreut do të turpërohen për presionin që po bëjnë
Kandidati i koalicionit Meta-Berisha, për Bashkinë Lezhë, ka zhvilluar sot një takim me mjekët dhe mësuesit e këtij qyteti, të cilëve u ka prezantuar programin e tij për zhvillimin e qytetit.
E teksa u ndal te fati i zgjedhjeve të14 majit, ai tha se patericat politike të kundërshtarit të tij, Pjerin Ndreut, do të turpërohen për presionin e dështuar që po bëjnë ndaj qytetarëve për t’ju imponuar vullnetin e tyre në zgjedhje.
Ai gjithashtu bëri një deklaratë të fortë për drejtorin e spitalit të Lezhës, i cili sipas Gjonit kërcënon administratën që të votojnë Partinë Socialiste.
-
VIDEO
Akuza për shpifje, Veliaj: GJKKO vendosi që Berisha të sillet forcërisht në Gjykatë në 19 maj
Kryebashkiaku i Tiranës ka deklaruar se sot Gjykata ka vendosur që Sali Berisha të sillet me forcë në Gjykatë në 19 maj.
“Sot isha unë nismëtari i një akuze ndaj Berishës, i cili ka mbi 30 vjet që shan dhe mallkon, por cdo gjë ka një limit, as budallait dhe as të ligut nuk duhet të hapet rrugës, këto akuza t’i provojë në gjykatë, ka kaq kohë që më fton debat, po Berisha nuk është burrë, është frikacak, Berisha është i lig, ka promovuar kulturën hidh baltë pa pikë përgjegjësie në 19 maj në orën 11:00 Berisha do paraqitet me detyrim në gjykatë”, tha Veliaj.
-
VIDEO
Veliaj takim me sportistë të xhudos: Gati për stadiumin ‘Selman Stermasi’ dhe Pallatin e Sportit ‘Asllan Rusi'
Kryetari i Bashkisë së Tiranës, Erion Veliaj, së bashku me ministren e Financave, Delina Ibrahimi dhe ministren e Kulturës, Elva Margariti zhvilloi një takim me sportistë në disiplinën e xhudos, medalistë olimpikë ndërkombëtarë, dhe dashamirës të sporteve te fushat e reja të tenisit në Parkun e Liqenit.
Në fjalën e tij, Veliaj kujtoi se vetëm pak vite më parë, Parku i Liqenit ishte një hapësirë e zaptuar dhe e degraduar, por tashmë është vendi më i frekuentuar nga qytetarët dhe ata që merren me sport. “Kur shoh liqenin më kujtohen disa nga historitë më të bukura, por edhe më të hidhura të punë sime në bashki. Imagjinoni, ca njerëz u lidhën me zinxhirë dhe morën pistoletën me vete për të ndaluar këndin e lodrave, që ai fëmija që po luan atje të mos gëzonte. Këtu ishte një hapësirë me ferra, një tokë e zaptuar. Kur kujtoj anën tjetër të liqenit, ku digjej plastikë, mblidheshin sustat, skaldabanjot, lavatriçet, frigoriferë, divane, kolltuqet, një zonë e kthyer në hedhurinë”, u shpreh Veliaj.
-
VIDEO
Gjiknuri dhe Llatja takime në Rajonin Nr.4: Më 14 maj do të jetë një fitore e pastër dhe qytetaria e Elbasanit do të triumfojë
“Më 14 maj do të jetë një fitore e pastër dhe qytetaria e Elbasanit do të triumfojë”. Kështu u shpreh Sekretari i Përgjithshëm i PS Damian Gjiknuri në një takim me banorët e rajonit Nr. 4 në këtë qytet.
I shoqëruar dhe nga kryebashkiaku Llatja dhe deputeti Klevis Xhoxhi, numri dy i socialistëve u shpreh se vota për PS është garanci për të vijuar me zhvillimin e bashkisë dhe rritjen e pagave. “Më 14 Maj, kush do zhvillimin e Elbasanit Gledian Llatja – Partia Socialiste; kush do të hapë dritën jeshile për rritjen e pensioneve Gledian Llatja – Partia Socialiste; kush do rritjen e rrogave Gledian Llatja – Partia Socialiste; kush do një Elbasan më të pastër më të zhvilluar Gledian Llatja – Partia Socialiste! Ai nuk është vetëm, ju nuk do të jeni vetëm, do të na keni të gjithë bashkë”, tha ai.
-
VIDEO
‘Rama ik’, Kryeministri për thirrjet kundra tij gjatë mitingut në Lezhë: E bëjnë gjithmonë, shko merr 5 mijë lekshin! Vetëm ndonjë pijanec ka ngelur pa ma thënë
Edhe në Lezhë, Rama ironizoi thirrjet “Rama ik”. Ai ironizoi militantët se japin 5 mijë lekë të vjetra vetëm për të bërë të njëjtat thirrje kundra tij.
Teksa Rama mbante fjalimin, një fëmijë i vogël bërtiti “Rama ik”, duke i ndërprerë atij fjalimin.
"Ja doli një fëmijë atje, e prisja. Gjithmonë del një fëmijë që thotë “Rama ik” në çdo miting “Rama ik”, i thonë na 5 mijë lekë ik bërtit Rama ik, dhe hajde merr 5 mijë lekshin. Ik merre tani 5 mijë lekëshin. Tani kanë mbetur vetëm kalamaj të vegjël, ose ndonjë pijanec që thotë “Rama ik””
-
VIDEO
Rama ironizon opozitën në Lezhë: Kishin dikur njerëz nga bota akademike këtu, Mark Marku dhe Gjekmarkaj e kuptuan se ishin në ‘vathën’ e gabuar
Kryeministri Edi Rama ka ironizuar sërish gjendjen e opozitës gjatë fushatës së tij në Lezhë. Rama u shpreh se pavarësisht se dikur kishin patur njerëz nga bota akademike përkrah, tashmë Mark Marku dhe Argon Gjekmarkaj e kuptuan se ishin në ‘vathën’ e gabuar.
-
VIDEO
Rama ironizon kandidatin e opozitës në Mirditë: Thotë jam djalë i mirë, s’kërkojmë dhëndër! I paska gjunjët copë, i dha fytyrën gërdallës e të pakorrigjueshmit
Kryeministri Edi Rama ishte në Mirditë, ku kërkoi mbështetje për kryetarin aktual të Bashkisë që rikandidon në zgjedhjet e 14 majit, Ndrec Dedën. Nga takimi me mbështetësit, Rama nuk e kurseu ironinë për Albert Melyshin, kandidatin e dyshes Berisha-Meta, për të cilën thotë se mund të jetë djalë i mirë por ‘gjunjët i ka copë’.
-
VIDEO
Veliaj: Partia jonë ka vetëm një program për ta çuar vendin përpara! Ata s’dinë kë kanë drejtues, fuksin e lagjes apo non grata-n
Kandidati i PS-së për Tiranën, Erion Veliaj tha se ka vetëm një parti me program të qartë për kryeqytetin, e cila ka një udhëheqës, Edi Ramën, ka vetëm një logo dhe ajo është Partia Socialiste e Shqipërisë. Ndërsa, për kundërshtarët politikë, ai shtoi se s’dinë cilin kanë udhëheqës.
“Kemi një parti, që në dallim nga partia jonë, e cila ka një program, ka një udhëheqës, Edi Ramën, ka një logo, këtë trëndafilin me grusht, ka një emër, quhet Partia Socialiste, ata s’dinë kë kanë udhëheqës. Ata nuk dinë çfarë emri kanë, se çdo palë zgjedhje ndryshon emri, dhe nuk dinë se çfarë logo kanë, se çdo palë zgjedhje zgjedhin logo tjetër. Në qytetet si Shkodra, ku i kanë gënjyer një herë njerëzit, nuk e premtojnë dot autobusin falas, kjo është arsyeja pse kanë një program për ata që i kanë gënjyer dhe një për ata që duhet të gënjejnë. Unë besoj se Tirana nuk e ha më tortën e Pavarësisë falas. E provuam njëherë tortën falas dhe u bëmë gazi i botës; Tirana gropat tek sheshi ‘Skënderbej’ nuk i bën më, se e provuam gropën e Hajdin Sejdisë dhe nuk është se na doli shumë mirë në mes të Tiranës. Tirana, i ka pasur dhe do i ketë nënkalimet, por kur Tirana ndërtonte me Edi Ramën nënkalimin te Zogu i Zi, gjëja e parë që bënë këta që sot shiten si dashnorë të nënkalimeve, ishte ta prishnin. I pamë se ç’i bënë nënkalimit tek sheshi ‘Shqiponja’, tek ‘Astiri’, ku na bllokuam punën tre vjet. Tirana nuk gënjehet më dy herë. Tirana ka vendosur të ecë vetëm përpara. Tirana e ka kuptuar se koha e Sudes, e atyre që na fëlliqën me tortën, e atyre që flinin gjumë në Bashki, nuk vjen më dhe qyteti ynë e ka ndarë mendjen. Ne do të shkojmë vetëm përpara”, tha Veliaj.
-
VIDEO
Veliaj: Kemi transformuar dhe rritur vlerën e pronës në çdo cep të Tiranës! Pas 14 Majit vijojmë punët e mira
Gjatë takimit me banorët e Njësive 5, 10 dhe 13 në Tiranë, kryebashkiaku Erion Veliaj renditi disa nga investimet e bëra në këto zona, të cilat jo vetëm kanë rritur vlerën e pronës, por janë kthyer në destinacion për qytetarët dhe turistët.
“Siç transformuam Kopshtin Zoologjik, ashtu do të transformojmë edhe Kopshtin Botanik; siç transformuam rrugën e Durrësit, ashtu do transformojmë Bulevardin e Ri, ku do të kemi Polin e Drejtësisë, me ndërtesat e Prokurorisë së Përgjithshme, Gjykatës së Lartë, Muzeun e Artit Modern, Sallën e re të Panaireve, Konventave dhe Koncerteve etj”, tha ai.
Për ata që bëjnë kritika për çdo punë që bëhet në Tiranë, Veliaj tha: “Të tjerët, edhe pse nuk kanë treguar asnjë shembull qyteti se si punohet, kanë kritika për Tiranën dhe thonë: ‘Po, është ky Liqeni, por shiko, ka një ndërtesë atje! Intercontinental. Shiko edhe një ndërtesë tjetër! Marriott. Ne nuk mundet që edhe t’i japim gaz, edhe të ecim me frena dore njekohësisht. Nëse do të duhet të rritemi, duhet të kemi shtretër për ata që vijnë si turistë në Tiranë. Turizmi sot prodhon ekonomi. Nëse na duhen hapësira dixhitale, duhet patjetër të hapim Piramidën javën e ardhshme, si qendra më e madhe e kodimit për punët e së ardhmes. Kritikët i vlerësojmë, por pyetja është: Nëse transporti mund të bëhet falas, mendoni që ne s’duam ta bëjmë? Ndërkohë që, kemi bërë 99 punë? Po pse nuk e bëni në Shkodër? Nuk e bëjnë se nuk bëhet, se nuk ka leverdi, sepse në vend që të shtohet numri i njerëzve që hipin në autobus dhe lirojnë trafikun, në fakt hipin edhe pasagjerët që nuk ka nevojë të përdorin autobusin për një stacion, kurse ata që e përdornin për punë shtojnë makinat”.
-
VIDEO
Çollaku në Mat me Alibeajn: Këlliçi po kërkon vota për Ilir Metën në Këshillin Bashkiak
Nga Mati ku zhvillua një takim me strukturat e PD-së, deputeti demokrat Kreshnik Çollaku u shpreh se Belind Këlliçi në Tiranë po kërkon votat për kandidatët e Ilir Metes në Këshillin Bashkiak të Tiranë.
Deputeti i Partisë Demokratike nënvizoi se në listën e koalicionit “Bashkë fitojmë” për Tiranën, në 22 vendet e para janë emrat të propozuar nga LSI, që me herët kanë qenë pjesë e PS-së.