Kronikë

Ministrja Evis Kushi shprehet se grupi i ekspertëve ka filluar vlerësimin e nivelit të vështirësisë për çdo pyetje në test dhe në rast se rezulton se tejkalon nivelin e parashikuar, do të ketë rishikim të shpërndarjes së pikëve në test dhe mënyrën e vlerësimit.

Maturantët në të gjithë vendin kanë protestuar për vështirësinë  e provimit të matematikës duke thënë se teza ishte e formuluar gabim dhe me tendencë dhe se një notë e keqe do të penalizojë të ardhmen e tyre. Protesta nisi fillimisht në Tiranë dhe më pas në Korçë, Gjirokastër, Elbasan, Fier, Shkodër, Durrës.

Më 12 dhe 13 qershor përfundon pelegrinazhi i 13 të martave, në Kishën e Shna Ndout në Laç. Policia ka marrë masat për të garantuar rendin dhe sigurinë, ku disa kryqëzime që të çojnë drejt Kishës do të kufizohen për automjetet private.

Qendra e Shërbimeve Arsimore tha se teza e provimit nuk kishte asnjë gjë jashtë programit mësimor, ishte e nivelit mesatar dhe se nxënësit e mirë nuk kanë pasur asnjë vështirësi. Pas përfundimit të testit të Matematikës, maturantët u shprehën se hasën vështirësi në zgjidhjen e tezës dhe shumë gjëra nuk i kishin bërë duke marrë parasysh që viti shkollor ka funksionuar më së shumti online për shkak të pandemisë.

Kryeministri Edi Rama ka bërë me dije se po diskutohet për një reformë për ata që do të duan të kontribuojnë në mënyrë sistematike, por nuk duan të kthehen në Shqipëri, duke hapur një segment të administratës për nëpunës publik dixhital, që punojnë nga shtëpia.

Petraq Pali është arrestuar pasi është kapur duke shtuar një shtesë pa lejë në banesën e tij në fshatin Qeparo të Himarës.

Pas 10 ditësh të izoluar, banorët e fshatit Darzezë në Fier, tashmë mund të lëvizin lirshëm. Forcat xheniere të ushtrisë kanë përfunduar sot ndërtuar tashmë urën metalike “Bailey”.

Ministrja Gjonaj dhe partnerët ndërkombëtarë zhvilluan një takim me gjyqtarë dhe prokurorë të gjykatave dhe prokurorive të Rrethit dhe Apelit Shkodër. Gjonaj theksoi rolin e gjyqtarëve në procesin e ndihmës ligjore falas. Ministrja theksoi se ky takim u shërben përpjekjeve dhe angazhimit në përparimin e arritjeve, përparësive dhe objektivave të vendosura për reformën në Drejtësi, por edhe për të bashkërenduar proceset e ndërsjella të punës.

250 krerë bagëtish të imta, dele, dhi, keca e shqerra kanë ngordhur pasi rrufeja ka goditur tufën e tyre në fshatin Zaj të Mirditës.

Gjykata ka lënë në burg Leonard Bashalliu, i cili qëlloi për vdekje Ylber Xhahysën në Peqin, ngjarje e ndodhur më 8 qershor.

Drejtuesi politik i socialistëve në qarkun e Vlorës Damian Gjiknuri po i jep më shumë rëndësi pamjes fizike, ndërsa në një vide të publikuar shfaqet në palestër duke bërë boks.

Një 47-vjeçar ka rënë në prangat e policisë ditën e sotme në Lushnjë, pasi ishte shpallur në kërkim për plagosjen e një personi në shtator të vitit të kaluar. Bëhet me dije se në pranga ka rënë Adriano Shabanaj, banues në Roskovec, i njohur edhe me ermin Ilir Shabanaj.

Një 52-vjeçar ka rënë në prangat e policisë ditën e sotme në Kakavijë, i akuzuar për trafik armësh dhe municionesh. Bëhet me dije se në pranga ka rënë Idajet Hasani, banues në Cerrik, të cilit iu gjetën në makinë një çantë me 49 fishekë brenda.