-
VIDEO
Vrasja në Fier, Drejtori i Përgjithshëm i Policisë: Kemi identifikuar autorin
Drejtori i Përgjithshëm i Policisë së Shtetit Muhamet Rrumbullaku deklaroi se autori ëshë identifikuar dhe po punohet për sqarimin e rrethanave të ngjarjes.
Kemi marrë njoftim, aktualisht grupi hetimor po kryen veprimet. Janë marrë masat për kapjen, e kemi të identifikuar, po punohet për sqarimin e rrethanave që kanë çuar në këtë krim të rëndë" tha Rrumbullaku në një konferencë për median mbi rezultatet e megaoperacionit kombëtar të koduar “Sundimi i ligjit”, për goditjen e rasteve të organizimit të kundërligjshëm të lojërave të fatit.
-
VIDEO
Aksioni kundër lojërave të fatit, 116 të arrestuar në gjithë vendin, 89 në hetim! Sekuestrohen para, drogë, municion luftarak, tavolina pokeri
Drejtori i Përgjithshëm i Policisë së Shtetit Muhamet Rrumbullaku në një konferencë për shtyp dha rezultatet e megaoperacionit kombëtar të koduar “Sundimi i ligjit”, për goditjen e rasteve të organizimit të kundërligjshëm të lojërave të fatit.
Në të gjithë vendin janë ushtruar kontrolle kundër lojërave të fatit. Faza e parë u zhvillua nga data 25 nëntor deri më datë 30 nëntor, ndërsa faza e dytë u zhvillua nga data 1 dhjetor deri në mbrëmjen e datës 6 dhjetor.
Gjatë 2 fazave të këtij operacioni, u kontrolluan 1078 lokale dhe ambiente të tjera, në të cilat dyshohej se organizoheshin lojëra fati, nga të cilat në 253 u konstatuan paligjshmëri në këtë fushë, dhe gjithashtu u kontrolluan 1895 shtetas.
Si rezultat i këtyre kontrolleve, u evidentuan dhe u goditën 181 raste, për të cilat u proceduan penalisht 210 shtetas, nga të cilët: 116 shtetas u arrestuan në flagrancë, 89 shtetas u proceduan në gjendje të lirë, si dhe vijon puna për kapjen e 5 shtetasve të tjerë. Vetëm gjatë mbrëmjes së djeshme, janë arrestuar 102 shtetas dhe janë proceduar në gjendje të lirë 68 të tjerë.
Gjatë kontrolleve, u sekuestruan: 4 tavolina për lojen Poker, me valixhe me çipsa dhe me letra bixhozi, 184 celularë, 25 njesi kompjuterike, zara, 174 000 lekë, 20 434 euro dhe 11 360 paund që i shërbenin lojërave të fatit, si dhe sasi cannabisi, municion luftarak, 1 pistoletë pneumatike, 1 mjet prerës (thikë) dhe 1 automjet.
-
VIDEO
‘Jetonte 100 metra larg vendit të ngjarjes’, banori i lagjes ‘16 prilli’ për vrasjen e 41 vjeçarit në Fier: Dola me vrap sapo dëgjova të shtënat
Një prej banorëve të lagjes “16 prilli” në Fier ka folur për mediat pas vrasjes së 41 vjeçarit Elton Javori në Fier. Ai tha se i ndjeri banonte 100 metra larg vendit ku mbeti i vrarë.
Ndërsa zbulon se në momentin që dëgjoi krismat doli me shpejtësi nga kafja ku po hynte.
“Ka qenë djalë i mrekullueshëm, i edukuar dhe i sjellshëm. Ka babanë e nënën këtu, vëllezërit i ka në Gjermani. Nga erdhi kjo, Zoti e di. Sa dola nga shtëpia, u futa të pija kafe, dola me vrap”- u shpreh banori.
-
VIDEO
Ekzekutohet 41 vjeçari në Fier, ja çfarë deklaron policia
Policia jep informacion lidhur me vrasjen në Fier. Viktima është Elton Javori.
Fier/Informacion paraprak
Rreth orës 11:00, në lagjen "16 prilli", është vrarë me armë zjarri shtetasi E. J., 41 vjeç, banues në Fier.
Shërbimet e Policisë, sapo kanë marrë njoftim, kanë shkuar menjëherë në vendngjarje, kanë identifikuar autorin dhe po punojnë për kapjen e tij.
Janë ngritur pika kontrolli në çdo aks rrugor, si dhe vijon intensivisht krehja e zonës.
Ndërkaq, grupi hetimor, në drejtimin e Prokurorisë, po punon për zbardhjen e plotë të rrethanave të ngjarjes dhe kapjen e autorit.
-
VIDEO
Ktheu banesën në bazë për furnizimin e grupeve kriminale, Gjykata e Lezhës lë në burg Aleks Lulashin
Gjykata e Lezhës ka caktuar masën e sigurisë arrest me burg për 40 vjeçarin Aleks Lulashi i cili u arrestua të martën (5 dhjetor) nga policia e Lezhës pasi banesa në pronësi të tij ishte kthyer në bazë për grupet kriminale për furnizimin me automjete të vjedhura.
-
VIDEO
Vrasja e 41 vjeçarit në Fier, policia e Vlorës ngre postoblloqe për kapjen e autorit
Policia e Vlorës ka ngritur postoblloqe në hyrje të autostradës për kapjen e autorit të vrasjes së 41 vjeçarit Erjon Javori në lagjen “16 prilli” të Fierit.
-
VIDEO
Shkëlzen Berisha thirret në gjykatë! Më 14 dhjetor djali i Sali Berishës dhe Aldo Bumçi dëshmitarë në gjyqin për masakrën e Gërdecit
GJKKO thërret më 14 dhjetor Shkëlzen Berishën dhe Aldo Bumçin. Ata do të pyeten në cilësinë e dëshmitarit në seancën gjyqësore për ish ministrin e Mbrojtjes Fatmir Mediu I cili akuzohet për shpërdorim detyre në masakrën e 15 marsit 2008 në Gërdec.
Bumçi dhe Berisha janë pyetur edhe gjatë hetimeve paraprake në lidhje me faksin me shënimin “për Shkelzenin”, ndërkohë që SPAK, dyshon se djali i ish-kryeministrit ka pasur takime me ministrat para dhe telefonata menjëherë pas shpërthimit në Gërdec.
Seanca e sotme u shty pas kërkesës së Fatmir Mediut i cili kërkonte të ishte pranishëm në seancë por e kishte të pamundur pasi duhet të ishte në parlament për votimin e pr/buxhetit. Në seancën e radhës do të jenë 7 deshmitar të mbetur nga lista e prokurorisë mes tyre edhe Aldo Bumci dhe Shkëlzen Berisha
-
VIDEO
Çuçi ironizon kaosin e grupit të Berishës dhe Bardhit në Kuvend: Revolucioni i karrigeve pati seancën e rradhës, janë kthyer në qesharakë
Kreu i grupit parlamentar të PS, Bledi Çuçi e ka cilësuar si një “revolucion të karrigeve” aksionin e dhunshëm të Rithemelimit dhe grupit të Bardhit në Kuvend.
Duke iu përgjigjur pyetjeve për miratimin e buxhetit në një seancë plenare që zgjati rreth 8 minuta, Çuçi tha se detajet mbi buxhetin janë diskutuar në komisione dhe me grupet e interesit.
“Revolucioni i karrigeve, e patë ju seancën e rradhës. Është kthyer komplet në qesharake kjo histori. Buxheti nuk është miratuar në 8 minuta por pas një diskutimi shumë të gjatë që ka pasur në komisione. Ne nuk i merrnim dot me zor që të hynin në komisione.
Janë konsultuar me të gjitha grupet e interesit, mbledhjet kanë qenë të hapura. Diskutimet kanë qenë shteruese. Aty debatohet, aty hidhen alternativat. Seancat plenare bëhen për të miratuar. P a diskutim që ka një anomali të shkaktuar nga opozita”- tha Çuçi.
Çuçi tha se komisionet hetimore të kërkuara nga opozita janë rrëzuar për shkak të objektit, ndërsa shtoi se përse opozita nuk e çon vendimin për rrëzimin në Kushtetuese, por krijon kaos në Kuvend.
Po sjell në kujtesë debatin për komisionet. Janë e drejtë legjitime e opozitës, nuk e kemi mohuar në asnjë moment, e kemi shprehur qartë që komisionet e opozitës nuk janë miratuar për shkaqe të objektit të tyre. Nuk është detyrimi ynë të negociojmë për objektin. Pse nuk e sjellin sipas kërkesës, pse nuk e çojnë në kushtetuese vendimin për ta hedhur poshtë për shkak të mangësisë.
Kemi pritur të kemi një bashkëpunim në ndryshimet për ligjin për komisionet hetimore. Ne bëmë variantin tonë dhe besoj se varianti që kemi çuar kënaq apo përfshin edhe parashikime të deputetëve të opozitës që kanë propozuar më parë ndryshime.
-
VIDEO
Vrasje në Fier/ 41 vjeçari ekzekutohet me armë zjarri sapo zbriti nga makina! Identifikohet autori!
Vrasje në Fier/ 41 vjeçari ekzekutohet me armë zjarri sapo zbriti nga makina! Identifikohet autori!
-
VIDEO
Paradoks, Salianji bllokon me karrige pirg foltoren, në oborr flet kundër! Gazetarja e zë ngushtë: Tani tu kujtua
Si asnjëherë më parë pr/buxheti i vitit 2024 dhe pr/ligjet e lidhura me të janë miratuar brenda 8 minutash, pa debat por vetëm me kartona jeshil të ngritur nga deputetët e maxhorancës mes tymueseve të cilat u hodhën nga deputetët e Sali Berishës dhe Gazment Bardhit.
Deputeti Ervin Salianji në vend që të mbante fjalim në foltore aty ku bëhet beteja demokratik, u kujdes që ta mbulonte me karrige ndërsa jashtë kuvendit deklaroi se pr/buxheti godet shtresat e mesme.
“Po funksionojnë si juntë. Në mënyrë tinëzare dhe me vrap pr/buxhetin dhe paketën fiskale e cila godet shtresën e mesme” tha ai.
Në një moment gazetarja e Report Tv, Danjela Maloku e zuri ngushtë: Tani e thoni ju!
Salianji: Për herë të parë do të taksohen me 23 % profesionet e lira, ju gazetarët dhe stomatologët, etj
Salianji: E kemi thënë gjithë kohës
Gazetarja: Ku I keni?
Salianji: Ne nuk bëhemi dot palaço të Edi Ramës
-
VIDEO
Pas Safet Gjicit, edhe prefekti i Kukësit në hetim! GJKKO konfirmon masën e sigurisë për Granit Gjanën, ja pse u dorëhoq
GJKKO konfirmon masën e sigurisë 'pezullim detyre' për Prefektin Granit Gjana
GJKKO konfirmoi sot masën e sigurisë 'pezullim detyre' për Prefektin Granit Gjana. Ai është në hetim për abuzim me tenderat gjatë kohës kur ishte zv.kryetar Bashkie në Kukës dhe kishte detyrën e kryetarit pas shkarkimit të Safet Gjicit.
“U dorëhoqa si Prefekt për t'u përballur me drejtësinë si qytetar” tha Granit Gjana pas seancës
Ai akuzohet se ka kryer shkelje me tenderat e karburantit të bashkisë me vlerë 21 milionë lekë, duke mos lejuar një kompani të marrë pjesë në garë.
-
VIDEO
Pr/buxheti 2024 miratohet brenda 8 minutave, maxhoranca ngre kartonat mes tymueseve të Rithemelimit
Si asnjëherë më parë pr/buxheti i vitit 2024 dhe pr/ligjet e lidhura me të janë miratuar brenda 8 minutash, pa debat por vetëm me kartona jeshil të ngritur nga deputetët e maxhorancës mes tymueseve të cilat u hodhën nga deputetët e Sali Berishës dhe Gazment Bardhit