Një ditë pas operacionit blic të RENEA, Policia e Vlorës ka ndërmarrë një tjetër operacion ditën e sotme, me qëllim ndalimin e lojërave të fatit dhe kapjen e personave me precedent penal. Operacioni vijon, ndërsa janë shoqëruar disa persona si dhe janë bllokuar 5 pika lojërash fati.

Një 29 vjeçar i identifikuar si Arlind Dyli është gjetur i pajetë në një banesë dykatëshe të pabanuar në Shkodër në lagjen "Ahmet Haxhija"

Pushuesit në Velipojë janë ngritur në protestë pas vdekjes së një 50-vjeçari pasditen e së shtunës për shkak të një ataku kardiak teksa lahej në det. Ata thonë se shkak i ngjarjes së rëndë u bë vonesa e autoambulancës, por edhe mungesa e rojeve bregdetare.

Kandidati për kreun e PD, Agron Shehaj akuzon partinë se po komprometon procesin zgjedhor duke mos lejuar praninë e vëzhguesve të tij. Madje Shehaj thotë se në disa degë shumë anëtarë të PD janë përjashtuar nga votimi ndërsa në degë të tjera ka votim masiv pa asnjë kontroll. Ndërsa kreu i Komisionit Zgjedhor, Jemin Gjana tha se vëzhguesit e Shehajt nuk përmbushin kriteret.

Pushimet janë kthyer në një tragjedi për një turist nga Kosova. Një person rreth 50-vjeç ka pësuar atak teksa po lahej në det, e për pasojë ka gjetur vdekjen.

Që prej fillimit të operacionit 'Bregdeti ynë' institucionet shtetërore kanë rrafshuar 35 objekte në Ksamil, Sarandë e Velipojë. Ndërkohë në 10 raste kanë qenë vetë ndërtuesit që i kanë shembur objektet pa leje.

Maturantët në të gjithë vendin kanë protestuar për vështirësinë  e provimit të matematikës duke thënë se teza ishte e formuluar gabim dhe me tendencë dhe se një notë e keqe do të penalizojë të ardhmen e tyre. Protesta nisi fillimisht në Tiranë dhe më pas në Korçë, Gjirokastër, Elbasan, Fier, Shkodër, Durrës.

Ministrja Gjonaj dhe partnerët ndërkombëtarë zhvilluan një takim me gjyqtarë dhe prokurorë të gjykatave dhe prokurorive të Rrethit dhe Apelit Shkodër. Gjonaj theksoi rolin e gjyqtarëve në procesin e ndihmës ligjore falas. Ministrja theksoi se ky takim u shërben përpjekjeve dhe angazhimit në përparimin e arritjeve, përparësive dhe objektivave të vendosura për reformën në Drejtësi, por edhe për të bashkërenduar proceset e ndërsjella të punës.

Pesë ditë që nga nisja e operacionit "bregdeti ynë', për prishjen e ndërtimeve pa leje përgjatë vijës bregdetare, Inspektorati Kombëtar i Mbrojtjes së Territorit (IKMT) bën me dije se janë shembur 10 objekte në Velipojë dhe 18 në Ksamil.

Përtej sfidës që po i bën për t’i marrë drejtimin e PD-së, Edith Harxhi ka zgjedhur ta sfidojë Lulzim Bashën edhe në lidhje me vizën e tij në SHBA. Më herët Harxhi tha se SHBA ia ka refuzuar Lulzim Bashës, ndërsa sot nga Malësia e Madhe në prani të demokratëve tha se nëse kjo nuk është e vërtetë, Basha le të dalë dhe ta përgënjeshtrojë.

Ekspertiza ka konfirmuar se ish-shefi i antidrogës në Malin e Zi, Rudolf Elezoviç është vrarë me 1 plumb në kokë para 10 ditësh. Megjithatë mediet malazeze, bëjnë me dije se policia nuk ka gjetur armën me të cilën është vrarë

Kolegji Zgjedhor ka dhënë vendimin për një tjetër qark, rezultati i të cilit është ankimuar nga Partia Demokratike. Gjykata rrëzoi kërkesën e Partisë Demokratike dhe të LSI-së që kërkonin shpalljen të pavlefshme dhe ripërsëritjen e zgjedhjeve në qarkun e Shkodrës dhe të Korçës

Çdo ngarkesë me mish pule apo shpendë të gjallë që vijnë nga Kosova, Maqedonia e Veriut, Mali i Zi dhe Greqia do të bllokohen në kufijtë tokësore. Urdhri i Ministrisë së Bujqësisë per ndalimin e perhapjes se gripit te shpendeve, po zbatohet ne çdo dogane, përveç Portit të Durrësit ku ende nuk ka urdhër për bllokimin e mishit të pulës që vjen nga importi.

Është gjetur trupi i pajetë i ish-shefit shqiptar të anti-drogës në Malin e Zi, Rudolf Dofi Elezoviç. Kjo u konfirmua nga autoritetet malazeze. Anëtarët e policisë kufitare gjetën trupin e pajetë të oficerit të policisë Rudolf Elezović në lumin Buna, zhdukja e të cilit u raportua më 27 maj. Shkaku i vdekjes pritet të përcaktohet nga autopsia, por paraprakisht dyshohet për vetëvrasje

Operacioni 'bregdeti ynë', për prishjen e ndërtimeve pa leje në vijën bregdetare, do të vijojë deri në zhbërjen totale të çdo paligjshmërie. Kështu u shpreh zv.ministri Brendshëm Besfort Lamallar në 'Report TV'. Ai theksoi se ky aksion do të vijojë edhe me gjobitjen e të gjithë zyrtarëve që shkelën detyrën, duke lejuar ndërtimin e objekteve pa leje.

Fabian Vukaj, 55-vjeç, është lënë në burg nga Gjykata e Shkodrës, për vrasjen e motrës së tij, Diana Vukaj, 58-vjeç. Gjyqtarja Irida Kaceri ka pranuar kërkesën e prokurorit Ermir Lelcaj, teksa 55-vjeçari ishte i vetëm në seancë, i braktisur nga familjarët. Shkak për këtë krim të rëndë janë bërë 4 mijë euro që motra i kishte shpenzuar për blerjen e disa mobileve, të cilat autori i kërkonte për veten e tij pasi luante bixhoz.