• VIDEO

    Petro Koçi në ‘Kontrast’: Vendimi i SHBA për Rakipin dhe Ndroqin, mesazh edhe për Sali Berishën! Kjo s’do të jetë ngjarja e fundit

    I ftuar në emisionin “Kontrast” të Report TV, deputeti socialist Petro Koçi deklaroi se shpallja e Aqif Rakipit dhe Ylli Ndroqit non-grata tregon këmbënguljen e SHBA-ve për të luftuar personat me rrezikshmëri për ate vetë, por edhe aleatët e saj.

  • VIDEO

    Aqif Rakipi në listën e zezë të SHBA/ Orlando Rakipi: Babai im, i pastër, i gatshëm të dorëzoj mandatin! Basha: Rama humbi aleatin me të cilin erdhi në pushtet

    Futja në listën e zezë të ish deputetit të Elbasanit Aqif Rakipi dhe biznesmenit Ylli Ndroqi nga SHBA, ka sjellë edhe reagimet e politikës.

    • VIDEO

      Xhaçka-Berishës: Fatin e ke të vulosur nga SHBA, i ke duart e lyera me gjak! Ish-kryeministri: Plaçkite pronat e ushtarëve

      Ministrja e Jashtme Olta Xhaçka ka replikuar me ish-kryeministrin Sali Berisha në kuvend. Xhaçka tha se një politika që i ka duart e lyera me gjak, duke iu referuar vrasjeve të 21 janarit, nuk duhet të jetë sot në Kuvend. Berisha e akuzoi se kur ka qenë ministre e Mbrojtjes ka plaçkitur pronat e ushtarëve.

      "E kaluara e hidhur, shëmbëlltyra e vdekjes së hidhur se vulën ua ka vënë aleati më i madh, SHBA, që e keni shkruar vetë me duart e përgjakura. Një politikan i tillë nuk duhet të ishe këtu dhe nuk se çfarë përfaqëson", tha Xhaçka.

      "Mund ti them zonjës se në historinë e ministrisë së mbrojtjes nuk ka patur njeri më plaçkitës ndaj pronave të ushtrisë sesa parafolësja. Olta kur flet duhet të matesh dy herë se e ke filluar me piramidat dhe e mbylle me plaçkitjet e pronave të ushtrisë", tha Berisha.

    • VIDEO

      Përplasje në Kuvend/ Berisha mbaron kohën e fjalës së tij, Flamur Noka i bërtet Felajt: Kush je ti që i heq fjalën, jepi kohën time

      Një debat i fortë ka ndodhur mes Flamur Nokës dhe Ermonela Felajt në lidhje me heqjen e fjalës së Sali Berishës, duke iu drejtuar se “kush je ti që i heq fjalën, jepi kohën time”

    • VIDEO

      Ukraina anëtarësohet më shpejt se Shqipëria në BE? Rama: Të gjithë e dimë si funksionon BE

      Kryeministri Edi Rama nuk mendon se Ukraina do të anëtarësohet më shpejt se Shqipëria në BE për shkak të luftës ku ndodhet, ndërsa vendi ynë pret prej vitesh një dritë jeshile. Rama tha se Ukraina po përdoret nga persona të ndryshëm për retorika revolucionare por që në të vërtet të gjithë e dinë si funksionon BE dhe se anëtarësimi i saj nuk ka për të qenë i shpejtë.

      “Unë më shumë jam i shqetësuar se mos Ukraina mendon se mund të anëtarësohet më shpejtë, dua të jem i sinqertë. Edhe ata që ushqejnë këtë iluzion të mos përdorë Ukrainën për të shprehur entuziazmin e tyre revolucionar në instanca të ndryshme pasi nuk duhet shumë shkencë se si funksionon BE dhe kjo nuk mund të ndodh sipas meje. Por ende nëse do të ndodhte nuk do të bëheshim absolutisht xhelozë që Ukraina do të hynte përpara nesh në BE”, tha Rama.

      Ndërsa kancelari gjerman Scholz tha se të gjitha vendet duhet të kenë veprime dhe ecje të baraspeshuara në lidhje me vendimet që merren për Ukrainën

      “Gjermani theu një traditë për të mos dërguar armë, por pasi morën këtë vendim e ndoqën edhe vende të tjera. Ne kemi pajisur në të kaluara Ukrainë për anti-raketat tokë ajër dhe do e mbështesim më tej me një bashkëpunim të ngushtë me të gjithë miqtë tanë, por jo të kemi ecje të veçuara por të baraspeshuara”, tha Scholz.

    • VIDEO

      Rama: Të liberalizohen vizat për Kosovën

      Rama ka kërkuar nga gjermania që të liberalizohen vizat për Kosovën.

      “Këshilli i Europës duhet të liberalizojë vizat për Kosovën, na intereson që të gjitha vendet e Ballkanit të marrin atë që meritojnë në ecurinë e tyre drejt rrugëtimit të tyre të BE”, tha Rama.

    • VIDEO

      Rama: Presim negociata në qershor! Rijetëzimi i ‘Procesit të Berlinit’ i mirëpritur dhe i domosdoshëm

      Kryeministri Rama në konferencën për shtyp me Kancelarin tha se Shqipëria pret hapjen e negociatave me Bashkimin Europian në Qershor.

      "Ishte vërtet kënaqësi të merrja ftesën tuaj dhe të ritakoheshim pas një takimi të parë në qytetin e mrekullueshëm të Hamburgut. Nga ana tjetër jam shumë i inkurajuar nga biseda me Kancelarin sepse gjeta një gatishmëri inkurajuese të tij dhe të Gjermanisë për të shtyrë me më shuëm vendosmëri procesin e integrimit europian të Ballkanit Perëndimor, duke filluar nga përmbyshja e një faze të procesit për Shqipërinë dhe Maqedoninë e Veriut që shpresojmë të ndodhë në qershor. E çmojmë shumë konsideratën e qeverisë federale për progresin që ne kemi bërë por jemi edhe të vetëdijshëm që kemi shumë për të bërë në të gjitha drejtimet.

      Për ne procesi i integrimit europian nuk është një proces për të shkuar në Evropë por për të ndërtuar një Shqipëri me standarde e BE, dhe këtë ia detyrojmë fëmijëve tanë. Sigurisht që ne kemi tërësisht në një linjë me Kancelarin, sikundër e gjithë BE, në raport me agresionin rus mbi Ukrainën. Ne i dënojmë njëzëri krimet mizore që po kryhen atje dhe kërkojmë armëpushim sa më të shpejte dhe negociata sa më të vërteta që të përfundojë ky kalvar që po shkatërron jetën e miliona njerëzve, që po bën reale atë që ne mendonim se nuk do përsëritej kurrë më, një luftë në Evropë.

      Së treti, vlerësoj dëshirën e tij për t’i dhënë një impuls të ri Procesit të Berlinit, që e ka sot më të domosdoshëm se kurrë një përshpejtim të ri. Unë e informova Kancelarin edhe për ‘Ballkanin e hapur’ që nuk është gjë tjetër vetëm një përpjekje për ta jetësuar Procesin e Berlinit”, tha Rama.

      •  
    • VIDEO

      Scholz: Do rigjallërojmë procesin e Berlinit, jemi pranë Shqipërisë në rrugën drejt BE

      Kancelari gjerman Olaf Scholz tha se dëshiron të rigjallërojë procesin e Berlinit, ndërsa shtoi se Gjermania është pran Shqipërisë në rrugëtimin e saj drejt BE.

      “Shqipëria ka bërë hapa të mëdha. Ka krijuar struktura kundër korrupsionit. Vendet e Ballkanit përfitojnë nga bashkëpunimi rajonal dhe përshpejton afrimin me BE. Dua të rigjallëroi procesin e Berlinit, me rendësi është tregu i përbashkët rajonal dhe zbatimi i 4 liritë bazë. Gjermania do të jetë një partnere e ngushtë e Shqipërisë drejt rrugës së BE.”, tha ai.

    • VIDEO

      Scholz: Nesër firmosim njohjen reciproke të patentave! Të nisin sa më shpejt negociatat për integrimin në BE me Shqipërinë

      Kancelari gjerman Olaf Scholz tha se sulmi në rusi tregoi se për demokracinë duhet të punohet çdo ditë dhe se negociatat për integrimin e Shqipërisë duhet të nisin menjëherë. Ai tha se nesër në Tiranë do të firmohet marrëveshja për njohjen reciproke të patentave mes dy vendeve.

      “Agresioni i pakuptimtë i Rusisë na bën të qartë që arritje evropiane nuk janë diçka e vetëkuptueshme duhet të angazhohemi çdo ditë për një jete të lirë dhe demokratike, me këtë Gjermania angazhohet për fillimin sa më shpejt të jetë e mundur me negociatat e integrimit të Shqipërisë në BE. Falënderoj Shqipërinë pasi në rolin e  saj ndërkombëtar është një aleate konstruktive që mbështet politikat e BE. Nesër në Tiranë nënshkruhet marrëveshja për njohjen reciproke të patentave”, tha  Scholz

    • VIDEO

      Rama në Gjermani, sot kryeministri takim 'kokë më kokë' me kancelarin Scholz, ja kush e shoqëron

      Kryeministri Edi Rama, ndodhet për një vizitë zyrtarë në Gjermani, ku pritet të takohet sot në Berlin me kancelarin gjerman Olaf Scholz. Ndër të tjera, Rama pritet të kërkojë nga Scholz përkrahje për çeljen e negociatave

      • VIDEO

        Kriza me çmimet, Ahmetaj: Të gatshëm të marrim masa mbrojtëse në varësi të situatës

        Duke renditur të gjitha masat e marra nga qeveria për të përballuar krizën e shkaktuar nga lufta, zv.kryeminsitri Arben Ahmetaj tha se qeveria është e gatshme të marrë masa të tjera për të përballur krizën në varësi të situatës që do të përballemi. Ahmetaj e vuri theksin edhe Këshillimi Kombëtar duke thënë se përgjigjet e dhëna nga qytetarët shqiptarë do të jenë një mekanizëm për të formatuar politikat e qeverisë në vazhdim.

        "Qeveria është e gatshme të bëjë atë që duhet për të përballuar krizën, që nuk e di askush sa do vazhdojë për shkak të luftës. Kur sollëm këtu të gjithë atë ligj dhe qasje për bashkëbisedime qytetarët, ju e morët me shkaka nuk e vlerësuar, sot që të dhënat dhe pjesëmarrja është rekord, që kanë thënë majtas dhe djathtas për çështjet , një shumicë qytetarësh kanë mbështetur jo vetëm qasjen re por edhe shumë pyetje që do formatojnë politikat tona në vazhdim, që të Ballkani i hapur që ka në themel hapjen dhe qasjene  hapur ndaj fqinjësisë ët mirë, por edhe ta bëjmë zonën më atraktive për bizneset. Për taksat, ne do ndihmojmë qytetarët në nevojë, taksën e naftës, akcizën nuk është efektive, ka dështuar dhe shumica shkon në favor të tregtarëve jo të konsumatorëve, aq më tepër në favor të konsumatorëve që kanë nevojë dhe kjo maxhorancë i mbron", tha Ahmetaj.

      • VIDEO

        Rama takon Scholz, pritet konferenca për shtyp

        Kryeministri Edi Rama sapo është takuar me kancelarin gjerman Olaf Scholz në Berlin.

         

      Për lajme të tjera kërkoni në arkiv