-
VIDEO
‘Tymi’ mbulon fshatin Narte në Vlorë, marrin flakë ullinj dhe shkurre, era e favorizon! Nuk rrezikohen banesa
VLORË- Tymi ka “mbuluar” fshatin Narte në Vlorë, pas një zjarri të përmasave të mëdha ka nisur mëngjesin e sotëm në afërsi të tij.
Një sipërfaqe me ullinj dhe shkurre është përfshirë nga flakët, ndërsa zjarr kanë marrë edhe goma të hedhura në atë zonë, duke shkaktuar një erë të keqe.
-
VIDEO
Rama thumbon mungesën e Malit të Zi në 'Open Balkan': Pret të futet vitin tjetër në BE, por të shohim nëse do futet apo jo! Ne na sheh më mbrapa
Kryeministri Edi Rama ka thumbuar mungesën e Malit të Zi në nismën e 'Open Balkan' duke thënë se ajo nuk bashkohet se na sheh ne si vene pak më mbrapa dhe shpreson se vitin tjetër do të hyjë në BE. Do ta shohim do hyjë apo jo tha Rama por kur të hyjë atëherë do të përkrahë nismën 'Open Balkan'.
“Mali i Zi pret që të futet vitin tjetër në Bashkimin Europian. Këtë gjë ma ka thënë kryeministri vetë. Unë e mirëkuptoj dhe i kam thënë që vitin tjetër ju prisni që të futeni dhe po u futët ne do u kemi avokat më shumë për Ballkanin e Hapur për ta mbrojtur. Por të shohim nëse do futet apo jo. Unë uroj që vërtetë të futet në BE. Nuk e kemi informacionin që qenka gati kjo punë. Kur ta futi Bashkimi Europian. Jam i bindur që do ta mbështesin Ballkanin e Hapur, se ne na shikon si vende që jemi pak më mbrapa. Nëse nuk futet ne i kemi thënë Bujrum hajde futu këtu tani se BE nuk e detyrojmë ne kur na fut", tha Rama
-
VIDEO
Së shpejti në lokale me vaksinë anti-COVID, kreu i Shoqatës së Bareve: Jemi kundër, do të na penalizojë si pandemia
Në një intervistë për Report Tv, ai tha se kjo masë nuk do të zbatohet dhe se ato nuk mund t’u kërkojnë klientëve që t’u paraqesin certifikatë vaksinimi, pasi kjo u shkel edhe privatësinë.
‘Jemi kundër pasi prek në mënyrë direkte të dhënat e çdo klienti. Kjo nuk është as ligjore, pasi nuk mund tu kërkojmë të dhëna sensitive klientëve tanë. Bizneset tona janë të vetmit që punojnë nën masa kufizuese. Presim të ketë një njoftim pasi në Shqipëri kjo masë nuk do të zbatohet. Kjo i bie që të kemi një person që të na ruajë sigurinë për njerëzit që do të hyjnë ose jo në lokal. Pres një mirëkuptim nga të gjithë faktorë. Situata është drastike, dihet se ku do të shkojnë nëse dikush i kërkon një certifikatë vaksinimi. Ne mbartëm gjithë krizën financiare nga 2020. Parashikimet janë që në mars do të kemi këtë lloj krizë. Krizë pas krize këto lloj biznesesh janë futur në një rreth ciklik borxhesh.’- tha Jahaj.
-
VIDEO
Ministri-Sulës: Lërini patronazhistët tanë, ato po bëhen gati për zgjedhjet lokale
Duke ju përgjigjur akuzave të deputetit të PD-së, Dashnor Sula se ligji për ‘Bashkëqeverisjen’ do t’u shërbej patronazhistëve, ministri i Drejtësisë Ulsi Manja, i kërkoi që të mos merrej me to, pasi kanë nisur punën për zgjedhjet e ardhshme lokale.
‘Lërini patronazhistët tanë se po bëhen gati për zgjedhjet lokale’.- tha Manja.
-
VIDEO
Dashnor Sula kërkesë mazhorancës për ‘Bashkëqeverisjen’: Vini fre kësaj marrëzie, ai që e ka shkruar ose është budalla ose është detyruar
Deputeti Partisë Demokratike Dashnor Sula tha se projektligji për ‘Bashkëqeverisjen’ është një marrëzi dhe do monitorohet nga kryeministri Edi Rama. Ai i kërkoi qeverisë që të tërhiqet nga ky projektligj.
‘Ky projektligj ja kalon një telenovele turke, por vlen më pak. Personi që e ka shkruar ose është budalla ose e kanë detyruar. Varianti që u miratua në Komisionin e Ligjeve është ndryshuar. Është për të ardhur keq. Jo si krah kundërshtar, por do ju kërkoja të reflektojnë e t’i vënë fre një marrëzie të tillë. Projektligji që do të miratojë sot PS është një ligj tërësisht politik nën drejtimin e kryeministrin. Krijon problematika, pasi ndërfutet tek pushtet e tjera. Duke parë zellin e madh në të cilin u mbrojt projektligji nuk besoj se do të tërhiqet mazhoranca. Kjo nismë rrëzon pushtetin demokratik duke kontrolluar çdo pushtet.’- tha Sula.
-
VIDEO
Rama nga Beogradi: Ballkani i hapur është Procesi i Berlinit i marrë në duart tona! Kosova ta provojë sinqeritetin e Serbisë duke hyrë në këtë nismë
Në një komunikim me gazetarët shqiptarë ngë Beogradi, Kryeministri Rama tha se 'Ballkani i Hapur' ka të njëjtin vizion dhe kornizë si Procesi i Berlinit.
-
VIDEO
PS i lutet opozitës: Hajdeni votojeni ‘Bashkëqeverisjen’, do të ulë korrupsionin në zyrat qendrore e lokale
Duke folur për projektligjin e ‘Bashkëqeverisjes’, ministri Arben Ahmetaj i këkroi opozitës që ta votojnë, pasi ato do të bashkëqeverisin në mënyrë inovative dhe do të ndihmojnë qytetarët.
‘Mos refuzoni ligjin e bashkëqeverisjes. Do t’i shërbejë çdo qytetari. Do na ndihmojë të ulim korrupsionin në zyrat qendrore dhe lokale. Bëjeni tuajën platformën shfrytëzojeni ligjin për të na kërkuar llogari dhe të na thoni ku dështuam kjo pasi edhe mund të dështojmë ndonjëherë. Nuk do të jetë më burimi PD: Por do të jetë platforma e bashkëqeverisë. Do të vini të na thoni kemi dështuar, sepse edhe mund të dështojmë ndonjëherë, por kjo do të tregojë se ne po bashkëqeverisim. Do të shihni me numra. Të gjitha do të jenë me numra. Ne duam që ju të bashkëqeverisni me ne dhe të jemi për shërbim për qytetarët. Do t’ju lutesha hajdeni të bashkëqeverisim ndërmjet këtij ligji, platforma është e juaja është e mazhorancës dhe mbi të gjitha është e qytetarëve. Jam i bindur se do ta përdorini ligjin, sepse do të bashkëqeverisim në mënyrë inovative.’-tha Ahmetaj.
-
VIDEO
Rama mesazh Kosovës dhe Bosnjes: Mos u çudisni kur kompanitë tuaja të vijnë para qeverive në 'Open Balkan'
Kryeministri Edi Rama i ka cilësuar si arsye të mosarsyet mungesën e tyre në 'Open Balkan' duke thënë se nuk duhet të çuditen kur kompanitë etyre t'i afrohen kësaj nisme më shpejt se qeveritë .
"Arsyet se përse të tjerët janë skeptikë, i kam dëgjuar. I kam dëgjuar arsyet e Malit të Zi, Bosnjës dhe të Kosovës, por i konsideroj arsye të mosarsyes. Ju thatë që duket sikur Ballkani i Hapur janë për interesat ekonomike të këtyre tre vendeve. Patjetër që unë jam këtu për interesat ekonomike të Shqipërisë, për çfarë duhet të jem këtu për interesat ekonomike të Gjermanisë, Kinës? Interesat ekonomike të Shqipërisë drejtpërdrejt fuqizohen nga Ballkani i Hapur. Në dhjetor kur ne të bëjmë takimin në samitin e radhës në Tiranë dhe kur t’i dorëzojmë të gjitha atyre sipërmarrjeve që takuam sot, që kanë ndërveprim me vendet respektive, çfarë kemi konkluduar si zbatim i procesit të Berlinit dhe kur t’i përfshijmë kompanitë që kanë lidhje tregtare mes këtyre vendeve në një kanal jeshil, po ju them mos u habisni që kompanitë nga Mali i Zi, Bosnja dhe Kosova do kërkojnë të vijnë para qeverive, për të mos pasur probleme kur hyjnë në kufijtë e vendeve tona. Mos u çudisni! Kjo nuk është një tekë, as konspiracion, as iluzion halucinant, kjo është një kërkesë ulëritëse ekonomitë tona, e njerëzve, qytetarëve, sipërmarrësve, studentëve, akademikëve, njerëzve që duan të lëvizin për turizëm. Ne na duhet gjithçka për ekonominë tonë dhe ne do bëjmë gjithçka”, deklaroi Rama.
-
VIDEO
Rama: Kush ngre teori konspirative për Open Balkan, ta dijë se bostani nga Konispoli në Bosnje bëhet 'frutë i thatë' për shkak të pengesave në kufi
Kryeministri Edi Rama i është përgjigjur të gjithë kritikëve apo vendeve skeptike në lidhje me nismën 'Open Balkan' duke thënë se nuk duhet të ngrenë teori konspirative rreth kësaj çështje, por se duhet ta dinë se gjithçka bëhet për lehtësimin e kufijve dhe heqjen e barrierave duke lehtësuar barrën e fermerëve dhe bizneseve në kufi ku nga qëndrimi i gjatë u prishen produktet.
" Ka intervenim të vazhdueshëm të njerëzve real dhe këto njerëz vuajnë peshën marramendëse të kufijve dhe 4 palë burokracive. A vihet dot në diskutim e drejta e tyre se dikush nga një kolltuk i studios televizive ngre teori konspirative për Ballkanin e Hapur. A mund dot që të gjithë këto njerëz nga Konispoli për të çuar produktet tyre në Maqedoni e Bosnje ju duhet të bëjnë rrugën e Mangalenit. Deri kur të nis bostani nga Konispoli, në Bosnje është bërë frutë i thatë", tha Rama.
Rama foli edhe për rastin e mospranimit të Kosovës për shkak atë marrëdhënieve me Serbinë, duke thënë se mosdakordësitë politike i zgjidhnin përmes dialogut që është një rrugë më vetë. Në këtë nismë ajo do të hyjë e barabartë për të përmirësuar jetën njerëzve dhe nxitur ekonominë.
"Është e thënë e rithënë që të 3 vendet pa dallim janë të ftuara të vijnë dhe të punojnë bashkë me ne për njerëzit e tyre. Çështja e mosdakordësisë ka dialogun e vetë dhe rrugën e vetë. Nëse të 6 vende marrin pjesë në nismën e Ballkanit të Hapur , atëherë edhe për Kosovën dhe Bosnjën do të jetë shumë më e mirë atmosfera për të trajtuar çështje të tjera", tha Rama.
-
VIDEO
Problemet me Kosovën? Vuçiç: Ne këtu po bëjmë gjëra shumë të mira për qytetarët tanë
Presidenti serb, Vuçiç ka refuzuar që t'i përgjigjet pyetjes se a ka kuptim 'Open Balkan' kur kihet parasysh një sherr me Kosovën për targat. Ai ka thënë se në këtë nismë po bëhet gjithccka e mirë për qytetarët e të gjithë rajonit.
"Nuk i shoh problemet e shtatorit siç i shihni ju por nuk dua t'i hyj kësaj. Ne i kemi hapur dyert Prishtinës, Sarajevës dhe Podgoricës. Të tre ne së bashku me delegacionet tona kemi hyrë në thelbin e problemeve dhe po përpiqemi t'i zgjidhim këto probleme. Ne po e bëjmë këtë për të mirën e qytetarëve tanë dhe pse duhet të justifikohemi për këtë? Pse duhet t'ia shpjegojmë gjithkujt gjithccka", tha Vuçiç.
-
VIDEO
Del Maqedonia e Veriut nga 'Open Balkan' nëse ka ndërrim pushteti? Dimitrov: Qytetarët tanë duan bashkëpunim rajonal
Për zv. kryeministrin e Maqedonisë së Veriut, Nikolla Dimitrov, asnjë rrezik nuk ka që vendi i tij të largohet nga 'Open Balkan' edhe nëse ka ndërrim pushteti pasi sipas tij janë qytetarët ata që e duan.
"Unë nuk mendoj se situata në skenën politike maqedonase ka arritur në fazën e konkurrencës në politikë. Do të ishte mirë ta kishim. Shumica e qytetarëve të Maqedonisë duan të ecin përpara, dhe kjo në radhë të parë nënkupton fqinjësi të mirë dhe bashkëpunim rajonal. Një ditë do të ndodhë që të ketë ndryshim të pushtetit por vullneti i qytetarëve është i tillë që gjithkush të vijë në pushtet të ecë përpara. Kështu që nuk shoh ndonjë rrezik për të dalë jashtë vendi im. Është e rëndësishme që të mbetet pjesë e kësaj nisme", tha Dimitrov.
-
VIDEO
‘Bashkëqeverisja’, Tabaku përplaset me Ahmetajn: Bën batuta dy lekëshe, duhet të ishe para SPAK! Jemi kundër qeverisë që ka varfëruar shqiptarët
Deputetja e Partisë Demokratike tha se PD nuk do ta votojë ligjin e bashkëqeverisjes, pasi sipas saj ato janë kundër qeverisë që ka varfëruar shqiptarët. Duke ju drejtuar ministrit Arben Ahmetaj, Tabaku tha se ai duhet të ishte para SPAK e jo në Kuvend duke bërë batuta dy lekëshe.
Tabaku: Të dëgjosh batuta dy lekëshe të Ahmetajt që duhet të ishte para SPAK, kjo është për të qeshur.. duhet të flisnim me fakte me shifra se çfarë po ndodh sot me shtetin shqiptar. Kjo tregon tendencën sesi këto duan të qeverisin. Ditë e zezë kur je ti aty... Po dëgjojmë humor banal me ty!.Ta harrojë ai që foli se ne do të diskutojmë në këtë Kuvend për bashkëqeverisjen. Për mua ka vetëm një kundërshtar ato që janë në qeverisje dhe që kanë varfëruar shqiptarët. Ne jemi kundër çdo ligji, dhe e keqja e shqiptarëve do të largohet.
Ahmetaj: Jam në pozitë të vështire. Ju kujtoni se jeni kundërshtarët tanë... Nuk jeni ju, janë ato pengesa të zhvillimit që nuk e lejojnë Shqipërinë të bëhet ajo që duam ne dhe ju bashkë. Ju nuk jeni kundërshtarët tanë. Ne duam që ju të bashkëqeverisni me ne nëpërmjet inovacionit për qytetarët, me platforomën.