Lajme nga emisionet

Juristi Ledio Braho e konsideroi një rast suksesi vendimin për dënimin me 2 vite burg të ish-kryeprokurorit Adriatik Llalla. Në një intervistë për Report Tv, Braho shpjegoi procedurën ligjore që ndiqet në rastin e ekzekutimit të vendimit, kur ai ndodhet në Shqipëri dhe jashtë saj. 

Analisti Frrok Çupi tha se dënimi pikërisht i Adriatik Llallës është shumë domethënëse për shkak të postit të lartë që mbante, ku në vend të bënte drejtësi ishte kthyer në një ndërlidhës të krimit e korrupsionit me njerëzit në pushtet.Çupi tha se reforma në drejtësi tregoi se Shqipëria ndodhej në një humnerë të thellë padrejtësie, por sot me pastrimin e drejtësisë, njerëzve po u kthehet besimi.

Zv.ministrja e Shëndetësisë Mira Rakacolli tha se nëse zbatohen masat antiCOVID që janë aktualisht situata e pandemisë do të përmirësohet edhe më shumë, kjo pasi edhe vaksinimi ka ecur mirë. Studentët dhe mësuesit që s’pranojnë të vaksinohen, Rakacolli shtoi se duhet të paraqesin test PCR çdo javë

Kreu i shoqatës së Turizmit, Zak Topuzi është i mendimit se Shqipëria duhet të ndjekë një strategji të re sa i përket turizmit, ku sipas tij duhet të kalojë nga turizmi masiv në atë elitar.

T’u shpjegosh fëmijëve humbjen e personave të dashur  është një nga vështirësitë më të mëdha të prindërve. Pasi i tremben reagimit të tyre dhe nëse do të jenë në gjendje që ta kuptojnë dhe të merren me atë dhimbje, pavarësisht moshës së tyre?

Prindërit shpesh stepen para përgjigjeve që duhet t’i japin fëmijeve të tyre për tema të caktuara, duke bërë që shumë probleme, situata që kanë lidhje me fëmijët t’i shpjegojnë nëpërmjet atyre që ata i kanë quajtur ‘gënjeshtra të bardha’.

Sulmet e ish kryeministrit Sali Berisha sot nga Fieri kundrejt kreut të PD Lulzim Basha, anëtari i Këshillit Kombëtar të PD Roland Bejko i ka cilësuar të frikshme. I ftuar në emisionin Repolitix në Report Tv, Bejko deklaroi se Basha duhet të fillojë të ruhet nga Berisha dhe jo vetëm ai, por kushdo që i del kundër.

Shaip Kamberi, deputeti shqiptar në Serbi e ka quajtur të drejtë vendimin e Kosovës për të mos lejuar automjetet me targa serbe në territorin e saj. Duke folur për 'Report Tv', Kamberi tha se presidenti Aleksandër Vuçiç nuk po zbaton marrëveshjet e nënshkruara mes dy vendeve në Bruksel. Ndërsa i bëri thirrje Uashingtonit zyrtar që të ndërhyjë për t'i ulur palët në bisedime, pasi BE nuk e ka fuqinë që ta detyrojë Serbinë të respektojë marrëveshjet. 

Nga përplasja e Sali Berishës me kryetarin e PD-së Lulzim Bashën, demokratët po dëmtohen dhe debati politik mes tyre, por bëhet vetëm për interesa personale të secilës palë dhe jo në interes të elektoratit të djathtë. Kështu ka deklaruar në Report Tv, Fatbardh Kadilli, i cili nënvizoi se ky është një derbi nga i cili nuk ka përfitim askush e aq më pak demokratët, duke shtuar se të dy janë një barrë për PD-në

"Me PD pa PD, me Berishë pa Berishë, me Lul pa Lul do të ketë gjithmonë opozitë". Ky është thelbi i qëndrimit të një prej personazheve më besnikë të së djathtës shqiptare në këto 30 vite, Dashamir Shehit, për gjithçka po ndodh në PD me përplasjen Basha-Berisha.

Ardhja e vjeshtës na frymëzon shpeshherë që të ndryshojmë  arredimin e shtëpisë duke iu përshtatur edhe ngjyrave të natyrës. 

Minatori Fiqiri Karaji humbi jetën në thellësinë e nëntokës në shkurt të këtij viti, duke lënë pas bashkëshorten dhe 3 vajza. E sot, mes dhimbjes së humbjes së bashkëshortit, gruaja e tij, Fatbardha detyrohet të përballet çdo ditë me mjerimin e varfërinë ekstreme. 'Report Tv' ishte sot në banesën e  kësaj familje që ia dalin me vetëm 35 mijë lekë të vjetra pension që merr vajza e vogël dhe rrogën e Fatbardhës që tregon se ka nisur punë prej një muaji në seleksionimin e kromit.

Në dosjen hetimore mbi skenarin Hollywood-ian të zhdukjes së biznesmenit italian Davide Pecorreli është konstatuar që në makinën e djegur është gjetur një kafkë njeriu, megjithatë, kryebashkiaku, Gjon Gjonaj ka deklaruar se në Pukë nuk ka pasur asnjë varr të cenuar.

Armando Hidi është trajneri personal i cili pasionin  e tij për palestrën e ka kthyer në profesion duke i dhënë sfida vetes për të ndryshuar jetën e shumë njerëzve.

Marrëdhëniet e hapura me SHBA-në e 'detyruan' kreun e Partisë Demokratike, që të përjashtojë Sali Berishën nga grupi parlamentar. Kështu ka deklaruar nënkryetari i PD, Ervin Salianji, i cili thotë se pyetja thelbësore që duhet të ngrihet ndërmjet demokratëve është se 'A duhet të mbajë PD marrëdhënie me SHBA apo jo?.  Salianji tha se ky vendim i Bashës është në interes të demokratëve dhe se nuk kishte zgjidhje tjetër

Deputeti demokrat Flamur Noka tha në ‘5 pyetjet nga Babaramo’ në Report Tv tha se Basha gjatë mbledhjes së kryesisë së grupit parlamentar sot, fyeu  bazën duke i thënë se nuk lejon ‘kongres anti-Amerikan’.