Lajme nga emisionet

Ultimatumi i ambasadores Yuri Kim ndaj Lulzim Bashës që ish-kryeministri Sali Berisha i shpallur “Non Grata” nga SHBA të mos jetë pjesë e parlamentit të ri në shtator ka qenë temë diskutimi ditën e sotme në emisionin “Pa Protokoll”

Shpëtimtari Bledi Hoxha ka dhënë detaje në Report Tv për shpëtimin e ariut të murrmë në Kukës nga laku. Së bashku me grupin e tij ai zbriti në fshatin Xhaferraj pas njoftimit që morën nga banorët e zonës. I zënë prej tre ditësh në lak, Hoxha u shpreh se ariu ishte i dehidratuar pasi kishe qëndruar pa ujë e pa ushqim.

Avokati Idajet Beqiri i ftuar në Report Tv ka folur për ultimatumin e ambasadores Yuri Kim ndaj kreut të PD Lulzim Basha duke e cilësuar tejet të rëndë që në shekullin e 21 ti drejtohet një partie  shprehja që “të mos hajë bar” për hir të një deputeti, referuar ish-kryeministrit Sali Berisha i cili u shpall “Non Grata” nga DASH.

Efektivët e policisë kaluan çdo kompetencë ligjore të detyrës së tyre me dhunimin e gazetarit! Kështu thotë kreu i Sindikatës së Policisë, Sadedin Fishta, i cili në një intervistë për Report Tv theksoi se veprimet e policisë kërcënuan integritetin e gazetarit dhe të qytetarit

Sezoni turistik është shoqëruar edhe me një lehtësim të masave, por edhe me një ulje të vigjilencës së qytetarëve ndaj rrezikut të COVID-, por ekspertët ngrenë alarmin për një rritje të ndërgjegjësimit. Kjo sepse, sipas zv.ministres së Shëndetësisë, Eugena Tomini në mesin e muajit gusht në masën 90% do të dominojnë qarkullimi i variantit Delta, në të gjithë botën, e për pasojë edhe në vendin tonë.

'60% e popullatës mund të jetë imunizuar nga COVID, kjo është për shkak të vaksinimit masiv'. Kështu pohuan dy mjekët Skënder Brataj dhe Ilir Alimehmeti të ftuar në emisionin 'Repolitix' në Report Tv

Marrëveshjet e arritura në “Ballkanin e Hapur” për qarkullim e lirë në tregun e punës, ër të lehtësuar importin dhe eksportin e mallrave dhe për mobilizimin e të tre vendeve për sa u përket përballimit të katastrofave natyrore, sipas ministres së Bujqësisë Milva Ekonomi do të sjellin përfitime të mëdha në këto fusha

'Basha tregoi arrogancë ndaj nesh dhe vendosi nga Tirana, të afërm të tij, pa marrë parasysh mendimin e degës së Korçës dhe pa pyetur askënd'. Kështu ka deklaruar në Report Tv, Andrea Mano, ish-kryetari i Partisë Demokratike në Korçë, i cili vetëm dy ditë më parë dha dorëheqjen nga ky funksion së bashku me Sekretarin e Përgjithshëm, Devis Osmani dhe 13 anëtarë të Kryesisë. Mano tha se Korça nuk ka pasur përfaqësinë e duhur në zgjedhjet e 25 prillit, duke shtuar se madje u krijuar një përçarje ndërmjet strukturave të PD-së dhe të deleguarve të qarkut.

Deputeti i zgjedhur i Partisë Demokratike, Kreshnik Çollaku ka deklaruar se beteja e opozitës në parlament do të zhvillohet në të gjitha frontet, por në mënyrë paqësore. Ai nuk e përjashtoi mundësinë për protesta në rrugë, mirëpo kjo si një formë paqësore tha ai, duke theksuar që synimi nuk është rrëzimi i qeverisë Rama, por sipas tij, shkatërrimi i fenomenit kur “pushteti është i kapur nga krimi”.

Dorëheqjet e kryetarit të PD në Korçë Andrea Mano, Sekretarit të Përgjithshëm, Devis Osmani dhe 13 anëtarëve të kryesisë sipas anëtarit të Këshillit të PD Fatbardh Kadalli kanë ardhur pasi nuk kanë marrë mirënjohje për punën që kanë bërë. 

Peshëngritësi shqiptar Briken Calja arriti një sukses historik ditën e sotme duke u renditur në vendin e katërt teksa ishte vetëm 1kg larg podiumit për medalje. Në një lidhje për Report Tv, Gerald Toska, trajneri i sportistit u shpreh se Calja ishte në formë fizike shumë të mirë, por u penalizua nga dështimi i provës së parë me 151 kg që nuk e ngriti dot.

Ambientalisti Lavdosh Ferruni tha në Report Tv se rasti është një rrezik ekstrem dhe se me djegien e plastikës prodhohen disa nga helmet  më të rrezikshme në planet siç janë dioksina dhe furana, të cilat janë kancerogjene. Ferruni tha se banorët duhet të largohen nga vendbanimet, dhe të mbyllen dyert dhe dritaret. Ferruni tha se duhet të bëhet mbulimi me dhe, dhe kjo është masa më e mirë

Gjykata e Posaçme rrëzon kërkesën e SPAK për për rihapje të hetimeve për çështjen e shpërthimit të Gërdecit dhe ish-ministri Fatmir Mediu nuk do rihetohet.

Raporti final i OSBE/ODIHR vlerësoi institucionin e Komisonit Qendror të Zgjedhjeve si një nga institucionet i cili ka mbikqyrur shumë mirë procesin e zgjedhjeve dhe në mënyrë transparente

17 vite nga humbja e Artur Carës nga Elbasani mbërrin dëshmia e parë në emisionin ’Pa Gjurmë’ në Report TV. Asokohe një 9-vjecar, Arturi u zhduk nga tregu i qytetit, ndërsa shiste qese plastike bashkë me të vëllanë e tij më të madh Blerimin. 

I gjithë sektori i prodhimit në vend po përballet me mungesë të fuqisë punëtore të kualifikuar. Sekretari i shoqatës së prodhuesve Arben Shkodra në një intervistë për Report TV është shprehur se ka mungesë punonjësish të kualifikuar më treg, dhe shkak për këtë është edhe arsimi

Shefi i shërbimit të Mikrobilogjisë, Andi Koraqi ka hedhur poshtë mundësinë që të ketë një mbyllje totale të vendit, si në vjeshtë e kaluar për shkak të variantit të ri Delta, edhe pse shprehet i bindur se në shtator do të ketë një rritje drastike.

'Çdo gjë po shkonte shumë bukur, disa nga personat që humbën jetën po kërcenin e po dëfrenin nga gëzimi i madh, deri në momentin fatal të aksidentit'. Kështu e përshkruan Ilirjan Hoti, një nga të mbijetuarit e aksidentit në Kroaci, rrugëtimin me autobus nga Gjermania deri në momentin e aksidentit tragjik, ku ai me pikëllim kujton ndodhinë e rëndë