Kronikë

Organizata për mbrojtjen e kafshëve të Selanikut “Noiazoami” ka bërë publike një video që tronditi rrjetin, pamjet e të cilave shfaqin një burrë, i cili afrohet pranë një pallati dhe vret një mace të vogël 1.5 muajshe duke e shkelur më këmbë.

Zjarre të përmasave të mëdha kanë prekur pasditen e djeshme zonën e Kaninës, Tragjasës, Dukatit e Zvërnecit. Policia e Vlorës ka arrestuar autorin e 2 zjarreve në Tragjas dhe Dukat, në banesën e piromanit është gjetur një armë zjarri me fishek në fole.

Një aksident me pasojë vdekjen ka ndodhur në orët e para të mëngjesit të sotëm në aksin rrugor Mamurras-Milot. Dyshohet se një grua ka tentuar të kalojë autostradën ndërsa një automjet e ka përplasur për vdekje.

Kryeministri Edi Rama është shprehur se arsyeja kryesore përse kanë shkarkuar Gledis Nanon, ishte sepse Policia gjatë drejtimit të tij nuk kishte asnjë përgjigje se çfarë po ndodhte me fatin e një prej personazheve më të njohur në botën e krimit, Ervis Martinaj.

Shqipëria është drejt përfundimit të marrëveshjes për të marrë 6 dronë  ‘Bayraktar’ nga Turqia. Kjo ka qenë edhe motivi i vizitës së fundit të delegacionit shqiptar në Ankara, ka thënë kryeministri Edi Rama në një intervistë televizive, teksa ka theksuar se ato do të përdoren për qëllime civile, ku dhe renditi disa prej tyre.

Nëna e të riut, Erjon Xhenje, i cili u ekzekutua mbrëmjen e 18 shtatorit ka kërkuar mbrojtje nga shteti pasi thotë se familja e saj është e pambrojtur. Ajo shprehet se djali i saj, vetëm 19-vjeç, ishte “i kulluar”, por gabimi i tij i vetëm ishte fakti që kishte kushërinj me precedent penal. Në një reagim, pak minuta pasi u zbulua që autori i vrasjes së djalit të saj ishte Bajram Çekorja, e ëma thotë se drejtësia duhet të vihet në vend.

Policia greke duket se është drejt identifikimit të kufomës së dekompozuar, i zbuluar më 19 shtator në një fushë në fshatin Mouriki të Tebës në Greqi, pas gërmimeve të ekskavatorit që po kryente punime për të vendosur një tubacion nëntokësor.

Zbardhet vrasja e 19-vjeçarit, Erjon Xhenje në Shkodër. Autor është 24-vjeçari, Bajram Çekorja, djali i Ismet Çekorjes, të ekzekutuar në 2 shtator. Pista kryesore e hetimeve, hakmarrja. Bajram Çekorja vijon të jetë në kërkim si i përfshirë në një tjetër atentat.

Nga

Arsen Rusta

Që prej muajit korrik në SHBA ka mbërritur letërporosia për marrjen në pyetje të Efraim Diverolin, trafikantit të armëve nga Kalifornia. Përgjigje nuk ka ende, por kjo do jetë një dëshmi e rëndësishme për të vijuar hetimet për dosjen ‘Gërdeci’.

Gjykata e Sarandës ka vendosur ndjekje në gjendje të lirë nëpërmjet garancisë pasurore prej 1.5 milion lekë të reja për Saimir Kushovën, pronarin e Saranda Diving Center. Ai u vu në pranga pas mbytjes së turistes 29-vjeçare Rebecca Gannon.

Zyrtarë të lartë të NATO-s u takuan me ministrin shqiptar të Mbrojtjes Niko Peleshi në Tiranë të mërkurën (21 shtator 2022) për të vlerësuar sulmin e fundit kibernetik ndaj infrastrukturës kombëtare të informacionit të Shqipërisë dhe për të diskutuar mbështetjen e mëtejshme të NATO-s.

Një zjarr i madh ka rënë në kodrat e fshatit Zvërnec, i cili ka djegur një sipërfaqe ullinj. Era po favorizon përhapjen e flakëve, po ashtu edhe terreni i vështirë. Dyshohet për zjarrvënie të qëllimshme.

1 apartament dhe 5 sipërfaqe toke, në pronësi të Emiljan Shegës, i arrestuar dhe i dënuar si pjesë e një grupi kriminal që trafikoi drejt Mbretërisë së Bashkuar lëndë narkotike me vlerë 10 milion paund, do t’i kalojnë përfundimisht shtetit. 

Një zjarr ka prekur kodrën e Margëllicit në Fier. Siç duet edhe nga pamjet e siguruara nga Report Tv, terreni i vështirë e bën të pamundur ndërhyrjen e zjarrfikësve.

Një i ri shqiptar në Itali, 23-vjeçari  Emanuel Rroku humbi jetën pasi qëllua me armë zjarri gjatë një sherri mes shqiptarësh në Turbigo në periferi të Milanos më 17 shtator.

Një banesë në kryqytet në rrugën " Thoma Koxhaj ", në pronësi të një 29-vjeçarit Emiljano Hysenbelli ishte kthyer në një qendër ku ushtrohej aktiviteti i paligjshëm i prostitucionit.