Kronikë

Një 32-vjeçar në Laç po shkonte në shtëpi me automjet kur u kërcënua me armë nga disa persona që lëviznin në drejtim të kundërt me të.

Një shpërthim me eksploziv ka ndodhur mbrëmjen e sotme në Sarandë në zonën e Kanalit të Çukës. Shpërthimi ka ndodhur në katin e parë të hotel 'Dea', i cili ndodhet në lagjen nr.1, Sarandë.

Dy vëllezër të mitur, kanë mbetur të plagosur dhe kanë përfunduar në spital, pasi janë goditur me thikë nga 43-vjeçari Ibrahim Duda, i cili është shpallur në kërkim. Ngjarja ka ndodhur në lagjen nr.4 në Sarandë.

Pas një konflikti për motive pronësie, Emërli Murtati ka plagosur me armë zjarri në këmbë fqinjin e tij Festim Axhami në fshatin Shtiqen të Kukësit.

Një 18-vjeçare është larguar nga shtëpia në Tiranë një ditë më parë. Nëna e saj ka denoncuar në policia se është larguar vajza 18 vjeç, e identifikuar me inicialet M. L..

Një 31-vjeçar është proceduar penalisht nga policia e Tiranës, pasi akuzohet se ka përndjekur dy vajza të mitura

Një 30-vjeçar ka rënë në pranga pasi përmes mashtrimit ka përfituar shuma të ndryshme parash. Vetëm nga një qytetare, 30-vjeçari Qerim Krasniqi, me origjinë nga Kosova, ka përfituar 135 mijë euro. Krasniqi i ka kërkuar 135 mijë euro boxh me pretendimin e se do hapte një Call center.

Arben Kupi, 53 vjeç, është prangosur nga policia e Durrësit dhe tanimë do të vuajë dënimin e marrë në formë të prerë nga Apeli i Tiranës për mashtrim. Ai është dënuar pasi i shiste qytetarë të ndryshëm apartamente, të cilët më parë ishin shitur.

Një këmbësor ka ndërruar jetë në Maliq si pasojë e një aksidenti. Drejtuesi i mjetit tip ‘Benz’ ka përplasur këmbësorin L. T., banues në fshatin Rëmbec, Maliq. Ai është dërguar në spital por nuk ia ka mbijetuar dot plagëve të marra.

Një 45-vjeçar ka ndërruar jetë si pasojë e një aksidenti rrugor në Shkozë. 45-vjeçari udhëtonte me një motor, por është përplasur nga autobusi i linjës së Shkozës, i cili drejtohej nga 60-vjeçari, H.T.

Nga

Arsen Rusta

Prej kohësh është folur që në Shqipëri konsumohet drogë sintetike “bonzai” e cila sipas toksikologëve dhe ekspertëve konsiderohet më vdekjeprurëse. Por për herë të parë kjo lloj droge është sekuestruar në qytetin e Korçës aty ku u godit grupi prej 100 trafikantësh. Për këtë drogë ka reaguar edhe Prokuroria e Përgjithshme duke e konsideruar si më të rrezikshmen.

Një 31-vjeçar ka rënë në prangat e policisë, pasi organizonte lojëra fati të paligjshme. 31-vjeçari kishte përshtatur në lokalin e tij organizmin e lojërave të fatit.

Një 20-vjeçar shqiptar ka rënë në prangat e policisë italiane pasi iu kapën 21 gramë kokainë. Mediat vendase raportojnë se 20-vjeçari e kishte fshehur kokainën në çorape. Shqiptarit iu zbulua droga pas një kontrolli të policisë italianë në shtëpinë e 20-vjeçarit.

Policia e shtetit ka bërë bilancin 1-javor për operacionet e zhvilluara në të gjithë vendin  për kapjen e personave që qarkullojnë me armë zjarri, atyre që janë të shpallur në kërkim kombëtar dhe ndërkombëtar, për parandalimin e kultivimit dhe trafikimit të lëndëve narkotike.

Ndodh edhe kështu. Në Tiranë një pronar i një makine luksoze Lamborghini është gjobitur nga policia me 40 mijë lekë pasi nuk kishte paguar siguracionin e mjetit. Papërgjegjshëmria arrin deri aty sa të blesh një makinë qindra milionë dhe të mos denjosh t’i paguash një siguracion rreth 200 euro.

Një aksident i rëndë është regjistruar mbrëmjen e kësaj të shtune, ku mbeti pa shenja jete një 50-vjeçar, pasi u përplas nga një automjet në rrugën nacionale Korçë-Devoll.  Ngjarja ndodhi në vendin e quajtur “Ura e Progit”.

Banda e drogës “Mantaqa”, ka trafikuar rreth 70 kg kanabis midis janarit dhe shkurtit nga Shqipëria në Finlandë me postë nëpërmjet Spanjës.

Nga

Sokol Dema

Trafikantët e kultivimit të kanabisit kanë ndryshuar strategji këtë vit, duke e fokusuar aktivtetin e tyre të paligjshëm në shtëpitë e barit. Jo pak por 19 shtëpi bari ka zbuluar policia që nga fillimi i këtij viti, ku poseduesit kishin investuar mijëra euro. Në qarkun e Durrësit, janë zbuluar rastet më të shumta, por në Tiranë një shtëpi bari u gjet në mes të qytetit.