Kronikë

Nga

Keti Banushi

Report TV mëson detaje nga dëshmia e ish ministrit të Financave dhe Ekonomisë, Arben Ahmetaj dje në SPAK. Mësohet se ka sqaruar për prokuroren Enkeleda Millonai pozicionin e tij për incineratorin e Fierit dhe të Elbasanit. Sipas Ahmetajt Zoto nuk ka patur vilë në Hamallaj që tia falte Ahmetajt dhe s’kishte pse ia falte pasi ai s’ka patuar asnjë rol vendimmarrës për inceneratoret.

Dy persona janë vënë në pranga nga policia e Beratit, pasi hynë me makinë në oborrin e një shkolle publike, gjatë pasdites, si dhe kundërshtuan me dhunë, punonjësit e Policisë që ndërhynë për t’i larguar.

Me Safet Gjicin e shkarkuar pas skandalit seksual në zyrën e tij, Këshilli Bashkiak i Kukësit zhvilloi mbledhjen e parë. Kreu i këshillit kërkoi ndjesë për një ngjarje që sipas tij kuksianët nuk e meritojnë. Por një këshilltar i koalicionit “Bashkë Fitojmë” kërkoi që e zgjedhje të mbahen edhe për këshillin.

Një targë CD e vjedhur disa ditë më parë në rrugën "Skënderbeg", njohur si Rruga e Ambasadave në Tiranë ka ngritur në këmbë Policinë e Tiranës.

Dy persona janë vënë në pranga nga policia e Tiranës, pasi në bashkëpunim me njëri-tjetrin shisnin kokainë dhe kanabis në zona të ndryshme të Tiranës.

 Një 62-vjeçar është vënë në pranga në Dibër për kultivim kanabisi. Bëhet fjalë për 62-vjeçarin Arif Bodini i cili në momentin që u arrestua ishte duke vaditur bimët.

Një tjetër rast dhune brenda familjes është regjistruar sot në qytetin e Korçës. Sipas burimeve nga policia bëhet e ditur se djali ka qëlluar në kokë babanë e tij. Si pasojë e plagëve të marra babai është transportuar në Tiranë për mjekim të specializuar.

Policia Kufitare e Durrësit iu ka ardhur në ndihmë katër turistëve italianë, të cilët kishin ngecur në det. Ata kanë qenë duke udhëtuar me një velierë dhe në drejtim të Korfuzit dhe u përplasën me një masiv rëre.

Dy ditë pas aksidentit të rëndë në Durrës, ku humbi jetën 22-vjeçarja Erisa Aliaj, sërish një tjetër aksident. Për rastësi, aksidenti i ditës së sotme u regjistrua në të njëjtin vend ku humbi jetën 22-vjeçarja Aliaj.

Një fushatë mashtrimi po ndodh në rrjet së fundmi ku në adresat elektronike të qytetarëve dhe bizneseve po mbërrijnë email-e me emrin e Neritan Nallbatit, kreut të policisë kriminale dhe drejtuesve të tjerë. Nëpërmjet një deklarate zyrtare të shpërndarë së fundmi, policia ka bërë thirrje që qytetarët dhe bizneset të mos bien pre e këtyre mashtrimeve kompjuterike.

Një 42 vjeçar në Mat është arrestuar nga policia pasi ishte arratisur nga banesa e tij pasi gjykata i ndryshoi masën e sigurisë nga ‘arrest shtëpiak’ në ‘arrest me burg’.

Sot Gjykata e Posaçme kundër Korrupsionit dhe Krimit të Organizuar ka shtyrë sërish seancën ndaj të pandehurve për aferën e incenratorit të Elbasanit me kërkesë të mbrotjes.

Gjykata e Vlorës  ka caktuar masën e sigurisë “arrest me burg” për Brikel Alikaj, i arrestuar dy ditë më parë nga policia e Vlorës pas konfliktit në spitalin e Vlorës. Brikel Alikaj ka kundërshtuar forcat e policisë pas një rasti të paprecedentë në spitalin rajonal. 

Një 55-vjeçar është vënë në pranga nga policia e Krujës, pasi tentoi të kultivonte bimë narkotik ne disa ambiente të përshtatura, të cilat ishin furnizoheshin me lidhje të paligjshme të energjisë elektrike.

Prokuroria e Tiranës ka kërkuar burg përjetë për autorin e vrasjes së Kudret Saliajt në qershor të 2021, Mexhit Picari dhe 35 vite për Dhurata Picarin. Baba e bijë akuzohen se vranë para Gjykatës së Tiranës 41-vjeçarin Kudret Saliaj, babai i tre fëmijëve të mitur.