Kronikë

Grupet kriminale ballkanike në vende të tilla si Kolumbia dhe Ekuadori, thuhet në një raport të Kombeve të Bashkuara për Krimin e Organizuar, kërkojnë të kenë prezencë në qytete ku grupet e mëdha kriminale kanë kontrollin.

Kanë mjaftuar vetëm 24 orë për të identifikuar autorin e vendosjes së lëndës plasëse në derën e shtëpisë së presidentit të FSHF Armand Duka. Policia ka arrestuar gjatë mbrëmjes së sotme 34-vjeçarin Arlen Hasanaj, pronar i një biznesi privat në qytetin e Durrësit, më konkretisht i kompanisë 'Euroshop Durrës', që operon në fushën e magazinimit të prodhimeve blegtorale e bujqësore. Dyshimet e para janë se ngjarja ka ardhur si pasojë e një konflikti për biznesin.

Një aksident ka ndodhur në lagjen Partizani në rrugën e Komanit në Shkodër. Një mjet tip ‘Benz’ me drejtues 15-vjeçarin R.S,  banues në Dobraç , ka dalë nga rruga dhe është përplasur me murin e një avullie

Luan Mançe, 50-vjeçari rezulton i humbur prej 6 muajsh. Babai i dy djemve doli nga shtëpia në fshatin Mazhan të Përmetit gushtin e vitit 2021 dhe nuk u kthye më. E ftuar në studion e emisionit ’Pa Gjurmë’ në Report Tv, Refide Paja, motra e të humburit bën apel për ndihmë duke folur për dyshimet që ka për humbjen e të vëllait. Ajo rrëfen se Luani është keqtrajtuar nga bashkëshortja dhe dy djemtë e rritur. 

GJKKO ka dënuar me burgim të përjetshëm Orgest Bilbilin dhe Anterio Kaloshin, pasi janë deklaruar fajtor për vrasjen e Zamir Latifit dhe Jurgen Hoxhës, si dhe plagosjen e Bujar Turkut dhe Marius Xhepexhiut, në Lushnjë në 2017

Debatet dhe sherri për një djalë ka përfunduar me përdorimin e thikave mes dy vajzave në Qytetin Studenti gjatë mbrëmjes së të hënës.

Përfaqësuesi i Dhomës së Avokatisë Lushnjë, Durim Meta u shpreh se përkrah këtë nismë të avokatëve, teksa shton se Lushnjë do kthehet në një 'fshat të madh'. Ai shton se me mbylljen e Gjykatës Civile rreth 40 mijë qytetarët do të duhet të shkojnë në Fier për çdo çështje gjyqësore.

Bledar Muça, i ekzekutuar 3 ditë më parë, në Shqipëri njihej si pjesë e një klani mafioz, por në Belgjikë kishte një tjetër profil krimineli, si hajdut në supermarkete. 

Modernizimi përmes dixhitalizimit dhe investimeve në teknologji, si dhe reformimi i Agjencisë së Mbikëqyrjes Policore janë dy nga shtyllat kryesore ku do të fokusohet puna e Ministrisë së Brendshme përsa i përket Policisë së Shtetit. Kështu është shprehur ministri Bledi Çuçi gjatë një diskutimi me studentë dhe pedagogë në Universitetin Barleti. 

Operacioni Ndërkombëtar i Monitorimit i ka rekomanduar Komisionerëve Publikë që të ankimojnë në Kolegjin e Posaçëm të Apelimit vendimin e Komisionit të Pavarur të Kualifikimit për konfirmimin në detyrë të Prokurorit të Tiranës, Gjon Kodra.

Nga

Sokol Dema

Pavarësisht rasteve të publikuara mbi inkriminimin e punonjësve të policisë, sipas ekspertëve, policia nuk është pjesa më e keqe e shoqërisë, dhe se implikimi i tyre është sporadik e jo fenomen.

Ministria e Infrastrukturës Belinda Balluku gjatë paradites së sotme ka inspektuar punimet e "Urës së Llogarasë" nga ku e ka cilësuar këtë ditë si të shënuar për shkak se puna ka ecur me shpejtësi.

Shtatë persona kanë rënë në prangat e policisë së Tiranës pasi akuzohen për vepra të ndryshme penale. Tre të tjerë janë nën hetim ndërsa një 18-vjeçare është në kërkim nga blutë e qytetit.

Një djalë i ri, i veshur sportiv me një kapuç në kokë, me një qetësi 'olimpike' shkon dhe vendos një tritol me fitil në derën e shtëpisë së Armand Dukës. Report Tv ka siguruar videon e këtij momenti dhe atë të shpërthimit më pas.

Ministria e Drejtësisë do të shkrijë Agjencinë Shtetërore të Kadastrës në Durrës. Ministri Ulsi Manja në një komunikim me mediat u shpreh se bëhet fjalë për një koordinim perfekt e të gjithë administratës atje në shkelje të ligjit, duke filluar nga drejtori deri te çdo nëpunës.