Kronikë

Këtë të mërkurë, disa efektivë të komisariatit të Lushnjes kanë festuar 108-vjetorin e krijimit të forcave të Policisë së Shtetit. Një numër i kufizuar efektivësh, ndodhur dhe në kushtet e pandemisë morën pjesë në një ceremoni të zhvilluar pranë ambjenteve të këtij komisariati.

Kush është Neritan Naska, djali i ish-kryetarit të Komitetit Ekzekutiv të Skraparit gjatë komunizmit. E nisi karrierën në polici si zjarrfikësi i Kuçovës.

Gjykata e Vlorës ka dhënë masën e sigurisë arrest me burg Fatos Dushën, i arrestuar për strehimin e disa prej klandestinëve sirianë që u gjetën në detin Adriatik pak ditë më parë. Ndaj hotelierit nga Tirana rëndon akuza e dhënies së ndihmës në kalim të paligjshëm të kufirit.Vetë Dusha është shprehur para gjykatës se nuk ka dijeni për trafikun.

Një biznesmen është plagosur me armë zjarri kurse ortaku i tij i dyshuar është dorëzuar në polici duke mohuar ngjarjen paraditen e sotme në Tiranë. Përveç ndërtuesit Sino Llanaj janë plagosur dhe dy persona të tjerë, kalimtari dhe roja. Dyshohet se mes Llanaj dhe Albert Allmuçës ka një konflikt për shitjen e apartamenteve.

Reshjet e shiut që përfshinë vendin gjatë ditëve të fundit kanë sjellë dëmtime në shumë rrugë të vendit. Rruga Rrëshen-Bukmirë e cila u ndërtua në vitin 2017 është dëmtuar. Aksi rrugor ka pësuar shkarje si dhe rrëshqitje dherash. Kjo situatë ka krijuar vështirësi në lëvizje në këtë rrugë e cila lidh disa fshatra të zonës.

Arrestohet pastruesja e ‘Shefqet Ndroqit’ që u hoq si infermiere! I mori vajzës së një pacienteje me COVID 8 mln lekë. Vajza e pacientes me COVID që prej 28 ditësh ishte shtruar te ‘Shefet Ndroqi’ ka kallëzuar në polici se Tire Alldervishi i ka marrë çdo ditë rreth 5.000-6.000 lekë duke i "premtuar" se do të kujdesej për nënën e saj, por rezultoi se kundërta. 

Gjykata e Posaçme Anti-Korrupsion ka lënë në fuqi vendimin për të vijuar të izoluar në qelitë e posaçme '41-bis' të Emiljano Shullazit dhe Gilmando Danit.

Zbardhet ngjarja e ndodhur ditën e djeshme në Kukës ku ish-kreu i këtij qarku, i shpallur në kërkim, u konfrontua me efektivë të policisë. Këta të fundit kishin shkuar në hotelin e vetë Abedin Oruçit ku edhe pse ishte në kërkim, ai qëndronte i pashqetësuar. Lidhur me këtë ngjarje, policia ka arrestuar 6 persona, të afërm të Oruçit teksa nën hetim janë 5 persona.

Temperaturat e ajrit ulen më 3 gradë në mëngjes, por rënie të lehtë sjellë mesdita duke luhatur vlerat ditore nga -5°C deri në 10°C.

Defekt në linjën e tensionit të lartë nga OST, 70% e qarkut të Beratit në errësirë të plotë. Me energji elektrike vetëm qendrat e 5 qyteteve, përfshi spitalet, ujësjellësat etj.

Shefja e Departamentit të Epidemiologjisë pranë ISHP, Silva Bino tha se edhe personat që e kanë kaluar COVID-19 duhet të vaksinohen pasi ata kanë një imunitet të shkurtër vetëm për 3 muaj dhe rrezikojnë të riinfektohen.