• VIDEO

    Kuvend/ Rama, i prerë me opozitën: Kurrë më negociator të huaj për krizat që i krijojmë vetë! Shqipëria bëri historinë, e para në botë për numrin e grave në qeveri

    Kryeministri Rama nuk e fshehu krenarinë për faktin se qeveria e re që pritet të votohet do e rendisë Shqipërinë në vendin e parë në botë për numrin e lartë të grave në qeveri. Rama u bëri thirrje të gjitha deputetëve në Kuvend që të bëhen një zë i fuqishëm në betejën e fuqizimit të vajzave dhe grave.

  • VIDEO

    Rinis Kuvendi, fokusi në debatin politik për programin e qeverisë 'Rama 3'

    Pas prezantimit të programit të qeverisë 'Rama 3' për 4 vitet e ardhshme, Kuvendi ka rinisur sërish seancën me pjesën e dytë ku këtë herë do të zhvillohet debati politik mes deputetëve. Pyjet e deputetëve janë dërguar në Kuvend për kryeministrin Rama dhe ministrat, të cilët do të japin përgjigjet e tyre. Çdo deputet ka kohë 10 minuta për të folur dhe debatuar në foltoren e Kuvendit.

  • VIDEO

    Rama: Do krijojmë një akademi ekselente për ushtarakët tanë, stërvitje e ngjashme me SHBA-në

    Kryeministri Edi Rama tha gjatë fjalës së sotme në Kuvend, së sotme se u ka kërkuar aleatëve që të krijohet një akademi ekselente për stërvitjen e ushtarakëve tanë e ngjashme më atë të ushtarakëvë në SHBA.

    ‘Ne do jemi në New York për Asamblenë e Përgjithshme Kombëtare, u kemi kërkuar të aleatëve tanë, për një akademi ekselente dhe të do të këmbëngulim në mënyrë që shkollimi akademik i ushtarakëve shqiptarë të bëhet në kushte e shkencës që bëhet në SHBA. Krahas digjitalizimit të thelluar të policisë së shtetit sigurimit të inteligjencës arfiticiale për të monitoruar grupet kriminale do të reformojmë policinë e shtetit, për reformimin e akademisë së policisë si dhe për të ulur moshën për efektivët e policisë.’- tha Rama.

  • VIDEO

    Rama: Ballkani i Hapur, për ta 'nxjerrë' vetë gomarin nga balta, as lojë serbe e as konspiracion rus! Dua bashkëpunim të ngushtë me Kosovën, të trajtojmë me respekt mosdakordësitë

    Kryeministri Rama mbrojti nismën Ballkani i Hapur ku tha se kjo i shërben të gjithë rajonit që të fuqizohen dhe për 'të nxjerrë' vetë gomarin nga balta pa pritur Brukselin. Ai tha se me Kosovën do bashkëpunim të ngushtë dhe se mosdakordësitë duhet të trajtohen me respekt.

     
  • VIDEO

    Rama: Hapja e negociatave, jo në dorën tonë! Shqipëria tani shihet me respekt dhe si pikë referimi në Ballkan

    Kryeministri Edi Rama gjatë fjalës së saj për programin qeverisës ceku edhe çështjen e integrimit në BE-ë, ku ripërsëriti se kjo gjë nuk varet nga qeveria, por nga politika e brendshme e shteteve anëtare në BE. Por kreu i qeverisë shtoi se kjo nuk ndryshon asgjë për të ecur para dhe për të përmbushur të gjitha kushtet që Shqipëria të jetë një standard i vendeve të BE-së. Rama sakaq tha se tashmë Shqipëria shihet si pikë referimi në Ballkan.

     
  • VIDEO

    Rama: Dyfishohet paga e solistëve të Teatrit të Operës që nga 2022, janë ambasadorët tanë në botë

    Kryeministri Edi Rama tha se gjatë mandatit të tretë synohet rritja graduale  e pagës minimale deri në 40 mijë lekë të reja deri në fund të mandati. Përveç rritjes së pagës së mjekëve  mësuesve, mjekëve e infermierëve me 40 % deri në fund të mandatit, Rama premtoi edhe dyfishim të pagës së solistëve të Teatrit të Operës dhe Baletit, për dhe për t'i stimuluar që të kthehen në ambasadorë të Shqipërisë në botë.

     
  • VIDEO

    Nis Kuvendi, Balla: PD të ndreqë gabimet, të ruajë balancën në komisione! Alibeaj: Mos na bini në qafë

    Në nisje të seancës maratonë të Kuvendit, kreu i grupit parlamentar të PS-së, Taulant Balla ka thënë se sa i përket komisioneve parlamentare PD duhet të rishikojë deputetët që i ka listuar nga dy herë në komisione  në mënyrë që të ruhet një balancë.

    “PS është i vetmi grup që është në këtë shumicë dhe të gjithë deputetët e tjerë janë në opozitë. Për të ruajtur këtë balancë do i kërkoja që deri në seancën pasardhëse të ndreqë ndonjë gabim ku ndonjë deputet është vendosur në më shumë se dy komisione. 4 deputetë e LSI apo PSD dhe ata të depozitojnë brenda kohës së përcaktuar nga kryetarja propozimet për tu bërë pjesë në disa komisione”, tha Balla.

  • VIDEO

    Përplasja e parë në Kuvend Rama-Basha! Kreu i PD: Kanë vdekur 16 mijë persona nga COVID! Kryeministri: Përballuam edhe aleancën tuaj me virusin

    Teksa ishte në fund të fjalës së tij në Kuvend, Kryeministri Rama po fliste për përballjen e vendit me COVID-19, kreu i PD Lulzim Basha ka ndërhyrë nga vendi.

    Teksa Rama nënvizonte se vendi nuk u gjunjëzua në kohën e zezë të pandemisë, Basha i kujtoi sipas tij numrin e vërtetë të viktimave, 16 mijë.

    Akuzat nga vendi e Bashës detyroi edhe kryeparlamentaren Nikolla që të ndërhynte duke kërkuar qetësi.

  • VIDEO

    'Do të jetë dita ime më e bukur', Rama në Kuvend: Gjithçka për një rritje domethënëse të pensioneve! Nuk është premtim, por angazhim solemn

    Nga salla e Kuvendit, Kryeministri Rama bëri një angazhim të madh për të gjithë pensionistët. Rama tha se do të bëhet gjithccka që është e mundur për të pasur një rritje domethënëse të pensioneve.

    "Në fushatë nuk kemi premtuar asgjë as për pensionistët jo se nuk e dimë që ata nuk e meritojnë të shpërblehen. Por nuk kemi mundur dot dhe nuk mundemi akoma dot sepse honi kërcënues i hapur për shumë e shumë vite nga skema e njohur e pensioneve. Megjithëse sot është ngushtuar honi ende nuk është mbyllur që ne të hedhim hapin përpara me një rritje domethënëse.

  • VIDEO

    Kuvendi 1 minutë heshtje për mjekët që humbën jetën nga COVID! Propozimi nga Tritan Shehu

    Me propozim të deputetit demokrat Tritan Shehut, Kuvendi mbajti një minutë heshtje për 50 mjekët që humbën jetën nga COVID-19.

  • VIDEO

    Rama: Do të ndërtojmë 4 porte turistike! Ky është mandati i korridorit blu, brenda 5 viteve do kemi autostradën Muriqan-Fier

    Kryeministri Edi Rama teksa prezantoi programin e ri qeverisës, tha se turizmi do të hyjë në një fazë historike, pasi do ta nisa puna për ndërtimin e 4 porteve historike. Rama tha se kantierët e porteve turistike do të ngrihen në Sarandë, Vlorë, Durrës dhe Shëngjin. Kreu i qeverisë tha se ky do të jetë mandati i korridorit blu, ku tha se në harkun e 5 viteve do të kemi një autostradë nga Muriqani në Fier, duke kaluar përmes Milotit, Thumanës dhe Rrogozhinës.

     
  • VIDEO

    Rama veçon mjedisin: Nga 1 qershori asnjë qese plastike në treg, zero tolerim për kriminelët! S'jemi vend i pasur por s'mund të jemi kronikisht vend i papastër

    Një fokus të veçantë në fjalën e tij në Kuvend, Kryeministri Rama ia kushtoi mjedisit. Ai paralajmëroi disa masa shumë të forta në mbrojtje të mjedisit.

    "Mjedisi do të jetë prioritet. Asnjë qindarkë nuk do të jepet për bashkitë nëse ata nuk garantojnë pastërtinë e mjedisit. Asnjë investim i ri pa respektuar mjedisin nuk i vlen fare komunitetit. Asnjë tolerim pushtetit vendor për të gjitha ndërtimet pa leje.

    Ne duam ta bëjmë Shqipërinë e 2030 absolutisht kampione të turizmit në Ballkan. Që ta bëjmë këtë duhet të garantojmë pastërtinë dhe paprekshmërinë e paligjshme të turizmit. Vija bregdetare Shqipërisë, një mrekulli e Zotit dhe një pasuri që populli ynë duhet të përfitojë çdo ditë e më shumë duhet bërë si vija e Atdhedashurisë. Patriotizmi nuk është të urresh një komb tjetër por të bësh atë që duhet për vendin tënd. Në qershorin e vitit tjetër ndalohen përfundimisht qeset plastike. Nuk do të ketë asnjë tolerancë. Nuk jemi të parët që e bëjmë, duhet ta kishim bërë me kohë. Mesazh im për industrinë që prodhon qeset plastike është që të mos kërkojnë lëshim sepse kjo është një dëm për të ardhmen e vendit. Shqipëria nuk është një vend i pasur por nuk mund të jetë absolutisht një vend i papastër. Do të anulohen lejet dhe licencat absurde për të ricikluar mbetje me demek të riciklueshme kazan në kazan, duke ndotur mjedisin. Mos kërkoni lëshime nga qeveria. Dita e fëmijëve, 1 qershori, do të jetë dita e çlirimit nga qeset plastike", tha Rama.

Për lajme të tjera kërkoni në arkiv