Lajme nga emisionet

Ish kreu i SHISH, Fatos Klosi tha se vendimi i SHBA është i kopsitur dhe se provat për akuzat ekzistojnë, pastaj është në dorë të drejtësisë shqiptare se si do të reagojë për rastin. Ai tha se SHBA bëri hapin e parë që në Shqipëri nuk e bënte dot. Ndërsa Ibsen Elezi tha se Berisha vetë nuk ka për të shkuar në Kuvend në shtator për të pranuar mandatin e deputetit pasi do të japë dorëheqjen dhe do të përballet me akuzat.

'Berisha me aktet e tij korruptive ka minuar demokracinë' për analistin Frrok Çupi është një nga definicionet dhe përcaktimet më të forta që është bërë deri më sot për çdo tiran të botës. Çupi tha për Report Tv se po të mos ishte SHBA në krahun e Shqipërisë, dinastisë së korruptuar Berisha nuk do i jepej dot fund.

Prej 9 muajsh nuk kanë asnjë kontakt me mbesën 2 vjeçe e gjysëm, Ajla Dode. Halla e saj Irma Koçi iu drejtua emisionit ’Pa Gjurmë’ për t’i bërë thirrje publike ish-kunatës, Jonida Dode. Që ditën kur 25-vjecarja u largua përgjithnjë nga shtëpia e ish-bashkëshortit ka bllokuar komunikimin me babain e fëmijës, duke mos lejuar që ai të takohet me të bijën.

Një histori 'horror' erdhi e rrëfyer, nga një 34-vjeçare nga Korça. Pasditen e kësaj të mërkure, në emisionin 'Pa Gjurmë' në Report TV Suela Broshka, nënë e një vajze të mitur, mori guximin të denoncojë tutoren e saj, që e detyroi të përfundonte në rrugët e Lamia-s në Greqi, si punonjëse seksi.

Vendimi i KAS për rrëzim të ankimit të PD dhe LSI për rivotim në qarkun e Gjirokastrës është konsideruar i drejtë nga anëtari i Komisionit Rregullator Dritan Caka. Caka tha në një intervistë për Report Tv se e quan këtë një vendim të drejtë duke iu referuar provave të paraqitura nga palët për këtë qark.

Bino sqaron se dozat e vaksinës kineze nuk kanë mbaruar, por janë të pamjaftueshme për të kryer vaksinimin e të gjithë qytetarëve që kanë marrë tashmë dozën e parë. Sipas Binos strategjia e ndjekur është vaksinimi i sa më shumë qytetarëve me dozën e parë, duke theksuar se shtyrja e marrjes së dozës së dytë, jo vetëm që nuk përbën problem për qytetarët, por rrit edhe antitrupat.

A mund të shohim një park arkeologjik siç ka qenë në periudhën e lulëzimit të qytetit? Regjisori Oltjon Llalla në në intervistë në emisionin “Rreze Dielli” shpjegon me fakte disa nga skicat e arkeologëve në një rindërtim tredimensional duke i kthyer këto skica në një guidë për turistët nëpërmjet një  aplikacioni në telefon.

Anëtari I PD dhe pjesë e grupit "Për PD" që kërkon largimin e Bashës, Arben Imami nuk ka kursyer akuzat për Jemin Gjanën i vendosur si kryetar i Komisionit të Zgjedhjeve në PD për garën për kreun e partisë më 13 qershor. Imami tha se ai është i njëanshëm dhe se nuk duhet të ishte në krye të këtij komisioni, pasi kjo tregon qartë se komisioni është i kapur nga Basha dhe dihet se si do të shkojë gara, ndërsa shtoi se në ngritjen e komisionit duhet të merrnin pjesë të gjitha palët dhe të jepnin propozimet e tyre për anëtarët.

Klodiana Spahiu, deputete e PS në Durrës, tha se humbësi në zgjedhje duhet ta kërkojë fajin nga vetja. Në një intervistë për Report Tv, Spahiu tha se çdo forcë politike që ka humbur duhet të bëjë një analizë të vetën në mënyrë që të kuptojë se ku ka çaluar, pasi fajin nuk mund ta kërkojë te kundërshtari.

Nga

Ermal Qori

Mungesën e Presidentit Meta në Komisionin Hetimor, deputeti socialist Xhemal Qefalia e quan  antikushtetuese. Sipas tij Meta i duhet me tepër opozitës si lider se sa si President. Në një intervistë për Report Tv deputeti socialist flet për kongresin e PS më 12 qershor por edhe për zgjedhjet në PD.

Vaksinimi masiv ka sjellë efekte pozitive për sa i përket uljes së rasteve të reja të qytetarëve të infektuar me Covid në vendin tonë. Kështu deklaroi në një intervistë për Report Tv mjeku infeksionist Pëllumb Pipero i cili e konsideroi fushatën e vaksinimit masiv në vend një histori suksesi

Prej 2 muajsh rezultonte i humbur falë ’Pa Gjurmë’ gjendet në një burg të Gjenevës Irid Kola. 28-vjeçari nga Elbasani u ndalua nga policia zviceriane, një ditë pasi foli në telefon me familjarët, më 22 mars të këtij viti. 

Në një intervistë në emisionin “Rreze Dielli” farmacistja Erina Hilaj tregoi mënyrat se si mund të zbulojmë kolesterolin në organizëm dhe mënyrat për të përmirësuar nivelin e tij me dieta dhe suplemente të ndryshme.

Vendimi për të shkuar në zgjedhje të parakohshme për të zgjedhur kryetarin e ri të Partisë Demokratike, është një vendim i pakonsultuar dhe që qartazi duket se ka një tentativë për manipulim. Kështu është shprehur i ftuar në emisionin '5 Pyetjet nga Babaramo' në Report Tv, kryetari i Këshillit Kombëtar në PD, Bujar Nishani

Anëtari i Kryesisë së Partisë Demokratike, Fatbardh Kadilli tha se problemi me Lulzim Bashën në 8 vite drejtim në krye të PD i solli asaj vetëm humbje duke u kthyer në një person të pabesueshme që ka fytyrën e humbjes dhe jo shpresës për një qeverisje më të mirë. Në lidhje me zgjedhjet për kryetarin e ri të PD më 13 qershor, Kadilli tha se ka një asimetri të madhe pasi Basha ka një makineri elektorale në dispozicion dhe këtë e bënë atë të pabarabartë përpara kandidatëve të tjerë.