• VIDEO

    Përplasja me Alibeajn, Nikolla-Berishës: I turpshëm gjesti, edhe pse se ke për herë të parë! Ish-Kryeministri: Do marrësh atë që meriton

    Kryetarja e Kuvendit, Lindita Nikolla, e konsideroi edhe një herë të turpshëm gjestin e Berishës në Kuvend kur u përplas me Alibeajn

    “I turpshëm gjesti që ju bëtë në foltore, edhe pse nuk e keni bërë për herë të parë”, i tha ajo ish-Kryeministrit.

    Ndërsa Berisha i tha se do të marrë përgjigjen që meriton.

    “I turpshëm është akti yt sepse lejove diskutimin para replikës. Po vazhdove kështu do marrësh përgjigjen e merituar”, iu përgjigj Berisha.

  • VIDEO

    Alibeaj-Ramës: I detyron këta si dele të shkruajnë emra në zarfe, ne do jua grisim! Nuk të japim kënaqësinë perverse për të bërë shfaqje

    Enkelejd Alibeaj i është përgjigjur kryeministrit Edi Rama duke i thënë se do ia grisin zarfet për zgjedhjet e presidentit të ri që i cilëson turp të madh. Alibeaj thotë se nuk do ia japin kënaqësinë për të bërë shfaqje ndërsa deputetët e PS i këshillon “të shpëtojnë shpirtrat”.

  • VIDEO

    Mediu: Opozita të ketë qëndrim të përbashkët për Presidentin, ndryshe do shohim të njëjtën gjë si sipër si poshtë kalit

    Kreu i grupit parlamentar "Aleanca për Ndryshim", Fatmir Mediu iu përgjigj kryeministrit Edi Rama në lidhje me 'teatrin' që ai tregoi për zgjedhjen e Presidentëve kur Sali Berisha ishte në krye të qeverisë. Alibeaj tha se ata kanë patur në thelb dëshirën për të komunikuar. Nga ana tjetër ai kërkoi që opozita të dalë me një qëndrim të përbashkët për zgjedhjen e Presidentit 'në të kundërt do të shohim të njëjtën gjë si sipër kalit si poshtë kalit', duke përdorur fjalët e Ramës.

     
  • VIDEO

    Rama tha se ndërpret marrëdhëniet me PD nëse zgjedhin Berishën, reagon ish-Kryeministri: Ai ka frikë nga mua

    Jashtë derës së parlamentit Sali Berisha tha se arsyeja që kryeministri Edi Rama mohon “Rithemelimin”, është sepse tmerrohet nga opozita që sipas ti është vetë ai.

    “E falënderoj që nuk ka njeh, vetëm fakton që opozita e vërtet e ka tmerruar. Ai është i tmerruar nga opozita e vërtet, kalon në mohim. Lexoni për mohimin, se çfarë origjinë ka, ka panikun dhe tmerrin nga Sali Berisha.”, tha ai. 

  • VIDEO

    Rama: Vazhdoni të na qani hallin nga poshtë kalit! Ne pranojmë çdo propozim për zgjedhjen e Presidentit, por jo nëse del nga goja e 'të vdekurit'

    Në Kuvend, kryeministri Edi Rama ka sqaruar se do të pranojnë propozimin për president nga opozita, por jo nga Sali Berisha që e cilëson si "të vdekur". Sipas Ramës, do të vijojnë konsultimet por thekson se jo të gjithë mund të duan të bëhen president. Ndër të tjera, thotë se konsultimet  dhe do të flasin me këdo qoftë.

  • VIDEO

    Rama: Do e bëjmë përpjekjen për Presidentin, por nëse ju na vini Saliun përballë shkëpusim çdo marrëdhënie me PD-në

    Rama paralajmëroi sot demokratët në Kuvend se nëse Berisha do të ishte në krye të PD për çështjen e negociatave ai do të ndërpriste çdo marrëdhënie me PD.

    “Do ta bëjmë këtë përpjekje, jo se jemi të detyruar nga ndonjë pamundësi por sepse këta jemi ne dhe për hir të së vërtetës kjo është ADN e PS qysh në krye të herës. PS ka qenë gjithmonë partia që ka lëshuar më shumë, që është përpjekur gjithmonë të gjejë dakordësi. Forcën e pushtetit nuk e ka konsideruar për të nëpërkëmbur kundërshtarin. Këtu kam parasysh veprimet reale konkrete. Përsëri ne do të bëjmë këtë përpjekje sepse e kemi detyrim ndaj vetes në radhë të parë, e kemi për detyrim ndaj njerëzve që na kanë zgjedhur ose jo, e kemi detyrim ndaj vendit dhe patjetër që kemi një detyrim pavarësisht derexhesë ku jeni katandisur gjithsesi jeni deputetë të zgjedhur, shprehje e një vullneti. Natyrisht që ata që ju zgjodhën nuk e dinin se do shkonit kështu. Gjithsesi jeni fakt dhe realitet. Ndërkohë që do të ishte mirë që 2 gjëra të ishin të qarta. E para me Saliun nuk kemi asnjë punë, ai është i vdekur tashmë. Me të vdekurin që keni në mes të shtëpisë dhe nuk dini ç’ti bëni neve mos na ngatërroni. Ne do të ndërpresim çdo marrëdhënie me Partinë Demokratike nëse do na e vini përballë atë”, tha Rama.

  • VIDEO

    Negociatat për Presidentin, Rama për PD: Nëse ju zgjidhni Berishën në krye ne ndërpresim çdo marrëdhënie me ju! S’flasim me Saliun e vdekur prej kohësh

    Kryeministri Edi Rama tha sot prerazi se qeveria do të ndërpresë çdo marrëdhënie me PD nëse në krye vjen Sali Berisha. Deklaratën Rama  e bëri nga foltorja e Kuvendit, ku foli në lidhje me negociata për zgjedhjen e Presidentit të ri. Për Ramën , Berisha është 'një i vdekur' dhe ata nuk flasin me të.

    • VIDEO

      Rama tregon negociatat me Berishën për zgjedhjen e Presidentit në 2012! Nga 'i arratisuri' në Greqi te Kadareja që nuk i hapi telefonin

      Kryeministri Edi Rama i është përgjigjur akuzave të Berishës për një proces 'mafioz' për zgjedhjen e Presidentit të ri, duke treguar 'teatrin' e negociatave me të për zgjedhjen e Presidentit në 2012. Rama përmendi një kandidat 'të arratisur' në Greqi, emrin e të cilit nuk e përmendi, e deri te propozimi i Nard Ndokës për zgjedhjen e shkrimtarit Ismail Kadare për President. Kreu i qeverisë u shpreh se u la pikërisht Ndoka të fliste me Kadarenë, por ai nuk i hapi telefonin.

       
    • VIDEO

      Berisha tryezë për krizën energjetike, i përgjigjet Ministrja: Je autori i gjithçkaje të shkuar mbrapsht në sektorin energjetik! Para se të ikje nga pushteti, grabite kaskadat ujore

      Ministrja e Energjisë, Belinda Balluku i është përgjigjur Sali Berishës, i cili zhvilloi dje një tryezë në lidhje me krizën energjetike, ku nuk kurseu akuzat ndaj qeverisë. Balluku e cilësoi Berishën si autorin e gjithçkaje të shkuar mbrapsht në sektorin energjetik dhe se para se të ikte nga pushteti, grabiti kaskadat ujore.

      "Dje jemi bërë dëshmitarë të një tryeze që diskutonin për sektorin energjetik, ata që e shkatërruan. Të thuash se Shqipëria prodhon 90% të energjisë nga basenet ujore, është e turpshme. Para se të largoheshin nga pushteti, grabitën kaskadat ujore. Të dëgjosh autorin e gjithçkaje të shkuar mbrapsht në sektorin energjetik të thotë se projekt i i Vlorës duhej të ishte bërë prej kohësh..., ne po përfundojmë një prej projekte më të mëdha të gazifikimit të vendit. Është projekt që bëhet me kompanitë më të mëdha amerikane. Ju ëndërronit që të kishit TEC-in e Vlorës por nuk e bëtë dot, siç po ëndërroni për Skavicën. Tek ju dëgjojmë të thoni përralla, kini parasysh se do ju kujtojmë çfarë keni bërë me sistemin energjetik, e latë vendim me 42% humbje në sektorin e shpërndarjes", tha ministrja.

      Ministrja foli edhe për projektin për një burimi të ri uji për Tiranën 'Guri i Bardhë', për të cilin u shpreh se do kontribuojë në furnizimin me ujë për 800 mijë qytetarë në Tiranë.

      "Është një projekt që ka për qëllim të kontribuojë në cilësinë e furnizimit me ujë për 800 mijë qytetarë banorë të Tiranës. Vlera e projekt 140 mln e 500 mijë, nga të cilat 80 mln janë hua. Bëhet fjalë për ndërtimi e një burimi të ri, gurit të bardhë dhe do ndërtohen tubacionet që do lidhin burimin me shpërndarjen", tha ministrja.

    • VIDEO

      Ministrja e Arsimit i përgjigjet deputetes së PD: Lodheni nga një traumë, keni sjellë periudhën më të errët të arsimit në Shqipëri

      Në interpelancën e kërkuar nga Ina Zhupa për ‘Paktin për Universitetin’, ministrja e Arsimit Evis Kushi i përgjigjet duke i thënë se do të vijojnë të punojnë me prioritet për dëmet e tërmetit.

    • VIDEO

      Zhupa-ministres së Arsimit: Duhet të kishit bërë kontrollin anti-plagjiaturë në këto 3 vjet, të paktën për pedagogët

      Deputetja e PD Ina Zhupa, në interpelancën ndaj ministres së arsimit përmend kontrollin anti-plagjiaturë duke theksuar se duhet të ishte përfunduar në këto 3 vjet, të paktën për pedagogët.

      Zhupa: Rishikimi i titujve akademikë, kanë një shprehje dibranët që thonë “në shtëpinë e të varurit nuk përmendet litari.”

      Kështu që e kam të vështirë të flas me ju për shkak të plagjiaturës. Duhet të kishte përfunduar kontrolli anti plagjiaturë. Në këto 3 vjet, duhet të kishit bërë të gjithë kontrollin anti-plagjiaturë për pedagogët. Duhet të ishte miratuar ligji i ri për kodin e sjelljes si një premtim i marrë nga qeveria Rama për Paktin për Universitetin. Duhet të ishte krijuar arkivi digjital si portal i vetëm dhe ka universitete që doktoraturat i hedhin në faqet e tyre online.

      Folët edhe për kodin e cilësisë që duhet të kishte përfunduar në qershor të vitit 2019. Kishit premtuar që biblioteka online dhe fizike në universitete. Për bibliotekës digjitale, studentët nuk marrin dot informacion që përkojnë me atë që i kërkojnë pedagogët. Kur kurrikula ecën në një drejtim dhe biblioteka digjitale në një drejtim tjetër, duhet ti përputhni.

      Sa i përket bibliotekave të universiteteve vetë, do të gjeni literaturën e para viteve ’90 në 80% të rasteve të këtyre bibliotekave. Keni premtuar Kampusin Universitar të Tiranës. Me urdhër të kryeministrit është ngritur një grup pune që duhet të kishte paraqitur raport e të kishte bërë plan të detajuar, ndërkohë që përsëri kanë kaluar 3 vjet dhe ju mund të na thoni a i ka përmbushur detyrat e veta grupi i punës, a gëzojmë ne sot kampusin. Ne në komisionin e Arsimin kaluam fazën e tretë dhe kaluam fazën e tretë pa na sjellë juve se çfarë kishit bërë në 2 fazat e para.

      Nuk sollët një raport për fazën e parë dhe të dytë por sollët miratimin e fazës së tretë.

      •  
    • VIDEO

      Interpelanca për 'Paktin për Univeristetin'/ Zhupa: Asnjë lidhje me nevojat e kohës! Përgjigjet Ministrja e Arsimit: Nuk kemi në vëmendje vetëm ekselentët, të rinjtë sigurojnë kontrata nga praktikat 3 mujore

      Në interpelancën e kërkuar për Ministren e Arsimit, deputetja e PD, Ina Zhupa i kërkon llogari për mbajtjen e zotimeve për ‘Paktin për Universitetin’. Në përgjigjen e saj, Kushi flet me shifra duke renditur sa studentë kanë përfituar nga bursa, por përmend edhe platformat e ndërmarra nga qeveria.

      Kushi thotë se vëmendja nuk është vetëm tek ekslentët, por edhe tek studentët që përfitojnë praktika 3 mujore dhe më pas sigurojnë kontrata punësimi.

    Për lajme të tjera kërkoni në arkiv