Kronikë

Floresha Rasha me fëmijët e saj  Amar, Emel dhe Hatixhe Rasha si dhe Endri Dumani vazhdojnë të trajtohen për rehabilitim në shtëpinë e pushimit të ushtarakëve të ministrisë së mbrojtjes, në Konvaleshencë të Durrësit.

Është rikthyer në garën për anëtare të Gjykatës Kushtetuese Zhaklina Peto. Vendimi është marrë mëngjesin e sotëm nga Gjykata Administrative e Apelit.

Policia e Korçës ka njoftuar sot se ka zbardhur ngjarjen e rëndë të dy ditëve më parë kur 2 persona dhunuan dhe më pas grabitën kambistin, Anxhel Rrenja, 30 vjeç, i cili ka në pronësi një dyqan exchange.   Uniformat blu të qytetit juglindor bëjnë me dije se kanë vënë në pranga njërin prej autorëve të ngjarjes së ndodhur në lagjen nr. 18 Korçë, ku i vodhën 1.000.000 lekë.

Dy persona në Fier kanë rënë në prangat e policisë, pasi akuzohen për trafikim të lëndëve narkotike. Në pranga ka rënë K. S., 26 vjeç dhe I. T., 22 vjeç, banues në Baltëz, Fier.

Nga sot në Tiranë do të nisin të aplikohen testet e shpejta për pacientët që shfaqin simptoma të COVID-19. Këto teste do të japin përgjigjen brenda 15-30 minutash dhe do të aplikohet fillimisht te ato që konsiderohen si vatra të rrezikshme infeksioni. Në total në dispozicion janë 100 mijë teste të shpejta.

Një aksident rrugor është regjistruar mëngjesin e kësaj të hëne në Durrës, ku tre makina janë përplasur me njëra-tjetrën, fatmirësisht pa persona të plagosur.

Një aksident fatal ka ndodhur të shtunën (5 dhjetor) në rrugën "Demokracia" në Kamëz, në të cilën mbeti e vdekur 22-vjeçarja Alida Spahiu ndërsa e plagosur 19-vjeçarja Deni Doku, e cila ishte dhe shoferja e SMART-it që u përplas me një tjetër makinë.

Një 43-vjeçar në Gjirokastër është vënë në prangat e policisë pasi është kapur duke transportuar emigrantë të paligjshëm. Në flagrancë është arrestuar E. T., i cili u kap në afërsi të fshatit Glinë, duke transportuar 6 emigrantë të paligjshëm, në drejtim të Tiranës, me mjetin tip "Mercedez Benz”.   

Moti i keq ka përfshirë disa zona në vend dhe për të shmangur ndonjë situatë rreziku, bashkia e Vlorës u ka bërë apel qytetarëve që të shmangin lëvizjet me makina. Bashkia u drejtohet qytetarëve duke thënë që të shmangin të gjitha lëvizjet me makina për shkak të shirave të dendur dhe erërave të forta qe priten ne vijim

Mot i vranët dhe reshje shiu mbizotërojnë në zonat e ulta por dëborë në zonat malore gjatë orëve të para të ditës. Mesdita sjellë përmirësim të përkohshëm të kushteve atmosferike, POR sërisht mbrëmja ri-kthen reshjet në territorin shqiptar. Temperaturat e ajrit rriten në mëngjes por ulen lehtë në mesditë duke luhatur vlerat ekstremale ditore nga 1°C  në zonat malore deri në 15°C në Jugperëndim

Policia e Kosovës ka arrestuar Indrit Taullain, një prej ish-anëtarëve të bandës së Durrësit.Ai u arrestua në një qendër tregtare në Prizren në orën 14:20. Taullai është arrestuar edhe më parë si pjesëtar në organizatë kriminale, ndërkohë që në vitin 2017 i shpëtoi burgimit të përjetshëm duke u dënuar me 25 vite burg, por më pas fitoi lirimin me kusht për arsye shëndetësore.

Report TV siguron videon e një aksidenti fatal të ndodhur mbrëmjen e së shtunën (5 dhjetor) në rrugën "Demokracia" në Kamëz, në të cilën mbeti e vdekur një 22-vjeçare dhe e plagosur një 19-vjeçare tjetër.

Era e fortë që ka përfshirë vendin tonë ka rrëzuar pemën e Vitit të Ri në Kolonjë. Pasi u rrëzua, punonjësit e bashkisë së Kolonjës po punojnë për ringritjen e saj si dhe përforëcimin në mënyrë që të mos ketë përsëritje.

Dy persona kanë mbetur të plagosur pas një aksidenti me motor në afërsi të kufirit greko-shqiptar të Qafë Botës. Një 43-vjeçare është dërguar në gjendje të rëndë shëndetësore në një spital në Janinë ndërsa drejtuesi i motorit është shoqëruar në komisariat. Mësohet se ata kishin kaluar ilegalisht në shtetin fqinj.

Festat e fundvitit kanë trokitur në qytetin e Fierit. Mbrëmjen e sotme u ndezën dritat e pemës së Vitit të Ri në qendër të qytetit. Qytetarë të shumtë u mblodhën për të shijuar atmosferën festive.