Draftstatuti i PD, Kulluri: Po mbahet i fshehtë, do na jepet 6 orë para Këshillit Kombëtar

Në një lidhje telefonike për Report Tv, Anëtari i Këshillit Kombëtar të PD, Edvin Kulluri denoncoi mbajtjen të fshehtë të draftstatutit nga kryetari demokrat, Lulzim Basha. Sipas Kullurit, PD ka njoftuar se do prezantojë dokumentin paraditen e të premtes, pak orë para mbledhjes së Këshillit Kombëtar të PD.

Ai thekson se kjo bëhet me qëllim pamundësimin e kundërshtimit të ndryshimeve statutore, të cilat pas prezantimit në Këshillin Kombëtar do i kalojnë Kuvendit në mbledhjen e 27-28 prillit. 

Sot jam infonformuar nga zyra e organizimit të Partisë Demokratike, që nesër paradite do të na njoftohet draft-statuti i ri i propozuar nga kryetari i partisë. Ky nuk është një gjest normal, pasi kjo duhet të kishte ndodhur në mbledhjen e fundit të kryesisë të zhvilluar një javë më parë. Aty nuk u propozua asgje konkrete, veçse disa parimeve të përgjithshme dhe një qepje e panatyrëshme e disa pjesëzave të propozimeve që janë bërë. Po shkojmë drejt një Frankenshtanji po të themi, me një statut Frankenshtajn me copa të ndryshme të cilat nuk kanë lidhje me njëra-tjetrën, çka nuk e bën një dokument serioz këtë të fundit që është edhe shqetësimi i anëtarësisë së partisë së sotme dhe i Këshillit Kombëtar, për të pasur një statut modern i cili t'a nxjerri partinë nga vendimmarrja personale dhe abuzive e kryetarit aktual të partisë.

Edhe anëtarët e këshillit Kombëtar, që janë trupa më e lartë e PD vendimmarrëse midis dy Kongreseve që është organi më i lartë i Kuvendeve, njoftohet vetëm 5-6 orë parambledhjes se cili do jetë statuti i ri, duke mos na lënë kohë as të diskutojmë mbi këtë draft. Po na lënë shumë pak kohë për të bërë një diskutim të nxituar, të papjekur i cili nuk na çon askun, por vetëm çon ujë në interesat personale të z. Basha në krye të partisë.

Edvin Kulluri, Anëtar i Këshillit Kombëtar të PD

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

2 ‘kryetarë’ në burg, Këshilli Bashkiak i Himarës komandon Blerina Balajn si kryebashkiake

2 ‘kryetarë’ në burg, Këshilli Bashkiak i Himarës komandon Blerina Balajn si kryebashkiake