Kronikë

Një 50 vjeçar në Tiranë ka ndërruar jetë ditën e sotme sepse shtëpia e tij ka marrë flakë pasi dyshohet se ka harruar ngrohësen ndezur. Gazetari i Report Tv Sokol Dema raporton se 50-vjeçari ka ndezur ngrohësen në mes të dhomës së vogël, të cilës i kishte mbyllur edhe dritaret por fatkeqësisht e ka zënë gjumi.

Shqipëria dhe Shtetet e Bashkuara të Amerikës kanë nënshkruar sot marrëveshjen e re të ekstradimit mes dy vendeve. Kjo marrëveshje vjen pas asaj të 87 viteve më parë dhe zëvendëson traktatin e vitit 1933. Marrëveshja është firmosur nga ambasadorja Yuri Kim dhe ministrja e Drejtësisë Etilda Gjonaj.

Gjykata ka caktuar masën e sigurisë "arrest me burg" për Nikoll Sherrnikun, një prej autorëve të dyshuar të vrasjes së efektivit të FNSH-së, Xhulio Prela i cili është vetëdorëzuar në polici.  Astrit Gjoka, vjehrri i tij ka deklaruar se natën që ka ndodhur ngjarja, Sherrniku ka qenë në shtëpinë e tij.

Shqipëria e ka siguruar lirinë e lëvizjes në vendet e BE-së që në vitin 2011 dhe është një vend europian, por shqiptarët ende paguajnë kosto të larta, gati të njëjta me ato të vendeve afrikane për të hyrë në mënyrë të paligjshme kryesisht në Britaninë e Madhe dhe Shtetet e Bashkuara të Amerikës.

Arrestohet ish e dashura e djalit të çiftit shqiptar të masakruar në Itali, Shpëtim dhe Teuta Pasho. Mëngjesin e sotëm është arrestuar Elona Kaleshi, e cila akuzohet për vrasje, fshehje dhe masakrim të trupave të dy bashkëshortëve.

Shqipëria ka marrë vendimin për të pezulluar fluturimet me Britaninë e Madhe, për shkak të shfaqjes së një varianti të ri të COVID-19. Lajmi është bërë me dije ditën e djeshme nga ministrja e Shëndetësisë Ogerta Manastirliu gjatë një konference me Komitetin Teknik.

Në periudhën e karantinës shumë qytetarët vlonjatë u afruan me librin dhe salla e bibliotekës kishte përherë më shumë të rinj. Kjo nuk zgjati shumë dhe aktualisht biblioteka është e boshatisur.

Parashikimi i motit për sot. Kthjellimet dominojnë motin në pjesën më të madhe të Shqipërisë gjatë paradites. Por mesdita sjellë kalime vranësirash nëpër terrior duke rrezikuar ndonjë shi në jugperëndim.

Përfaqësuesi i Lëvizjes Vetëvendosje në Tiranë Bojken Abazi i është përgjigjur akuzave ndaj Presidentes në detyrë të Kosovës Vjosa Osmani dhe Albin Kurtit. Ai thotë se LVV i mbështet 3 çështjet që ka shpalosur Osmani në Shqipëri gjatë vizitës së saj 3 ditore.

Report Tv ka siguruar dokumentin i cili dëshmon se Sherrniku është vetëdorëzuar në polici më datë 19 dhjetor në komisariatin e policisë së Kurbinit. Ndërkohë policia njoftoi se ai ishte arrestuar ditën e djeshme.

Gjatë tre ditëve të fundit është rritur fluksi i udhëtarëve në portin e Durrësit. Emigrantët, edhe pse në kohë pandemia nuk e lënë pas traditën për të festuar me të afërmit. 

Pandemia ka dhënë efektet e veta negative edhe në bujqësi. Këtë vit fermerët kanë mbarështuar më pak gjela deti se një vit më parë. Ata shprehen se janë bazuar tek klientela, ndërsa në tregun e Fierit vihet re numër i vogël blerësish.

Një aksident rrugor u shënua pasditen e sotme (21 dhjetor) në aksin Elbasan-Peqin. Dy automjete janë përfshirë në aksident të regjistruar pranë fshatit Përparim.

Ardi Veliu dhe Franco Gabrielli nënshkruajnë deklaratën e mirëkuptimit ndërmjet Drejtorisë së Përgjithshme të Policisë së Shtetit dhe Departamentit të Sigurisë Publike të Policisë italiane. Drejtori i Përgjithshëm i Sigurisë Publike në Policinë italiane Franco Gabrielli tha se nga pikëpamja operacionale, ky është një tjetër rezultat i rëndësishëm në marrëdhëniet e gjata dhe të konsoliduara të bashkëpunimit me Shqipërinë.

Bashkia Ura Vajgurore pritet të marrë 'dritën jeshile' nga Kuvendi për të ndryshuar emrin e saj në  'Dimal'. Kryetarja e kësaj bashkie, Juliana Mema në një intervistë për Report Tv tha se kjo çështje është në kalendarin e Kuvendit por pa dhënë një datë se kur do të diskutohet.