Kronikë

Maren Hoxha, 27-vjeç është arrestuar ditën e sotme nga blutë e kryeqytetit pasi ishte i shpallur në këkrim, si një nga autorët e plagosjes së 40-vjeçarit Eder Dorzi në një lokal në ish-bllok.

Kanë qenë të shumta edhe sot reagimet, të cilat dënojnë dhunën fizike për shkak të detyrës ndaj gazetarit të Report Tv,  Elvis Hila dhe bashkëshortes së tij.

5 persona janë shoqëruar nga Policia e Shkodrës në kuadër të operacionit "Fijet", pas heqjes së 38 kamerave të tjera të sigurisë në 3 lagje të qytetit.

Dëshmia mbështet nga ish- sekretarja e Aldo Bumçit dhënë para prokurorëve, e cila pranon se Shkëlzeni ka shkuar në zyrë e më pas Aldo ka percjellë porosinë për tek zyra privat e e Shkëlzenit brenda Ministrisë së Mbrojtjes.  Faksi është sekuestruar nga Prokuroria në materialet e gjetura pas tragjedisë në Ministrinë e Mbrojtjes.

Është djegur një makinë gjatë natës në Vlorë, në lagjen 24 maji.  Ende nuk dihen rrethanat.

Në të njëjtën kohë kur Sali Berisha kishte bllokuar foltoren e Kuvendit dhe seanca plenare ishte kthyer në kaos (Duke tërhequr vëmendjen), djali i tij Shkëlzeni u paraqit për herë të parë sot para prokurorëve të SPAK për të dhënë per 1 ore e 30 minuta përgjigje për lidhjen e tij me tragjedinë e Gërdecit, ku humbën jetën 26 qytetarë të pafajshëm.

Xheme Kamishaj, 53-vjeç është arrestuar ditën e sotme në Qafë Morinë pasi ishte shpallur në kërkim ndërkombëtar nga autoritetet gjermane.

Është caktuar masa "arrest me burg" për Fredi Krasniqin, i cili u arrestua pasi u kap me ‘shtëpi bari’ në Durrës. Gazetari i Report Tv, Aldo Mustafa ka siguruar dëshminë e 46-vjeçarit gjatë marrjes në pyetje. Mësohet se Krasniqi ka mohuar se armët dhe kanabisin e kultivonte për llogari të grupeve kriminale.

Prej 2 ditësh, familjarët kanë humbur kontaktet me një 78-vjeçar Nasi Xhoxhi që kishte dalë nga shtëpia për peshkim. Teksa kanë nisur kërkimet, dyshohet se 78-vjeçari mund të jetë mbytur në det, në plazhin e Semanit.

Është arrestuar ditën e sotme në Dibër, Uillson Tançi,  45-vjeç pasi ishte i shpallur në kërkim.

Autoritetet italiane në bashkëpunim me ato shqiptare, në koordinim me EUROJUST kanë arritur të shkatërrojnë rrjetin e bandës së trafikut të drogës, të drejtuar nga 3 shqiptarë.  43 urdhër-arreste në të dyja vendet dhe 5 milionë euro të sekuestruara ka qenë bilanci i operacionit antidrogë të bandave italo-shqiptare në Bergamo.

Situata nga moti i keq në Shkodër është përkeqësuar pasi është dyfishuar niveli i shkarkimit nga Vau i Dejes. Nga 15 banesa që ishin me prezencë uji një ditë më parë, sot 30 banesa janë nën ujë. Ndërkohë, sipërfaqja e tokës së përmbytur është rritur nga 1320 ha në 1400 ha. Situata në Lezhë është përmirësuar që prej ditës së djeshme.