Lajme nga emisionet

Deklarata e sekretares së ish të përndjekurve politikë, Jonila Godole e cila tha se PD duhet të distancohet nga ish-kryeministri Sali Berisha i shpallur “Non Grata” nga SHBA, ka irritur demokratët, një pjesë e të cilëve janë distancuar nga kreu i PD Lulzim Basha. Kështu ka deklaruar në Report Tv ish-nënkryetari i FRPD, Lisandër Hoxha.  

Lënia jashtë çdo organi vendimarrës të Jamarbër Malltezit nga Këshilli Kombëtar i PD, sipas analistit Plator Nesturi është një zgjedhje taktike e ish-kryeministrit Sali Berisha. Kjo nuk është lojë e kryetarit Lulzim Basha por e Berishës nënvizon analisti.

Zëvendësministrja e Shëndetësisë, Eugena Tomini tha se vaksina është e vetmja shpresë për të larguar rastet fatale të vdekjeve si pasojë e COVID-19. Tomini tha se këtë vit skenarët për hapjen e spitaleve janë ndryshe nga 2020, pasi me vijimi i vaksinimit sjellë një situatë më optimiste për të shmangur shtrimet dhe rastet e rënda tek të infektuarit.

Nga

Ermal Qori

Mbi 600 qytetarë afganë po strehohen në Shqipëri, ndërsa 300 prej tyre vijojnë të strehohen në Qytetin Studenti, por nënkryetarja e Bashkisë së Tiranës Anisa Ruseti do të na tregojë detaje se si stafi social i Bashkisë së Tiranës po kujdeset për të rriturit, por kryesisht për fëmijët.

Mjeku Alban Ylli, anëtar i Komitetit Teknik të Ekspertëve, bëri me dije në 'Report Tv' se vendi ndodhet në mes të një vale të re të COVID. Sipas mjekut, niveli i transmetueshmërisë së virusit është shumë i lartë. Ai paralajmëron për një vjeshtë me shumë gjasa të vështirë, teksa thekson se vaksinimi është e vetmja mënyrë për të kontrolluar pandeminë. Sipas mjekut, personat e vaksinuar e kanë riskun e infektimit 30 herë më të ulët se të pavaksinuarit.

Në Këshillin Kombëtar të PD analisti Eduard Zaloshnja thotë se nuk do të ketë asgjë interesante, pasi sipas tij emrat e ekipit të ri të Lulzim Bashës, do të jetë të njëjtët që janë  bërë publike 2 ditë më parë. Për Berishën, Zaloshnja thotë se Basha nuk e ka ndarë mendjen që ta përjashtojë nga grupi parlamentar, pasi nëse do të donte ta bëntë një gjë të tillë do e kishte vendosur në rendin e ditës.

Vaksinimi i detyueshëm, përveç studentëve dhe pedagogëve pritet të aplikohet edhe për disa profesione të tjera. Zv.Drejtori i Institutit të Shëndetit Publik Dritan Ulqinaku thotë për Report Tv, se gjithçka do të varet nga situata epidemiologjike në vend, ndërsa ditët e ardhme pritet rritje e infektimeve.

Zv.ministrja e Shëndetësisë Mira Rakacolli tha se masat anti COVID që janë në fuqi nuk janë respektuar  gjatë sezonit turistik, prandaj janë rritur infektimet. Nëse masat respektohen nuk do të ketë përkeqësim të situatës epidemiologjike dhe as shtrëngim masash në shtator. Për afganët që do të vojnë në vendin tonë, Rakacolli tha se do të ketë kontroll të veçantë

Nga perspektiva e një personi që ka jetuar e punuar me ta, aktivistja Irma Gjinaj tha se rikthimi i talebanëve në pushtet, ka vrarë shpresën për ndryshim te afganët. Në një intervistë për 'Report Tv', Gjinaj theksoi se talebanët janë terroristë që nuk kanë për të ndryshuar dhe se jeta e gruas nën sundimin e tyre është shumë e vështirë. Ajo e quajti absurd debatin për strehimin e disa prej afganëve në vendin tonë, duke theksuar se ata janë njerëz që kanë punuar me ta, e që tani i rrezikohet jeta.

Mjeku epidemiolog Fabian Cenko thotë se vaksinimi është një instrument mbrojtës ndaj COVID, por ne duhet që t’i rikthehemi sërish disa masave bazë për parandalimin e përhapjes së COVID, siç janë distancimi social dhe vendosja e maskave në ambientet e mbyllura dhe publike

Në një intervistë për Report Tv, epidemiologu Ilir Alimehmeti u shpreh se varianti Delta i COVID, është bërë varianti dominant në vendin tonë. Pavarësisht rritjes së numrit të rasteve të infeksioni, shtrimet në spital janë në nivele të ulëta që, sipas epidemiologut, tregon se rastet e rënda të sëmundjes janë të pakta. Ai u shpreh se Delta ka filluar t'i ngjajë gripit sezonal, ku sëmundja zgjat shumë pak.

Godina historike e njohur si “Sarajet”, monument kulture i kategorisë së parë, u përfshi qëllimisht nga flakët për shkak të konflikteve që kanë me njëri tjetrin 18 bashkëpronarët e saj.

Nga data 16 gusht qytetarët e Maqedonisë së Veriut nuk do të lejohen të futen pa certifikatë vaksinimi në bare, restorante, hotele e në të tjera ambiente të mbyllura. Mjeku Egzon Ademi nga Maqedonia e Veriut ka folur për Report Tv dhe tha se certifikata e vaksinimit do të aplikohet edhe për personat që kanë marrë  vetëm një dozë vaksine kundër virusit. Ndërsa theksoi se ky vendim është cilësuar nga qytetarët si diskriminues.

30 vjet pasi së bashku me 20 mijë shqiptarë rrëmbyen anijet e ankoruara në portin e Durrësit për të ndërmarrë një udhëtim të panjohur drejt lirisë, Gerd Kaceli rrëfen në Report TV eksperiencën e tij drejt asaj që ai e quan "prekje të ëndrrës europiane"

Maqedonia e Veriut ka shpallur 30 ditë gjendje emergjence për shkak të flakëve që kanë përfshirë vendin. Në një lidhje për Report Tv, Bekim Maksuti, drejtori i Drejtorisë për Mbrojtje dhe Shpëtim u shpreh se në Maqedoninë e Veriut aktualisht janë 19 vatra aktive zjarri, ndërsa theksoi se vetëm 3 prej tyre janë vatra më kritike.

'Kamikazë' i ka cilësuar zjarrvënësit, Drejtori për Zonat e Mbrojtura Zamir Dedej, i cili theksoi se shumica e vatrave të zjarrit që kanë përfshirë vendin, janë të qëllimshme. Në një lidhje me Skype për 'Report Tv', ndërsa foli për situatën ku është përfshirë vendi, me zjarre nga veriu në jug, Dedej u shpreh se thelbësore për izolimin e flakëve, është ndërhyrja e shpejtë, mungesa e së cilës prodhoi situatë kritike ku gjendet gadishulli i Karaburunit.

Vendi ynë po përfshihet nga temperatura ekstreme , duke u cilësuar nga sinoptikanët edhe si vala e tretë e të nxehtit afrikan. Në një lidhje për Report Tv, meteorologia Lajda Porja zbuloi se temperaturat me të larta janë shënuar në zonën e Fierit dhe Beratit, Gjirokastër, si edhe në zonat malore Kukës e Has.