Kronikë

Shqipëria është vendi me rritjen më të ndjeshme të demokracisë në Europën Juglindore, sipas indeksit të demokracisë” për vitin 2020, të botuar nga revista prestigjoze The Economist.

Teksa, e gjithë bota është në një moment kyç me debatet dhe vështirësitë e vaksinimit kundër COVID, aleanca GAVI, COVAX, ka publikuar zyrtarisht sot  planin paraprak të shpërndarjes së vaksinave AstraZeneca dhe Pfizer, që kapin në total 1.2 milion doza. 

Qytetarët vijojnë të mos respektojnë masat antiCOVID të vendosura nga qeveria shqiptare. Në 48 orët e fundit, policia ka gjobitur në total 770 persona të cilët nuk respektonin këto masa të vendosura.

Firmoset kontrata për ndërtimin e hekurudhës së re Tiranë - Durrës dhe ndërtimit të nyjes së re Tiranë-Aeroporti i Rinasit mes Ministrisë së Infrastrukturës dhe kompanisë italiane INC SPA që fitoi zhvillimin e projektit. Arteria e re që do të lidhë Tiranën me Aeroportin e Rinasit, që do të ketë një gjatësi prej 5.7 km dhe udhëtimi do të zgjasë vetëm 12 minua. Punimet do të përmbyllen në verë të 2023 ose për 30 muaj.

Gjatë një operacioni nga Europol, janë arrestuar 105 persona në Spanjë, Austri, Mbretërinë e Bashkuar dhe Greqi, mes tyre dhe shqiptarë pasi përmes mashtrimit me kartat bankare kanë pastruar 12 milionë euro. 

Byroja Kombëtare e Hetimit rihap garën për vendet vakante për hetues 'për organizimin dhe funksionimin e institucioneve për të luftuar korrupsionin dhe krimin e organizuar'. Lajmin e ka bërë me dije vetë BKH me anë të një njoftimi ku thotë se me përfundimin e fazës së verifikimit të figurës dhe pasurisë së kandidatëve të kualifikuar, do të hapi përsëri konkurrimin për pozicionin e punës “Hetues” për vendet vakant.

Ministria e Shëndetësisë dhe Mbrojtjes Sociale bëri me dije sot se ka nisur testimi i shpejtë edhe në 4 pika të reja në Qendra Shëndetësore në Tiranë, duke e çuar në 10 numrin e tyre dhe tashmë në këto pika do të kryhet edhe testimi me metodën klasike të PCR.

Prishet shkolla 9-vjeçare "Llambi Goxhomani" në Berat. Shembja e shkollës u krye nga punonjësit e bashkisë për të çliruar hapësirat publike dhe shpalosur panoramën e Mangalemit.

Ministrja e Shëndetësisë dhe Drejtuesja e Departamentit të Sëmundjeve Infektive në Institutin e Shëndetit Publik deklaruan se po punohet intensivisht, jo vetëm në laboratorin e ISHP, por edhe me institutet ndërkombëtare për identifikimin e mutacioneve të COVID19.

Mediat gjermane kanë raportuar se në qytetin e Hochtaunus, është raportuar rasti i parë me variantin britanik të COVID-19.

Tmerr ka përjetuar 12-vjeçari në Greqi pasi 62-vjeçari me origjinë shqiptare e ka ngacmuar seksualisht duke i treguar organet e tij gjenitale dhe më pas e ka kërcënuar me një thikë.

Amerikani Najebul Hasan rreth 60 vjeç është gjetur i pajetë ditën e sotme në apartamentin e tij në Tushemisht të Pogradecit.

Motra e 33-vjeçarit shqiptar, që në mënyrë tronditëse është konstatuar se ka ardhur nga Barcelona e Spanjës në Tiranë i vdekur pa zemrën e tij, në një intervistë ekskluzive për gazetarin e Report Tv, Arsen Rusta, ka treguar historinë e vëllait të saj.

Përcillet për në banesën e fundit mjeku Muharrem Nonaj, 77 vjeç, i cili ka mundur të fitojë betejën me COVID dy ditë më parë. Në ceremoni kanë marrë pjesë edhe presidenti Ilir Meta dhe bashkëshortja e tij, kryetarja e LSI Monika Kryemadhi.