Kronikë

Ka ndërruar jetë gjatë mesnatës 67 vjeçari Ilirian Merdanaj ndërkohë që bashkëshortja e tij, Gjinovefa Merdanaj është nisur drejt Tiranës për ndihmë mjeksore më të specializuar, pasi u aksidentuan mbrëmjen e djeshme nga një makinë në Fier duke kaluar vijat e bardha.

Një 34-vjeçar është arrestuar në Berat, të cilit gjatë kontrollit fizik dhe në banesë i janë gjetur dhe sekuestruar 1.2 kg  lëndë narkotike kanabis e fara.  Kontrollet ndaj 34 vjeçarit janë bërë pas informacioneve të marra në rrugë operative se merrej me shpërndarje të lëndës narkotike

Kufoma e një shqiptari është gjetur në një ishull në Greqi. Mediat greke raportojnë se në ishullin Paro është gjetur një shtetas i moshës rreth 35-45 vjeç. Kufoma, me shkallë të lartë dekompozimi u gjet nga kalimtare të rastit në Agio Anargiron të cilët më pas sinjalizuan policinë

Një 27 vjeçar është arrestuar në vlorë pasi ishte shpallur në kërkim për “Armëmbajtja pa leje” dhe “Prishja e qetësisë publike”.

Si pasojë e motit të keq, të shoqëruar me erë të fortë, janë pezulluar të gjitha mjetet e vogla lundruese dhe ato të peshkimit në Vlorë. Ndërsa anijet pasagjere të transportit ndërkombëtar detar nuk janë pezulluar. Pas disa orësh pritje në det, udhëtarët kanë filluar të zbresin pasi shkak të erës së fortë trageti i linjës Vlorë-Brindisi, i cili sot po kthehej nga Italia, nuk ka mundur dot të ankorohet në portin e Vlorës

Paraditja në territorin shqiptar paraqitet me vranësira të shpeshta, të cilat do të sjellin reshje të pakta e të izoluara. Por mesdita dhe pasditja sjellin reshje me inetsitet mesatar në të gjithë vendin ku në Veriperëndim dhe Juglindje herë pas here do jenë në forme rrebeshi.

Gjyqtari i Apelit në Shkodër Fuat Vjerdha ka shkruar një mesazh plot nota vlerësuese për punën e mjekëve në spitalin e Shkodrës në repartin e patologjisë që u kujdesën për të.

Hajdutët në mes të ditës dhe të pamaskuar hapin lehtësisht makinat dhe vjedhin sendet me vlerë që ndodhen brenda tyre.

19-vjeçari nga Kosova, i cili u arrestua ditën e sotme pasi u kap pa leje drejtimi dhe me armë zjarri me vete, në fakt është në kërkim edhe nga autoritete e Kosovës për vrasje e mbetur në tentativë.

Mediat greke thanë sot se Alket Rizai është kapur gjatë një kontrolli rutinë dhe është arrestuar sërish, pasi është i dënuar me burgim të përjetshëm. Gjatë një komunikimi me Report Tv, Rizai sqaron se ai është shumë mirë dhe në shtëpinë e tij pasi kishte marrë leje nga burgu. Ndërsa ndalimin e policisë e sqaron se ka ndodhur për shkak të mosmbajtjes së maskës anti-COVID.

Një apartament ka marrë flakë në katin e 4-t të një pallati në Durrës si pasojë e një shkëndije elektrike. Nga zjarri ka vetëm dëme materiale, fatmirësisht pa pasoja në njerëz. 

Dy aksidentet të ndryshe, një në Fier dhe një në Tiranë kanë ndodhur me pak minuta diferencë duke lënë 4 të plagosur.

Në 24 orët e fundit në vendin tonë janë konfirmuar pozitive 901 raste të reja dhe 11 humbje jete në 24 orët e fundit. Aktualisht në 4 spitalet COVID, po trajtohen 287 pacientë, 20 në terapi intensive nga të cilët 4 pacientë janë të intubuar. Ndërsa në 24 orë janë shëruar 507 qytetarë.

Nga intensiteti i lartë i reshjeve, mund të vërehen vërshime të shkurtra lokale në zonat malore ose qendrat urbane në varësi të sistemit të kanalizimeve. Ky informacion do të përditësohet nga IGJEUM sipas llogaritjeve më të fundit hidrologjike, dhe do të njoftoheni për çdo ndryshim në parashikimin e rrezikut të përmbytjeve.

Nga

Doris Sallaku

Ndryshe nga një vit më parë është ulur numri i urgjencave pediatrike në QSUT. Mjeku pediatër, Albert Lama tregon se kjo situatë ka ardhur për shkak të pakësimit të virozave stinore.

Një çift shqiptar në Mykonos është arrestuar për trafik kokaine. Ata udhëtonin në drejtim të Athinës gjatë dimrit për të zhvilluar edhe tregtinë e kokainës, të cilën ata kishin gjetur një metodë tejet të veçantë për ti transportuar nëpërmjet arushëve të pelushit. 

Sharjet e vjehrrës dhe mallkimet e nuses janë mbyllur sapo ka mbërritur policia, ndërsa gruaja me inicialet G. V. ka kërkuar që t’ia marrin kallëzimin në shtëpi “pasi ishte shumë plakë dhe nuk lëvizte dot”. 

Një 21 vjeçar është arrestuar sot në Tiranë pasi nën presionin e pistoletës lodër ka arritur të grabisë një telefon. I arrestuar është Xh. Sh., 21 vjeç të cilit gjatë kontrollit fizik iu gjet edhe 1 mjet prerës (thikë) e cila u sekuestrua në cilësi e provës materiale.