Lajme nga emisionet

Ish-deputeti Myslim Murrizi thotë se vendosja e Lindita Nikollës në krye të Kuvendit të Shqipërisë është për shkak të një pazari midis kryeministrit Edi Rama dhe kryetarit të PD-së Lulzim Bashës

Pamjet që u sollën sot nga Pogradeci, ku nga një furgon zbritën dhjetëra emigrantë nga vendet e treta, për drejtorin e Departamentit për Kufirin dhe Migracionin, Eduart Merkaj janë pjesë e një operacioni të policisë të mirë strukturuar, por që cedoi në fund të saj, e megjithatë për Report Tv ai dha lajmin se janë kapur të gjithë, përfshirë edhe shoferin. Nga ana tjetër, në vendin tonë, që nga 1 qershori deri më tani kanë hyrë mbi 4 mln shtetas, tha drejtori i Kufirit, kjo e ndikuar edhe nga fakti që gjatë verës vendi ynë nuk ka pasur masa anti-COVID në kufi.

Secili prej të moshuarve në "Qendrën e të moshuarve Poliçan" ka një histori për të rrëfyer nga jetët e tyre, ndërsa dikush është braktisur nga fëmijët, e dikush tjetër ka mbetur i vetëm në këtë jetë. Por një histori e rrallë, që vjen në emisionin ’Pa Gjurmë’ në Report TV, ndryshe nga të tjerat është edhe ajo e një të moshuare pa identitet.

Një tjetër çift shqiptar denoncohet të zhdukur në emisionin ’Pa Gjurmë’ në Report TV. Cifti Agim dhe Xhevrie Binçe 75 dhe 73 vjec rezultojnë të humbur që prej tetorit të vitit 2018. Një histori që mbart brenda një mister, sikundër ishte edhe rasti i çiftit nga Vlora Shpëtim dhe Teuta Pasho, që u denoncuan në Report Tv, por fatkeqësisht u gjetën të masakruar në Itali, trupat e të cilëve ishin vendosur të copëtuar në katër valixhe. 

"Heshtja" e kreut të PD Lulzim Basha ndaj urdhrit të SHBA për të përjashtuar nga grupi parlamentar i PD ish-kryeministrin Sali Berisha të shpallur "Non Grata" nga DASH, nënkupton se ky i fundit nuk e ka guximin ta bëjë një gjë të tillë. Ish-deputeti Myslim Murrizi, tha se e vetmja zgjidhje për Bashën pas "presionit" të Berishës, është që të japë dorëheqjen nga drejtimi i partisë.

Anëtari i Këshillit Kombëtar të PD-së, Roland Bejko, i cili është edhe këshilltar i kreut të PDsë për pushtetin vendor, Bejko thotë që në të gjithë këtë situatë PD rrezikon të ndahet në dysh. Në 'Sot live në Shqipëri' në Report Tv ai analizoi të gjithë situatën ku ndodhet sot Partia Demokratike dhe politika në vend. 

Nga

Arsen Rusta

Trafiku në Tiranë vijon të jetë një problematikë e theksuar, ku qytetareve u duhen me orë të tëra jo vetëm për të hyrë në kryeqytet, por edhe për të lëvizur brenda tij duke shkaktuar kaos, zhurmë dhe bori pafund nga humbja e durimit duke qëndruar me orë të tera në rrugë. Nga Kthesa e Kamzës në drejtim të zonës së Astirit, qytetarët janë të detyruar të presin me radhë të gjata për të hyrë në drejtim të Tiranës.

Komiteti Teknik i Vaksinimit në vendin tonë po diskuton mbi mundësinë e vaksinimit të fëmijëve mbi 12 vjeç si dhe për marrjen e dozës së tretë të vaksinës. Kështu bëri me dije në një intervistë për Report Tv, në emisionin '5 Pyetje nga Babaramo', zëvendës ministrja e Shëndetësisë Mira Rakacolli.

Minuta të tëra ankthi dhe emocionesh në studion e “Pa Gjurmë”, sollën shpresë se ishim shumë pranë gjurmëve të 80-vjeçarit të humbur. 

Zv.ministrja e Shëndetësisë, Eugena Tomini tha se janë 10 kompani në vend që kanë pasur aftësitë dhe kapacitetet për të plotësuar kriteret dhe indikatorët që duhen respektuar për të bërë një test PCR apo një test të shpejtë.  Në lidhje me çmimet e testit të shpejtë, Tomini tha se çmimet janë të vendosura nga strukturat jopublike në bazë të legjislacionit në fuqi dhe rregullores së licencimit të tyre.

Startoi këtë mesditë emisioni “Pa Gjurmë”, i cili do të transmetohet në ekranin e Report Televizion çdo ditë nga e hëna në të premte, nga ora 14:00 në 15:30, me shumë raste dhe surpriza. 

Në një kohë që varianti MU ka përhapur frikë se do të përsëritet një skenar i ngjashëm me DELTA,  epidemiologu Ilir Alimehmeti ka “qetësuar” qytetarët, duke thënë se e gjitha është një alarm fals dhe për këtë ka dhënë argumente shkencore.  Ai këmbëngulë që masat e reja duhet të bazohen mbi shtrimet në spitale dhe jo rastet e reja. Alimehmeti thotë se testi i shpejtë po kthehet në një taks, më tepër se një mjet që mbron shëndetin, prandaj vë theksin që duhet një organizim më të mirë. 

Analisti Frrok Çupi tha në Report Tv se Berisha nuk duhet të lejohet të hyjë në parlament pasi në të kundërt do të njollosë PD edhe më shumë dhe do të turpërojë të gjithë kombin shqiptar. Çupi foli edhe për bashkëpunim PS-PD, në çështje me rëndësi si nisma "Ballkani i Hapur" në mënyrë që të mos lejojnë përçarjen e popullsisë nga liderë marksistë të Kosovës.

Kryeministri Edi Rama prezantoi një ditë më parë kabinetin e ri qeveritar, ku pati të konfirmuar, por edhe emra të rinj, ndërsa për Etjen Xhafajn, pati pakënaqësi mes socialistëve në ndarjen e detyrave, por shton se kjo është një gjë normale. Në studion e "Report Tv", ai u shpreh se pas asamblesë së djeshme, fryma është pozitive, ndërsa theksoi se partia është një garë mes individësh, ku të gjithë duan të rreshtohen në fushë.

12 gra e 5 burra do të jenë anëtarët e rinj të qeverisë “Rama 3”, siç bëri me dije dje kryeministri Edi Rama gjatë prezantimit të emrave në Asamblenë e PS. Për aktivisten Brizida Gjikondi ky është një tregues emancipimi dhe ditë e shënuar për gratë në historinë e tyre.

Numri i pacientëve me COVID të shtruar në spital në Kosovë ka shkuar në 1250 dhe sipas Valbon Krasniqit, drejtor i Shërbimeve spitalore Kosovë, ky është numri më i lartë që prej fillimit të pandemisë. Për 'Report Tv' ai u shpreh se situata në spitale është e rënduar dhe se numri i lartë i infektimeve në një kohë të shkurtër, ka rënduar sistemin.