Kronikë

Policia Rrugore me qëllim parandalimin e aksidenteve rrugore ka intensifikuar kontrollet. Gjatë 24 orë e fundit janë arrestuar 3 drejtues mjetesh, 2 prej të cilëve ishin në gjendje të dehur dhe 1 nuk posedonte lejen e drejtimit

Shtyhet për në 14 prill seanca për Zani Caushin i cili ka bërë kërkesë për ndryshimin e llojit të sigurisë së burgut.

Prokuroria e Përgjithshme do të bëjë verifikim edhe jashtë vendit për kandidatin për deputet Tom Doshi. Lajmin e ka dhënë ekskluzivisht në një intervistë të dhënë për gazetarin e Report Tv Arsen Rusta, Sokol Stojani, kreu i Drejtorisë së Dekriminalizimit në Prokurorinë e Përgjithshme. Stojani është shprehur se duke qenë se Doshi ka jetuar shumë vite jashtë vendit do të duhet verifikim edhe në vende të tjera

Bashkimi Evropian do të lejojë fermerët shqiptarë të eksportojnë produktet e tyre në BE pa taksa doganore deri në vitin 2025. Ambasadori i BE Luigi Soreca përmes një postimi në rrjete sociale shkruan se falë mbështetjes së BE për fermerët shqiptarë përmes Programit IPARD, produktet e tyre "Made in Albania" janë të disponueshëm në tregjet evropiane.

Policia italiane arreston 13 shqiptarë, nën akuzën e trafikimit dhe shitjes së kokainës të destinuar për tu tregtuar në qendrën historike të Venecies.

Gjatë inspektimit, Rama tha se me nisjen e vaksinimit masiv të popullsisë në të gjithë vendin, mund të arrijmë lehtësisht të bëjmë 30 mijë vaksinime në ditë duke bërë në një kohë shumë më të shkurtër parashikimin që doza e parë të vaksinës të jetë bërë masivisht dhe të jenë mbyllur grupet vunerabël ndaj COVID-19.

Së shpejti do të nisë vaksinimi i stafeve të sektorit të turizmit dhe hotelerisë, në mënyrë që të kemi një sezon turistik sa më të plotë. Lajmi u dha nga Ministri i Turizmit, Blendi Klosi gjatë një takimi me operatorët turistik ku u tha se vaksinimi do të kryhet sipas listave të përgatitura nga shoqatat në sektorin e turizmit.

Më shumë se 1 ore e 30 minuta për të bërë disa metra. Kjo është situata anormale për të gjithë qytetarët fatkeq që paraditen e sotme i ka rënë rruga tek hyrja e Tiranës nga ana e Durrësit, në sheshin "Shqiponja". Gjithçka thuajse është e paralizuar.

Kryeministri Edi Rama ka inspektuar rindërtimin e 524 apartamente në Laç , konkretisht ato që po ndërtohen në lagjen e re Zonën 1 dhe Zonën 2 të qendrës së qytetit. Kompleksi që do të ndërtohet në lagjen e re të qytetit të Laçit do të jenë moderne dhe me hapësira të gjelbra, parking e infrastrukturë europaine.

Tre persona, mes të cilëve dy shqiptarë janë arrestuar pasi dyshohet se kanë organizuar rrëmbime jashtë vendit, në disa raste me bashkëpunim në fazën fillestare të vetë personave të rrëmbyer.  Alessandro Sandrini i akuzuar për simulim të një rrëmbimit të tij dhe mashtrimi, fillimisht iu propozua nga të akuzuarit një simulim për rrëmbimin e tij në këmbim të parave, por më pas ai u "shit" tek një grup afër Al Kaidës.

Gjykata ka lënë në arrest me burg 20-vjeçarin Klavio Karuni, i arrestuar për abuzim seksual me 43-vjeçaren me probleme mendore. Ngjarja e rëndë ka ndodhur në fshatin Miras të Devollit, ndërsa ngjarja u zbulua pasi 43-vjeçarja rezultoi 6 muajshe shtatzënë.

Një projekt ambicioz, i cili synon që në të ardhmen i gjithë vendburimi të rrethohet nga një brez i gjelbër, po implementohet në zonën naftëmbajtëse të Patos-Marinzës. Prej gushtit të vitit 2019 vijon mbjellja e bimëve të ndryshme me qëllim përmirësimin e mjedisit. 

Kryeministri Edi Rama iu është bashkuar edhe ai 24 liderëve botërorë dhe ka firmosur një traktat për të qenë të bashkuar në luftën kundër COVID-19 si dhe pandemive të tjera që mund të kërcënojnë botën. Kryeministri britanik Boris Johnson, Presidenti francez Emmanuel Macron dhe Kancelarja gjermane Angela Merkel dhe më shumë se 20 liderë të tjerë janë bërë bashkë. 

Në ditën e 3 të vaksinimit masiv ka nisur edhe sot procesi në Berat. Të moshuarit që janë vaksinuar thonë se ndihen mirë, ndërsa shtojnë se e kanë bërë vaksinën për të qenë më të sigurtë.

Ish-shefja e Infektivit ka folur për punën  saj në luftën kundër COVID.

Kryeministri Edi Rama dhe Ministrja e Shëndetësisë Ogerta Manastirliu e kanë nisur mëngjesin e sotëm me publikimin e një videoje, nga të moshuarit të cilët dje morën dozën e parë të "Sinovac", në ditën e dytë të vaksinimit masiv

Një 49 vjeçar italian i shpallur në kërkim është arrestuar ditën e sotme në Rinas

Dy persona janë arrestuar dhe një tjetër është shpallur në kërkim në Berat, pasi u kapën me një sasi lënde narkotike. Ata fillimisht nuk iu bindën urdhrit për të ndaluar duke përplasur makinën e policisë, por u kapën pak minutave më vonë gjatë ndjekjes nga efektivët.