• VIDEO

    Mbyllet zyrtarisht votimi për 61 bashkitë, pjesëmarrja e ulët! Identifikimi elektronik pengoi votimin! Nis mbledhja e kutive të votimit nga QV në KZAZ

    Prej orës 07:00 të mëngjesit deri në 19:00, qytetarët i janë drejtuar kutive të votimit për të hedhur votën për 61 kryetar bashkie dhe këshilla bashkiakë. Procesi i votimit për zgjedhjet lokale në të gjithë vendin ishte i qetë pa incidente serioze. Pjesëmarrja e votuesve është e ulët dhe kjo nisi që në mëngjes pasi procesi nisi me një problem serioz në funksionimin e pajisjeve të identifikimit elektronik. E gjitha solli ikje të njerëzve që ishin në qendrat e votimit për të votuar. Problemi u zgjidh me urdhër të KQZ që njoftoi se procesi duhet të vijojë manualisht, që do të thotë se zgjedhësit do të identifikohen me anë të listave të printuara. 

  • VIDEO

    Kërcënimi me armë ndaj ish kreut të komunës Shëngjin, Berisha akuzon Ramën: Bandat e tij dështuan në atentat! Donin ta vrisnin bashkë me të birin, e kemi të filmuar

    Sali Berisha ka akuzuar Edi Ramën për kërcënimin me armë ndaj përfaqësuesit të opozitës në Lezhë, Salvador Kaçaj. Në daljen për mediat, Sali Berisha thotë se kanë tentuar të kryejnë atentat dhe të eliminojnë ish kreun e komunës Shëngjin së bashku me të birin që kishte ardhur nga Amerika për të votuar.

    Sipas Berishës, ishin bandat e Pjerin Ndreut që i bllokuan rrugën me makina dhe i ndoqën me armë për t’i qëlluar. Atentati që Berisha pretendon se ka kryer PS dështoi për shkak të manovrës së shoferit që arriti të shmangte personat që i ndoqën.

  • VIDEO

    A do e njohë rezultatin? Berisha nuk jep një përgjigje të prerë: Do mbrojmë votën

    Ish kryeministri Sali Berisha nuk ka dhënë një përgjigje të prerë nëse do të njoh rezultatin ose jo.

    “Ne do mbrojmë votën, jemi në proces të mbrojtjes së votës, foli shqiptarët që të lexojnë si duhet, ne po të mos merrnin pjesë në proces, cfarë do mbronim, ai bëri gjithçka që të mos hyjmë në proces, por ai nuk është taktika ime, jo nuk mundem. E kam të pamundur sado që ishte lehtësisht e parashikueshme”, tha Berisha.

    •  
  • VIDEO

    Berisha nuk pranon humbjen në 3 bashkitë e para: Të bëhet verifikimi dhe auditimi i pajisjeve elektronike

     Ish kryeministri Sali Berisha nuk ka pranuar humbjen në 3 bashkitë e para ku është nxjerrë rezultati aty ku u votua elektronikisht.

    “Janë mediat që kanë paraqitur transformimin e votës në këtë proces. Unë kërkoj nga KQZ që të bëjë autidim të këtyre aparaturave. Kodi Zgjedhor ka parashikime të veta të sakta kur dyshohet në devijim të rezultatit, si mund të trajtohet devijimi, PD do të kërkojë zbatimin e ligjeve, pra aty ku dyshohet se është devijuar rezultatit do bëhet verifikimi dhe auditimi, ky quhet rezultat paraprak”, tha Berisha.

    •  
  • VIDEO

    Llatja pas fitores në Elbasan: S’e kam dyshuar kurrë fitoren, gjithsecili nga ju ka vënë një tullë në zhvillimin e Elbasanit

    Kryetari i bashkisë së Elbasanit, Geldian Llatrja ka falenderuar të gjithë qytetaret në Elbasan që e besuan.

    “Kemi bërë fushatën më të bukur që është parë në Elbasan dhe kjo është vlera e fitores. Ka një simbol, Glei dhe PS. Këtë fitore e meritoni të gjithë.

    Kemi qenë  vjet bashkë, kemi punuar me të gjithë. Ky është rezultati, që ditën e parë që kemi ardhur kemi qenë të sigurt për fitoren dhe se kemi vënë kurrë në dyshim. Populli i Elbasanit s’na hedh punën poshtë. Kjo është fitorja e të gjithëve ju. Sot secili nga ju ka një tullë te zhvillimi që do të marrë Elbasani në 4 vitet e ardhshme. Gjithsecili nga ju ka treguar që jeni qytetar model. Unë kam një falenderim të veçantë, për skuadrën fituese që e kemi pasur dhe e kemi në krah në këtë fitore të thellë.”- tha ai.

    •  
  • VIDEO

    Balla: Fitore e thellë në Fier dhe Lushnjë, PS merr mbi 60%! Do i marrim të gjitha bashkitë e qarkut

    Drejtuesi politik i qarkut Fier, Taulant Balla ka paralajmëruar një fitore të thellë me mbi 60% në Lushnjë dhe Fier.

    “PS do jetë fituese në 6 bashkitë e qarkut Fier.  Falenderojmë të gjithë votuesit që na inkurajuan për të ecur përpara. Rezultati i Fierit dhe Lushnjës, është një rezultat që PS se ka pasur kurrë, kemi rezultat mbi 60%. Ka qenë një garë e vështirë për arsye që ju i keni transmetuar, ajo që dua të them është se ne do e lexojmë me vëmendjeje këtë rezultat.”- tha Balla.

    •  
  • VIDEO

    Fitoi në Vorë, Shera: Zotohem se do u shërbej të gjithëve pa dallim të forcave politike

    Kreu i Bashkisë Vorë, Blerim Shera ka falënderuar të gjithë qytetarët për besimin. Shera u shpreh se do u shërbejë të gjithëve me përulësi pavarësisht bindjes politike.

    “Zotohem se do u shërbej të gjithëve me përulësi siç e kam bërë këtë vit. Mezi pres ta nis punën që nesër që t’u shërbej të gjithëve pavarësisht bindjeve politike.”- tha Shera.

    •  
  • VIDEO

    KQZ tallet me 23 mln euro tender, pajisjet elektronike hidhen në kamion pa pikë përgjegjshmërie

    TIRANË- Një video që Report Tv ka siguruar mund të shihet fare qartë se si po transportohen pajisjet elektronike nga KQZ.

    Siç mund të shihet, ato pajisje hidhen drejt kamionit pa asnjë përkujdesje, nga ku mund të kuptohet fare mirë se përse pati probleme me identifikimin elektronik.

  • VIDEO

    Fitorja e Sherës në Vorë/ Veliaj: Bleri do i shërbejë 100% Vorës, nga këto zgjedhje nuk del askush i humbur

    Kreu i Bashkisë së Tiranës, Erion Veliaj ka uruar për fitoren Blerim Sherën ndërsa shtoi se me zgjedhjen e tij asnjë qytetar pavarësisht bindjeve politike nuk del i humbur.

    “Me një fitore 75% në Vorë mbajeni mend. Vora që prej 2 dekadash nuk thyhej, që ishte kthyer në bastion... Vora në dha një mesazh që duan të ecin përpara. Sot, dua të falënderoj Blerin dhe skuadrën e tij. Kemi krijuar një PS në Vorë totalisht fituese. Duam të falenderojmë qytetarët që na dhanë besim dhe ne kemi bërë super punë. Sot na kanë dhënë një besim që do jetë rekordi i PS për ta çuar Vorën vetëm përpara. Ata 25% që nuk na votuan, Bleri do i shërbejë 100% Vorës, nga këto zgjedhje nuk del askush i humbur. Ne ndjejmë detyrim të thellë që zgjidhen të distancohen nga Salikja. Për këta qytetarë të djathtë, na dhanë ne më shumë mundësi, ju premtoj publikisht që do u shërbejmë të gjithëve.”- tha ai.

    •  
  • VIDEO

    Mbyllet votimi/ Alibeaj: Të lexohet me përpikëmeri çdo votë! E ardhmja do jetë më e mirë

    Kreu i Komanduar i PD-së, Enkelejd Alibeaj ka kërkuar që çdo votë e shqiptarëve të lexohet me përpikëmëri.

    “Gjatë gjithë ditës Partia Demokratike ka denoncuar të gjitha problematikat që shoqëruan sot procesin zgjedhor, por nga ana tjetër vlerëson maksimalisht qytetarinë e shqiptarëve që falë qetësisë dhe maturisë së tyre, dhuruan sot një proces të qetë zgjedhor, pavarësisht përpjekjeve për intimidim, manipulim, praktikat e shitblerjes së votës apo cenim të këtij procesi.

  • VIDEO

    PS përgatitet për të festuar fitoren e Gledian Llatjas në Elbasan

    PS po bën përgatitje për të festuar fitoren e Gledian Llatjas te sheshi para stadiumit të Elbasanit.

    •  
  • VIDEO

    U votua elektronikisht, PS fiton 3 bashkitë e para me diferencë të madhe! Llatja në Elbasan mbi 55%, Suli mbi 60% në Kamzë, në Vorë Shera merr 75%

    Ka përfunduar numërimi në 3 Bashkitë, Elbasan, Kamëz dhe Vorë ku u votua elektronikisht. Ka përfunduar numërimi në 3 Bashkitë, Elbasan, Kamëz dhe Vorë ku u votua elektronikisht. Partia Socialiste ka fituar bindshëm të treja bashkitë.

    Kandidati i PS Gledian Llatja ka marrë fitoren në bashkinë Elbasan përballë kandidatit të Berishës dhe Metës, Luçiano Boçi me mbi 55% të votave. Mbeten ende pa u pasqyruar 74 kuti nga 224 gjithsej por nuk pritet të ketë ndikim në rezultat, 

Për lajme të tjera kërkoni në arkiv